Press Release
December 10, 2007

Transcript of press briefing with Senator Mar Roxas

On how to mitigate the effects of a strong peso:

MAR: Napakarami ng ating OFW, ng ating exporters, ng BPO, ng tourism industry, ang nasasaktan dahil sa pabawas ng pabawas na kinikita sa bawat dolyar na natatanggap nila. Sa OFW lamang, halimbawa, $16 billion a year iyon. Kung ikumpara ang peso-dollar rate last year sa ngayon, halos sampung piso bawat dolyar ang nabawas sa kanilang natatanggap. So that's about P160 billion worth of purchasing power sa ating ekonomiya na hindi na nila magagamit o magagastos dito sa atin. Sa kabila n'on, yung cost ng mga imported products ay hindi naman bumababa, kaya nagkakaroon ng imbalance yung kinikita ng ating OFW families, exporters, BPO, tourism industry, kung ikumpara roon sa kanilang gastusin.

May isang konkretong hakbang na maisasagawa ng gobyerno. Uutang ang gobyerno next year. Magro-roll over ng kanyang utang ang gobyerno next year. Daang milyong dolyar ito, maaari makakatulong ang gobyerno sa pamamagitan ng isang deklarasyon na hindi sila uutang ng dolyar pa next year, at uutangin na lang nila ng peso iyan. Sa ganoong paraan, mababawas ang supply ng dolyar, at hindi naman gaanong kaunti ang tatanggapin ng ating mga OFW, exporters, BPO at tourism industry sa bawat dolyar na matatanggap nila.

Sa supply and demand, maraming dolyar, kaunti ang peso, of course nagiging mas mura ang dolyar kumpara roon sa peso. Isang konkretong hakbang na magagawa ng gobyerno, sa Bangko Sentral and/or the Bureau of the Treasury, ay sabihin na lahat ng ating dollar-denominated loans ay hindi nila ire-renew sa pamamagitan ng dolyar. Uutang sila ng peso, at iyon ang i-convert sa dollars, at sa ganoon, magkakaroon ng mas madaming supply ng peso, mas malaki yung demand for dollars, magkakaroon ng mas magandang balance yung peso-dollar dito sa atin.

Utangin natin sa peso, tutal, mababa ang interest rates ngayon, nasa 3.5%, 3.7% ang T-bill rates, mababa naman sa panlokal na interest, utangin ng gobyerno ito sa lokal imbes na sa abroad, at sa ganoong magkakabalanse, masa-stabilize ang exchange rate at hindi naman makukulangan gaano ang ating OFW sa mga remittances na matatanggap nila.

Q: Should the BSP directly halt the peso's rise to the dollar?

MAR: The BSP, per my information, has already lost P60 billion, trying to support the dollar versus the peso. There is no central bank in the world that is capable of blocking a market trend. There is no way that they can impose a peso-dollar exchange rate or to fix it. Mababangkarote sila. Ang magagawa nila is to reduce the demand for the peso, or alternatively, to increase the demand for dollars by borrowing local and then having to convert.

Let's put our money where our mouths are. Sinasabi natin OFW, bagong bayani. They're suffering 10 pesos per dollar. Sinasabi natin BPO ang kinabukasan ng service industry, they're suffering also now. Sinasabi natin tourism, exports... lahat ng mga export na ito, apektado dito sa sobrang lakas ng ating pera, at kung mababawasan ang kanilang purchasing power, may epekto ito sa ekonomiya.

Q: Until when do you foresee the strength of the peso?

MAR: At the rate that our OFWs are spending and sending money here, given the dynamics, the peso could be at the 30s range in a couple of months. So yung ating pagkamacho dito sa peso-dollar rate, may epekto dito sa atin.

On the Quality Affordable Medicines bill:

Q: You've passed the bill, and apparently the House is going to sit on it a second time.

MAR: I hope the House is going to act on it. There is a LEDAC tomorrow, I'll certainly bring it up. Ang mahalaga rito ay maaksyunan ito. Dalawang beses na ito ipinasa ng Senado, sampung taon na natin pinaglalaban ito, at inaantay na lang ngayon ay ang aksyon mula sa House.

Q: Congressman Ferj Biron claims your proposed measure will not be effective without price control.

MAR: Pananaw ni Congressman Ferj Biron iyon, palagay ko, may debate sila doon sa House. Dito sa Senado, ang bersyon sa Senado ay mayroong regulatory power na nakapaloob na sa batas. Inuulit natin na ang pangulo, upon the recommendation of the Secretary of Health, can impose price controls on certain medicines upon declaration of health emergencies. Hindi ito kalamidad, hindi ito lindol, hindi ito bagyo, but just a declaration of health emergency, for diabetes, for example, or for hypertension, or for any one particular ailment, a declaration by the Secretary of Health can lead to price controls by the President directly. Mas maganda sa akin na rekta - secretary of Health at pangulo, imbes na gagawa pa ng mga board-board na hindi magiging transparent ang deliberasyon at ang desisyon.

Q: Do you think the delay is due to the purported lobby fund?

MAR: Nabasa ko ang mga speeches, halimbawa nina Congressman Pablo Garcia at ng sponsor si Congressman Antonio Alvarez. I think there's a real debate there, kung ano ang direksyon ng bill na ito.

News Latest News Feed