Press Release
February 6, 2008

Transcript of press conference with Senate President Manny Villar

Q: On Lozada

SPMBV: Kinausap ko na ang chairman ng ating Blue Ribbon. Ang aking pakiusap ay magkaroon ng hearing within 24 hours dito sa issue ng Lozada para maliwanagan natin kung ano ang nangyari at mahingan natin ng paliwanag ang mga PNP. Ngayon ay inamin nila na si Mr. Lozada ay nasa kanila. Gusto naming i-turn over nila sa Senado si Mr. Lozada at ipaliwanag ang kanilang partisipasyon sa nangyari. Iyan ang gusto kong maliwanagan kaya ako ay tumatawag ng meeting ng ating Blue Ribbon. Hihingin ko rin sa kanila iyong CCTV tape doon sa pagdating ni Mr. Lozada para makita natin kung ano ang nangyari. Ito naman ay ginagawa natin para sa kaligtasan ni Mr. Lozada, para sa kaligtasan ng kanyang pamilya at para malaman ang katotohanan.

Q: May communication na kayo sa PNP?

SPMBV: Wala pa sa ngayon. Ang balak ko ay sa hearing na lamang kaya gusto ko sanang magkaroon ng hearing sa lalong madaling panahon para malaman agad natin ang nangyayari at mapangalagaan natin kung kinakailangan si Mr. Lozada.

Q: Ready daw silang i-turn over sa inyo sabi ni Razon?

SPMBV: Iwe-welcome namin iyon. Ang mahalaga naman sa amin ay ang kaligtasan ni Mr. Lozada. Mahalaga din sa amin ang kaligtasan ng kanyang pamilya. Pero kailangan talagang magkaroon ng paliwanag pa rin ang PNP sa nangyari kahapon at iyong airport officials at iyong mga immigration officials, hindi naman maganda na nawawala na lamang ang isang pasahero ng eroplano na walang nakakakita maski na ang kanyang asawa o pamilya. Syempre kapag naririnig natin iyang salitang tarmac o eroplano, naaalala natin ang nangyari noon kay Ninoy Aquino. Iyan ay medyo may chilling effect sa ating lahat.

Q: Meron kayong i-impose na deadline kung kailan dapat ite-turnover?

SPMBV: Sa akin sa lalong madaling panahon ay i-turn over sana si Mr. Lozada. Ito ang batas. Kami naman ay sumusunod lamang sa kung ano ang nakalagay sa batas. Hindi naman kami nakikipag-away. Ang mahalaga sa Senado ay ang kaligtasan ni Mr. Lozada, ang kaligtasan ng kanyang pamilya at ang batas ay masunod.

Q: Si Razon po mismo ang gusto ninyong humarap dito at magpaliwanag?

SPMBV: Bilang pinuno ng PNP ay inaasahan namin na siya ang magpapaliwanag sa nangyari at isama niya ang nakakaalam ng puno't dulo nitong istorya ni Mr. Lozada.

Q: Isasama n'yo rin itong SPO4 Valeroso?

SPMBV: Kung mahahanap, kung merong ganyang klaseng SPO.

Q: Nagkamali lang daw ng pangalan si Atutubo?

SPMBV: Mas grabe pa ang problema ni Mr. Atutubo dahil hindi pala siya nagbabasa ng pangalan man lang nung sumusundo?

Q: Ano ang accountability nila?

SPMBV: Mahaba iyan at doon nga naman i-establish iyan sa hearing. Pinakiusapan natin ang chairman na sana ay makapag-hearing within 24 hours. Syempre kukunsultahin muna niya ang kanyang mga miyembro kung posible na magkaroon ng hearing within 24 hours.

Q: Within today magde-decide?

SPMBV: Palagay ko. Mahalaga na sa lalong madaling panahon ay maliwanagan natin ito para sa kaligtasan ng mga taong involved. Hindi natin dapat papatagalin itong mga ganitong bagay. Nakakatakot din at hindi dapat itong mga ganitong pangyayari ay papayagan natin sa isang bansa na may demokrasya.

Q: What will happen kung ma-establish na talagang tinangka nilang agawin ang isang witness ng Senado?

SPMBV: Sa akin kasi kung ano ang nasa batas, iyon lamang naman ang ginagawa ng Senado. Hindi naman natin balak lumabag sa batas. Nakita naman ninyo noong mag-utos ang Supreme Court na huwag munang i-implementa iyong arrest order habang sila ay nagde-decide pa doon sa kaso ni Secretary Neri, pumayag agad ang Senado. Hindi namin kinwestyon iyon. Hindi naman kami nakikipag-away. Ang gusto lang namin ay malaman ang katotohanan at lumagay sa ayos na naaayon sa batas.

Q: Can you say that Malacañang is behind?

SPMBV: Sa akin kasi ang PNP sinabi na nila na nasa kanila si Mr. Lozada. I suppose it's the PNP and PNP is part of the Executive Department.

Q: May go-signal sir?

SPMBV: Hindi ko alam if there is a direct order. Kaya nga gusto nating maliwanagan kung sino ang nag-utos sa PNP na gumawa ng ganyan.

Q: Sino ang ipatatawag?

SPMBV: Iyan ay iiwanan ko naman sa chairman ng committee. I would assume na ipapatawag niya ang head ng PNP at maaring DILG.

Q: Pati kayo ay nage-air na ng sense of urgency.

SPMBV: Somehow may chilling effect itong nangyari kay Mr. Lozada. Nababahala ako noong nakausap ko ang kanyang asawa na hindi niya alam kung ano ang nangyari sa kanyang asawa three hours after na dumating ang eroplano. Itong mga bagay na ito ay talagang walang lugar sa isang demokrasyang kagaya natin. Natatandaan natin noon, malaking parte ng ating history ang nangyari sa NAIA, sa tarmac.

Q: Nagkausap kayo ng misis?

SPMBV: Nagkausap kami kagabi at siya ay nagsabi na nababahala siya. Hindi niya alam kung ano ang nangyari sa kanyang asawa. Tumawag sa akin ang kamag-anak ni Mr. Lozada. Sinabi ko na baka dapat ang magsabi niyan para ma-validate ko ay ang asawa. At doon nakausap ko ang asawa.

Q: After noon, wala nang tawag ang misis niya? Kasi may info na nakita na ni Violeta ng husband niya.

SPMBV: Puwede rin. Ako naman hindi ko alam kung ano ang nangyayari sa ngayon. Ang totoo niyan, hindi ko alam kung nasaan na sino. Pero iyong nangyari sa airport ay isang insidente na dapat maliwanagan nating lahat kasi hindi dapat nangyayari ang mga ganyan.

Q: I-turnover o hindi si Lozada, may imbestigasyon pa rin.

SPMBV: Oo kasi dapat maliwanagan natin kung paano ang isang pasahero ay mawawala na lang parang bula sa airport.

Q: Hindi ba sobrang pambabastos na iyan sa Senado?

SPMBV: Sa akin hindi lang sa Senado, kundi sa bayan ito. Iyong mawawala ang isang tao na ang pamilya ay hindi nalalaman kung nasaan siya ay walang lugar sa isang demokrasya na kagaya natin.

Q: In case the PNP is able to come up with a letter saying Lozada's request for protection, may paglabag po ba ang PNP?

SPMBV: Unang-una, sana kung nasa kanila si Mr. Lozada, ipakita naman nila kasi hindi pa nakikita ng publiko at hindi nakikita ng pamilya. Wala namang masama na maipakita nila para at least alam ng tao na ligtas na siya. Iyon lang naman ang mahalaga dito. Syempre kung in the end may sasabihin si Mr. Lozada, hindi naman natin alam kung sa anong pamamaraan nakuha ang statement na iyan.

Q: You don't buy the reasoning na Lozada requested the PNP to whisk him away?

SPMBV: Unang-una, bakit mababahala ang asawa three hours after? Nagkausap kami, nababahala ang asawa, nagpa-panic iyong isang kamag-anak na tumawag sa akin. Bakit siya mababahala three hours after kung siya mismo ang humihingi ng proteksyon. Kaya parang malabo ang katwiran na iyon. Maaring magbago ng isip si Mr. Lozada sa darating na panahon. Hindi ko maiaalis iyan. Ang gusto kong malaman, paano nagbago ang isip niya.

Q: Interesado kayo sa CCTV tapes?

SPMBV: Pinakamaganda sana na makuha natin ang tape nun. Hindi na kasi magsisinungaling iyon kung ano talaga ang nangyari.

Q: Some senators are calling it an abduction. Do you share this view?

SPMBV: Posible, kaya nga gusto kong maliwanagan ang pangyayari na ganoon na hindi alam ng kamag-anak, hindi alam ng asawa at nawala na lang siya. Iyon ang tawag doon, abduction.

Q: Halimbawa nandito na siya at ayaw na niyang magsalita?

SPMBV: Dalawa na kasi ito. Hindi na lamang ito ZTE. To me, this is more than ZTE. Merong imbestigasyon tayo sa NBN but to me, mas mahalaga na ngayon iyong pagkakakuha kay Mr. Lozada. Sa akin napakahalaga niyan. Napakahalaga niyan sa ating human rights. Dalawang issue na ito. This is not just about ZTE-NBN, this is about our human rights.

Q: In case for example, meron ngang letter from Lozada. Hindi ba dapat kinoordinate muna nila sa inyo iyon?

SPMBV: Wala silang problemang ipaliwanag. Alam mo kasi kung nasa PNP iyan, dapat noong una pa lamang na lumalabas sa media iyan, nagsalita na sila na wala namang problema, nasa amin in fact, willing kaming iharap sa inyo. Kung ganoon ang istorya, medyo kapani-paniwala na wala namang abduction na nangyari. Pero iyong ang tagal nawawala, walang balita, hindi natin nakikita and then for several hours, nababahala ang pamilya, hindi magandang scenario iyan. Gusto nating maliwanagan.

Q: Paano ang implementation ng warrant of arrest ng Senado?

SPMBV: Ibibigay namin ang warrant sa PNP at hihilingin namin sa kanila na i-turnover sa amin si Mr. Lozada. Inuulit ko naman na hindi namin intension na ikulong o pigilin si Mr. Lozada dito at this point. Mas mahalaga na masiguro lang natin na maayos ang kalagayan ni Mr. Lozada at ng kanyang pamilya. Pangalawa, masiguro natin na iyong nangyari sa airport ay isang bagay na hindi na mangyayari uli.

Q: Mukhang ayaw na pong mag-cooperate ng family ni Lozada.

SPMBV: Naiintindihan ko iyon lalo pa at kinakabahan. Syempre natatakot ang pamilya. Pero kung sila ay humingi ng proteksyon sa PNP, at nasa PNP na si Mr. Lozada, dapat masaya na sila at hindi na sila takot. The mere fact ayaw na nilang magsalita, mas nakakaduda. Pero iginagalang ko na syempre, wala nang magsasalita sa kanila ngayon.

Q: Paano kung hindi i-turnover ng PNP si Mr. Lozada sa Senate?

SPMBV: Tatanggapin namin at maghi-hearing na kami.

Q: You will instruct the OSAA to serve the warrant at Crame?

SPMBV: Oo. Iniiwan ko sa OSAA ang timing. Hindi naman iyan parang aarestuhin si Mr. Lozada. We just want to establish that he is alright.

Q: Kung hindi i-turnover?

SPMBV: At least ipakita nila at ipaliwanag nila kung ano talaga ang nangyari.

Q: War na ba?

SPMBV: Hindi naman. Hindi kami nakikipag-away. Sabi ko nga, ito ay batas at iniimplementa namin kung ano ang nasa batas. Pero more than this, I think dapat alerto tayo sa mga ganitong violation ng human rights sapagkat tayo rin ang magsa-suffer kapag ito ay naulit.

Q: Pero ano ang karapatan ng PNP para kunin si Lozada?

SPMBV: Syempre kekwestyunin namin iyan. Naniniwala kaming wala silang karapatan na gawin iyan. Iyang sa mga korte, iba pa iyan. Marami na kasing issue ngayon. Iyong ZTE-NBN deal mismo, meron iyong kung may karapatan ang PNP o wala, meron naman iyong nangyari sa airport. Ayokong i-lump up iyan sapagkat iyong nangyari sa airport, maaring may violation of human rights doon at napakahalaga noon. Huwag nating guluhin iyan sa ZTE-NBN. Ibang issue iyon. Iyon naman ay tungkol sa pera. Ito naman ay tungkol sa ating karapatan bilang Filipino.

Q: Iyong nangyari sa airport, anong mensahe ang binibigay nito sa key witness na gusto sanang lalabas?

SPMBV: Sa ating future witnesses, sana pumunta na lang kayo at wala na kayong problema. Kapag nasabi ninyo na sa Senado, hindi na sila interesado sa inyo. Kasi mentras tinatago ninyo ang inyong nalalaman, mentras nagkakainteres ang ibang tao sa inyo. Pero kung nasabi n'yo na, ano pa ang interes sa inyo?

Q: Hanggang expression of outrage na lang ba ang Senate? Hindi kayo maghahabla?

SPMBV: Ang paghahabla, maaring gawin namin iyon. Sinasabi lang namin physically syempre, inaasahan natin na ang tagapagpatupad ng batas ay PNP. Syempre, in the long run, pananagutan naman nilang personal iyan, ng namumuno ng PNP o ng ating AFP na iyong kanilang ginagawa ay iyong iba riyan ay pananagutan nilang personal lalo na kung iyon ay labag sa batas.

Q: Kung iyong relative ang nag-demand ng protection?

SPMBV: Hindi. Nakausap ko nga ang misis.

Q: Umiiyak po?

SPMBV: Oo. Kaya nga kagabi naaawa ako, talagang nagpa-panic.

Q: Sabi ni Sen. Madrigal moro-moro lang daw ang imbestigasyon ng Senado at mula daw sa miyembro ng Blue Ribbon ang nag-leak ng pagdating ni Lozada.

SPMBV: Hindi ko alam iyan. Nalaman ko lang ang pagdating ni Lozada noong darating na siya.

News Latest News Feed