Transcript of interview with Sen. Richard J. Gordon after the Blue Ribbon committee hearing on the Balikatan Housing

ON BLUE RIBBON HEARING RE BALIKATAN HOUSING

Q: Sir, no-show si VP De Castro.

Sen. Gordon: Well, I was going to take a very liberal attitude at that because after all he is the vice president. But I think Sen. Biazon has questions na gusto nyang ma-answer ng ating vice president. Yun ang mahirap kasi sabi ko, pag vice president ka at tumanggap ka ng posisyon, you are open to questions from the co-equal branch of government na Kongreso. At yan ang sitwasyon nya ngayon kaya pinatatawag namin siya.

Q: Ano ang reason nya?

Sen. Gordon: Ang rason nya hindi sya ang gumawa nun, inabot nya na lang yan. In the meantime, it's still an ongoing problem. Kaya nga pati yung kay Celso delos Angeles siya pa pala ang nag-package nito. So maraming agam-agam sila Sen. Biazon na dapat sagutin ng ating vice president.

Sabi ni Noli, it didn't happen during his watch, hindi sya ang humawak nyan noong araw. Pero you cannot say that eh. After a while you still have to answer because lumalakad yung interes at penalties eh.

Q: Ano ang responsibility ni Celso dito?

Sen. Gordon: The main question here is the nationality principle. I have my own observations about it pero dapat masagot nila yung 60/40 dahil lumalabas nga na may 5% yung IFC. Pero inaamin naman nila sa amin na nagkamali sila doon. We're waiting kung talagang pagkakamali lang yun sa pag-submit ng dokumento na naka-powerpoint. Kung minsan kasi yung nagsa-submit di naman alam yung sinasabi, mga technical terms yun eh. Kaya I'm adopting a very liberal position on that matter unless the other senators will want to pounce on that and really home in on the technicality.

Q: If the VP fails to attend in the next hearing?

Sen. Gordon: Well, he could be subpoenaed. But out of respect for him, pakiusapan na lang natin na dumating. Even in the US people can call high officials of the land.

Q: Sir how much ang involved dito? Billions?

Sen. Gordon: Quite frankly, the intention mahusay eh. Ang nangyari dito, in-assume ng Balikatan na may kasamang foreign element yung mga utang para mabayaran. Na wipe out yung part of the loans, pero ang problema nga gumaganda yung posisyon ng GSIS at SSS pero yung korporasyon naman na nagpasa ng utang sumasama at tila lalong nababaon sa utang. So yan ang isa sa mga tinitignan namin, kung kailangan pa yang National Home Mortgage na yan. Sapagkat ang totoo nyan hindi naman pang low cost housing yan eh, pang medium long term housing yan at yung mga umuutang dyan yung mga kaya ng magbayad pero ganunpaman hindi pa rin nagbabayad.

Ang hinahabol natin dito ay yung pera ng gobyerno, yan ang makikita nyo sa susunod, makikita nyo almost P70 billion yung hindi nababayarang utang sa mga pabahay. At maraming developer ang magpapautang tapos ipapasa sa mga housing agencies na yun ang sasalo ngayon, yung utang hindi mabayaran, gobyerno ang kakain ng utang na yan.

Dito, kinakain nung isang kumpanya, yun nga lang pag siningil nila ngayon medyo commercial na yung rates. Eh talaga namang commercial dapat dahil hindi naman pang low cost yung National Home Mortgage, secondary market lang sila. Magwo-worry ako kung ang pinautang talaga yung mga mahihirap na nasa 6%. Inaabot lang yung National Home Mortgage dahil ang pinakamababa nila ay 9%.

Q: Sir, na-mention nyo yung ads, you were asking the agencies about it.

Sen. Gordon: Yes, kasi may nag-demanda nga na tinatanong bakit yung mga ads very glaring nga. Kapag sa utang may ibang ginagamit, pero pag nagpapautang si Vice President ang ginagamit. We just want to come out kung ano ang mga ads na yan at kung magkano ang ginagastos talaga. Because ang lumalabas P400 million eh, advocacy na magpautang, at ang ginagamit na talent ay si Vice President.

Q: Sir sa tingin nyo nagagamit bay un for political purposes?

Sen. Gordon: That's what I want to find out.

Q: What's the next move of the Blue Ribbon ngayong wala si Celso delos Angeles?

Sen. Gordon: Well, we're not calling Celso delos Angeles, we're just looking at the arguments as to whether in fact a valid exercise. Kasi kung hindi 60/40 yan, kung ang pumasok dyan ay ginamit lang na dummy ang National Home Mortgage, ang epekto nito walang kontrata.

Q: Would you take his deposition?

Sen. Gordon: That's possible. We can do that.

Q: Hindi pa rin ba klaro kung bakit tumaas yung interest rates?

Sen. Gordon: Malinaw eh. Kasi ito naman ay hindi pang low cost eh. Talagang ang pinakamababang interes nila nine percent eh. Imbes na malugi ang gobyerno, libo-libo ang hindi nakakabayad, pinasa nila doon sa kakain ng utang at sila ang maniningil. So far, I think there's nothing wrong with that except the nationality principle that is being violated, in case it is being violated.

ON AMNESTY FOR ABU SAYYAF

Q: Other senators ayaw yung amnesty

Sen. Gordon: I expect that because syempre kanya-kanyang ideya yan. Eto lang sasabihin ko sa inyo, gaano katagal na yang gulo dyan sa Sulu? Sa Sulu lang ha pwera yung ARMM. Panahon pa ni Kamlon at walang tigil ang bakbakan dyan, ang dami ng namatay, ang dami ng nalustay na pera, ang dami ng nasunog na bahay, hindi matapos-tapos.

Ang sinasabi ko hindi lang naman amnesty. Yung amnesty is not gonna finish it, ang kasama ng amnesty ay yung total socio-economic and political reform dun sa area, na hindi talaga pino-focus ng gobyerno, at paudlot-udlot yung pasok, hindi talaga tinutuloy, kaya makikita mo education is very bad there, mababa ang performance, ang poverty napakalawak. Talagang kung ikaw ang nakatira doon talagang mag-aarmas ka at gagawa ka ng di mabuti.

Q: Wala naman daw ideological moorings ang Abu Sayyaf

Sen. Gordon: Hindi naman kailangan ng ideological moorings dyan. Ang importante dyan, eto lang nakita natin may mapapatunayan tayo sapagkat nung kinuha nila itong mga ito sinabi nila na masyado ang paglalapastangan sa mga Muslim lalo na yung mga Tausug, yung kanilang mga karagatan pinapasok. Kung minsan dahil sila ay Moro, yung kulturang itinuro sa atin ng colonial forces na kalaban natin sila. Hindi natin kalaban yan. Ang dapat nating isipin ay talagang respetuhin natin, understand natin ang sitwasyon at i-accept natin na may problema. Imbes na gumastos tayo ng katakot-takot na pera sa bala at katakot-takot na ang namamatay, eh kung gamitin mo yung perang yan kunin mo lahat yung prutas pag panahon ng harvest dalhin mo agad sa Zamboanga yun, kikita ang mga tao, hindi na sila mag-aarmas. Kung ang mga tao doon ay nakakakuha ng mahuhusay na teacher at pinapaaral, then sasabihin ng mga tao doon, ngayon iniintindi na tayo at ngayon gaganda ang kabuhayan, titigil yan. Tignan nyo lahat yung mga lugar na mahihirap at may mga NPA o di kaya maraming giyerang nagaganap.

Q: Hindi ba parang kino-condone?

Sen. Gordon: No. Because ito hindi naman pinipilit eh. An amnesty for those who want to take it because it is a second chance. By the way, even Gen.. Sabban, at alam nyo nagbakbakan kami ni Sabban dyan, agrees and Sec. Ermita agrees na maraming mga tao dyan na tumanda na at gusto magbagong-buhay. Ano, tuwing hahabulin mo 13 sundalo ang mamamatay? Tapos hindi nahuhuli. Tanungin ko nga doon sa mga senador na nagsasabi nyan, ano ang solusyon nila? Nagbombahan ilang beses sa Cotabato, nagbombahan sa Davao, nagbombahan dun sa iba't-ibang lugar, may nahuhuli ba? May namamatay, naghe-headline tayo pero nahihirapan ang hanapbuhay, nahihirapan ang negosyo. Imbes na ganun, i-amnesty mo pero merong kaakibat na tama at masusing pag-improve ng kabuhayan dun sa mga lugar ng Sulu, mga lugar na hirap sa Lanao, sa Cotabato, para mapawi na yung mga daing ng mga tao dyan.

Q: Dapat daw i-distinguish between those with ideology and those who are merely involved in banditry like the Abu Sayyaf

Sen. Gordon: Who are we to say that? Kung ikaw ba ay nandun, hindi ba ideology yun magpa-farm ka, gusto mo mag-farm pero wala kang pagbebentahan? Kung gusto mong magpagamot walang doktor. Kung gusto mong mag-aral ang anak mo ng mahusay yung teacher hindi certified sa civil service at di sumusweldo. Who's to say that that's not political? Subukan ninyong tumira doon, ako nakapunta na doon eh. Nakikita ko yung mga tao doon. Intindihin natin na malayo tayo.

Sabihin natin may ARMM na sila hayaan mo na. Eh hindi nga makapasok ang COA eh. Hindi nga makapasok ang husgado eh. Paano ka magkakaroon ng katarungan kung ang mga husgado doon natatakot magbigay ng katarungan? Bantayan mo ng sundalo. Kung ikaw namatayan, gusto mo bumawi? O gusto mo may kinahinatnan yung ikinamatay ng tatay mong sundalo, na nagkaroon ngayon ng pag-asa ang tao na pinaglalaban nya na magkaroon ng law and order.

Ang sinasabi ko maglagay tayo ng amnesty pero let's put our money where our mouth is. Palagay ko titigil yan pag nangyari yan kung talagang masusi at long-range ang programa.

Q: Ano kaya ang chance na pumasa ang amnesty sa Congress?

Sen. Gordon: Maybe there's no chance but I'm going to try and say it. That is my right, in the same manner that it's the right of every senator to say I'm against it. But don't say no right away. Pag-aralan muna natin.