Press Release
September 8, 2010

TRANSCRIPT OF INTERVIEW WITH SEN. JUAN PONCE ENRILE

On Philweb

SP Hindi ko alam, pero bakit siya lang? Bakit yung iba hindi binigyan ng ganun?

Q May falling-out ba kayo ni Bobby Ong?

SP Hindi. Ayoko ng ugali niya na 'yung gumawa nung Philweb, nung negosyo niya, ipinakulong niya sa NBI, si Alex Villamar. Pinakulong niya, at yung asawa, hindi makabayad ng medical fees dahil pina-sequester niya lahat. Pina-attach niya 'yung mga ari-arian nila, on the grounds na siya ay ninakawan. Executive niya. Siya ang gumawa ng software 'noon eh. Pagkatapos, binigyan ng one billion shares yata, o several billion shares, tapos binabawi. Talagang binawi.

Q Ilocano po ba yun? Si Alex?

SP Oo, taga-Ilokandia. Pumunta sa akin dahil naging empleyado ko 'yun sa Philippine Communications. IT wizard talaga, magaling ang utak. Sinasabi niya na nag-nanakaw 'yung tao. Hindi magnanakaw 'yun. Kilala ko 'yun, ang ugali nuon. Ginamit niya (ni Bob Ong) 'yung mga Huwes para kinasuhan ng kung anu-ano. I had to intervene to help the guy. Na-release na siya sa kulungan pero kinuha lahat, ang kotse, bahay, bank account. It has been going on for the last two years.

Q Ano po ang reason bakit siya nagalit kay Alex?

SP Dahil binigyan siya ng shares of stock, at sinabihan siya na 'wag mo ipagbibili muna, para maipagbili ko yung mga shares ko. Eh nagbenta yata. Kaibigan ko 'yun nung panahon ni Marcos. Pero ayaw ko ng tarantadong mga tao. Okay lang na gaganunin nila 'yung kanilang kapantay.

On Noli De Castro absolving Globe Asiatic

SP Ewan ko kay Noli, pero palagay ko may grounds para usigin 'yung Globe Asiatic, at uusigin dito.

Q How about Noli de Castro as former chairman ng HUDCC?

SP I do not know his participation. Kung meron, ipapatawag siya para ma-explain niya 'yung role niya.

Q Magsasagawa po ba ng separate investigation ang Senate tungkol sa housing scam?

SP Isasabay yata sa hearing tungkol doon sa mga GOCCs.

Q Pero po, yung Globe Asiatic, may liability doon sa scam?

SP Meron. Paano, hindi niya magawa 'yung buy-back operation niya? At saka pangalawa, kinuha niya ang pera on the basis of fake buyers. Falsification na 'yun. Pera ng gobyerno 'yun, 'yung kinukuha niya. Walang buyer, i-uutang niya, at nakapag-release ng pera? Dapat 'yun, ikulong 'yung tao na ganoon. The one holding the bag now is Pag-Ibig.

Q And considering almost P7 billion ang involved doon?

SP About P7 billion.

Q (inaudible)

SP Aba hindi, hindi natin malalaman. Kung ang threshold ay P50 million, eh series 'yun. Series of transactions 'yun. Pero, hindi naman siya government official. Kung may mga government officials involved, baka masasangkot 'yun. Kailangan ipaliwanag niya, ipaliwanag nung Delfin Lee. Balita namin, nagpapatalo sa casino 'yun ng P10 million a night.

Q Marami daw project ng ABS-CBN na pinondohan?

SP Pinaganda daw niya 'yung mga amenities. Merong eskwelahan, mga chapel, merong mga munisipyo sa komunidad nila, pero 'yun pala, come-on lang 'yun.

Q Na-donate daw po siya ng building sa foundation ng Channel 2?

SP Hindi ko narinig 'yun. 'Yung info sa casino, it is well known.

Q Hindi po acceptable 'yung claim ni Delfin Lee na wala siyang pera para bayaran 'yung loans?

SP Nasaan 'yung pera na kinuha niya sa gobyerno, 'di ba? P7.1 billion is no laughing matter. Kung wala siyang pera, dapat ako may kapangyarihan, I will charge him, let him defend himself. We have to make a sample of this kind of people to go to jail.

Q Sir, 'yung CA magco-convene na next week?

SP Ino-organize na namin. Maku-kumpleto na nila ang mga papeles nila. Ico-caucus ko 'yung mga members ng Senado para malaman ko kung ano ang mga gusto nila na mga committee.

News Latest News Feed