Press Release
March 30, 2012

Transcript of NET 25 interview with Sen. Chiz Escudero

ANCHOR: ARLENE DELA CRUZ

DELA CRUZ: Kasama po natin ngayon, isa pong karangalan, Sen. Francis Chiz Escudero. Senator, good afternoon.

FGE: Magandang hapon din sa'yo. Sa ating televiewers, magandang hapon din po.

DELA CRUZ: Senator, unang-una nakabreak kayo pero I'm sure hindi kayo tinatantanan at hindi kayo iniiwan ng usaping impeachment. Pano n'yo po ito sinasagot sa tuwing kayo'y natatanong?

FGE: Inaawat ko sila hangga't maari. (Laughs) Kasi yun nga ang ginagawa namin sa Senado ngayong recess. Welcome break ito. Hindi lang dahil araw-araw yun pero para maasikaso naman yung iabng problema at usapin na may kinalaman sa mga kwestyon at issueng pang-ekonomiya. Na anuman ang mangyari sa impeachment trial, ay wala itong epekto dun.

DELA CRUZ: Pero yung mga survey results na nilalabas ngayon, is it helping the public really appreciate the issue?

FGE: Well, whether it helps or not Arlene, hindi mo, para sa akin, dapat at kayang pigilan yan. Ang impeachment court wala namang, it does not operate under our will in a vacuum, na yun lang, lahat tigil na, lahat hii na pwedeng gumalaw, hintayin mong matapos yan. Hindi naman ganun yun a. Hayaan mong gawin ng iba yung gusto nilang gawin dahil ang limitasyon lamang naman sa pag-uusap dun sa impeachment o yung limited gag order, ika nga, ay nasa depensa, meaning counsels for both parties, witnesses and the parties mismo. Sila. Pero yung iba, yung mga walang kinalaman dun, yung surveying groups, surveying companies, wala naman silang kinalaman dun. Yung mga kolumnista wala naman silang kinalaman dun so walang gag order or subjudice rule sa kanila.

DELA CRUZ: Paano po yung babala ni Sen. Miriam Defensor-Santiago na dapat itong, when the Pulse Asia released its survey, sabi n'ya 'Teka, dapat hindi n'yo ginagawa yan.' Ano lang yun

FGE: Opinyon n'ya yun. Kung saka-sakaling ite-take up yun sa Senado at pagbotohan yun, hindi ako sang-ayon dun dahil para sakin labas naman yun sa usapin.

DELA CRUZ: And they've been doing this regularly.

FGE : They've been doing this regularly. Talagang ginagawa nila. At gaya ng sabi ko, hindi naman tumitigil ang ikot ng mundo dahil lamang sa impeachment. Halimbawa ako Arlene, miyembro ako ng JBC, si Cong. Tupas miyembro din ng JBC, nagcha-chair ng JBC ay si Chief Justice, si Cong. Tupas hindi naga-attend, pero ako

DELA CRUZ: In short, nagfu-function pa rin.

FGE: Ako patuloy akong nag-a-attend. Senator-judge ako. Hinuhusgahan, nililitis namin si Chief Justice Corona pero hindi dahilan o rason yun para hindi ko na bigla gampanan yung tungkulin ko. Sabi nila ang Malacanang daw gumagalaw para kausapin ang ilang senador. Hindi din pipigil sakin yan para makipag-usap sa mga opisyal ng executive department, kaugnay ng ibang trabaho namin bilang senador na wala namang kinalaman sa impeachment.

DELA CRUZ: Doon sa dalawang survey na naglabasan, Pulse Asia saka Social Weather Station, one thing I noticed ay parehong mataas yung bahagdan dun sa tanong na kung tatanggapin ba ng publiko yung resulta ng paglilitis na 'to, whether for or against the Chief Justice and I think that reflects a high trust rating sa Senado.

FGE: Well, dalawa ang mataas na rating dun. Karamihan says gulity si Chief Justice Corona at karamihan maski yun ang tingin nila, gagalangin anuman ang desisyon ng Senado. May isang mababang figure dun na importante, na hindi ganun karami ang nagmomonitor o sumusubaybay sa usaping ito dahil siguro maliwanag sa ilan, sa ilang mga kababayan natin na hindi na nagmomonitor, anuman ang mangyari sa impeachment trial, Arlene. Ma-convict man o ma-acquit si Chief Justice Corona, ay yung brownout sa Mindanao ay may brownout pa din dun. Anuman ang mangyari sa impeachment, ma-convict man o ma-acquit si Chief Justice Corona, yung presyo ng gasolina, pamasahe, dating mataas ay tumataas pa rin, yung sweldo dating kulang pa rin at hindi magbabago yun. Marahil mas nakatuon ang pansin ng ating mga kababayan sa mga problemang pang-ekonomiya na nabanggit ko.

DELA CRUZ: So yun talagang mga isyu na nilalapit sa inyo after impeachment trial? Kumbaga nung nag-recess, you're confronted not questions related to impeachment but to the very real issues.

FGE: Well, before, during and after the trial, yan naman talaga yung issueng kinakaharap natin, kaya nga lang maski ang media naka-focus din kasi sa impeachment.

DELA CRUZ: Not really. (Laughs)

FGE: (Laughs) Ginagawa namin yung ibang trabahong yun pero hindi na naiilawan ng camera ng media, ika nga. Pero hindi nangangahulugang hindi namin ginagawa yun, na yun lang ang nakikita sa telebisyon ng ating mga kababayan, impeachment, hindi ibig sabihin wala na kaming ibang ginagawa. Na hindi nila nakikita yung ibang ginagawa namin, hindi din ibig sabihin nun, hindi yun yung ginagawa at ginagampanan namin.

DELA CRUZ: Kayo po yung nag-open ng power problem in Mindanao. In fact, hindi lang daw Mindanao, kasama daw dyan ang Bisayas at Luzon. Ang tanong ko ay sumasang-ayon ba kayo sa sinabi ng Pangulo o ng Department of Energy that this crisis is a result of neglect not of this administration daw but of the previous administration? Babalikan po natin yan, Sen. Chiz Escudero. Ito po ang paglilitis sa Punong Mahistrado pero tinatalakay pa din po namin yung mga ibang usapin na sa tingin nga po ng ating senador ay mas mahalaga sa ating taumbayan. Magbabalik po kami.

Break

DELA CRUZ: Kasama po natin ngayon dito sa studio pagtutok natin ng paglilitis sa Punong Mahistrado si Sen. Chiz Escudero at ang iniwan po nating paksa kanina ay yung sinasabi n'ya na may mahalagang isyu dito na sinasangayunan natin yan na talagang direkta sa simura ng ating kababayan at isa dyan yung problema sa power crisis. Sinabi po ni Cong. Palmones, Angelo Palmones, na nung umpisa daw sa tingin nila. Actually hindi lang sa simula kundi hanggang ngayon they're maintaining na deliberate, artificial yung power crisis sa Mindanao. Yun po ba ang nalaman n'yo?

FGE: Ilang issue, pag sinabi mong artificial, ibig sabihin may power naman dun, hindi lang ginagamit o nagagamit. Medyo totoo yun pero sino ang sisisihin? Yun siguro ang tanong. Halimbawa, merong 60 megawatts na available. Ready ang supply ng isang generating company doon pero hindi masupply-supply dahil ang kontrata para bilhin yun ng mga kooperatiba ay hindi pa na-aprubahan ng ERC.

DELA CRUZ: You're talking of what ano? Iligan City?

FGE: Pending. Iba pa yung sa Iligan. Pending dun sa ERC, ito ay galing doon sa power barge. Binili na nung mga cooperatives. Gustong bumili ng cooperatives ng 60 megawatts, eh hidni matuloy-tuloy, hindi ma-supply dahil hindi pa aprubado ng ERC yung kontrata. Pangalawa, meron kang planta sa Iligan, hindi tumatakbo for the past two years dahil may isyu on corruption. Overpriced daw, sobra daw yung presyo sabi ng CoA kaya tuloy tengga yung award. Hindi na-award sa nanalong bidder. Hindi tuloy tumatakbo yung planta. 110 megawatts yun. 60 plus 110, that makes it 170. Eh ang March deficit sa power ng Mindanao is 178 megawatts lamang. So covered mo na sana halos lahat, 8 megawatts na lang ang kulang. Bakit ko sinabing hindi talaga artificial? Kasi pagdating ng Abril, magiging 340 megawatts Arlene yung gap kasi sa bagong plantang ire-rehabilitate, talagang kalagitnaan na ng summer yan. Karamihan ng powerplant sa Mindanao ay hydro so tataas ng 340. Pagdating ng 340, talagang kulang na. Hindi na aabot kahit gawin natin yung pinag-usapan natin. 170 megawatts lamang yun. May kulang ka pa din na humigiit-kumulang 160 megawatts.

DELA CRUZ: Eh pano yung power barges na sabi ng Pangulo, sabi ng Department of Energy eh yun na yung solusyon, by May yun tapos na ang mga brownout sa Mindanao?

FGE: May power barges na pwedeng dalhin dun. Ang problema ilan dun ay sira. Pangalawa, hindi ganun kadaling maglipat ng power barge Arlene. Inaabot ka ng anim hanggang walong buwan.

DELA CRUZ: At magastos, mahal.

FGE: Mahal pero hindi naman ganun kalaki yung pagbabago. Hindi naman yun across the board. Dahil kung tingnan mo yung energy blend o mix ng Mindanao, may galing geothermal, hydro, bunker fuel, coal at itong power bars at kung titingnan mo, roughly ten to fifteen percent ang kulang so kung yun ang idagdag mo, gaano man ang itaas nun maapektuhan lamang ay ten to fifteen percent nung cost. Centavos at hindi aabot ng piso ang itataas kada kilowatt hour galing sa power barges na yan pero temporary pa lang yan. Wag nating isipin na permanente na yan. Pero may iba pa namang solusyon na pwedeng gawin. Halimbawa meron tayong ASEAN grid treaty o agreement, sharing ng kuryente sa pagitan ng ASEAN countries. Dalawang taon na yan o three years ago na yan pero hindi pa napupursigi. Saba Electric, napakalapit sa Tawi Tawi. That's only 20 kilometers away. Ba't tayo limitado sa mga plantang kino-construct dito pwede naman nating i-export, bumili ng kuryente sa ibang bansa.

DELA CRUZ: Sino ang mag-initiate dapat n'yan? DOE?

FGE: Pwedeng DOE, pwedeng mga electric cooperatives. Pwedeng Department of Foreign Affairs at pangalawa, matagal naman ng may brown out sa Mindanao. Karamihan sa mga establishments dyan may mga generators. Ito yung tinatawag mong "self-gen" o self generating capacity. SM, sigurado ako may generator yung SM nila. Robinsons, meron dun. May mga bahay na may ganun din.

DELA CRUZ: Industries.

FGE: Meron din. Dapat tingnan nila gaano kalaking capacity ba ito. At kausapin ang mga meron nito na bibigyan namin kayo ng rebate or incentive para kapantay nang binabayaran niyong kuryente yung paggamit niyo ng generator ninyo o gen-set ninyo. Para bumababa naman yung demand at magdedemand na lamang sa main powerline niyo ay yung consumers at yung mga major industries mo generator na muna ang gamitin nila. It will hopefully be able to bridge and bring down the gap between supply and demand on electricity.

DELA CRUZ: Nung sinabi ng Pangulo na mag-tiis tayo at yan talagang result of neglect, ano yung mga inaasahan niyo na sana ginawa kaagad ng Pangulo na pwede, doable beyond the barges, the solution of the barges provided by the DOE?

FGE: Ilan dun sa mga nabanggit ko pero kabilang din dyan yung pagkakaroon ng amendments sa EPIRA para maliwanag yung policy. Ipa-privitize ba talaga o mananatili sa kamay ng gobyerno? Itong Angus at Pulangi na problema natin urong-sulong ang pamahalaan dyan maski nung nakaraang administrasyon. Ipa-privitize ba yan o hindi? Dahil sa isyung ipa-privitize o hindi ayaw gastusan ng gobyerno dahil baka i-privitize, sayang. Ang private hindi naman sila yung may-ari bakit hindi nila gagastusan?

DELA CRUZ: Baka hindi naman sila kumita.

FGE: So hinayaan na mag-deteriorate na lang yung planta kaya bumaba na lang yung capacity na pino-produce o output na pino-produce ng mga powered electric plants na ito at yan ang pangunahing dahilan kung bakit may power crisis sa Mindanao. Luma antiquated at desilted ang mga hydroelectric dams kaya ang output nila nasa 30 to 40% of capacity na lang. Hindi na tulad nung dati na hanggang 70-80% of installed capacity.

DELA CRUZ: Isa sa kasama niyo sa Senado ay nagpanukala ng emergency power para sa Pangulo bagamat ang Pangulo ay tinanggihan na ito. Ano ang tingin niyo dito sa panukala?

FGE: Ako nakahanda akong ibigay sa kanya yun kung hihingin niya. Eh kung hindi naman hinihingi bakit namin ibibgay? Kaya nga hindi ako nag-file ng bill eh. Kasi mas papangunahan mo ng hindi naman hinihingi, masyado naman yatang nagbo-volunteer ang Kongreso niyan?

DELA CRUZ: So kailangan makita muna yung pangangailangan mismo ng Punong Ehekutibo?

FGE: Kung siya mismo tingin niya hindi niya kailangan, katulad nang sinabi niya, sino ba naman kami para mag-volunteer? Siya gagamit nun. Kung kailangan niya, handa akong ibigay sa pangulo sa dalawang kondisyon. Una, hindi emergency powers, 'standby powers'. Kapag gumamit ka naman kasi ng emergency powers mukhang may emergency na naman sa bansa eh.

DELA CRUZ: At pwedeng gamiting sa iba?

FGE: Ang tingin na naman ng iba pwedeng gamitin sa iba, ang tingin ng iba ay may emergency sa Pilipinas. Sa punto vista ng mga dayuhang negosyante. Mas gusto ko itawag at gamitin, standby powers. Standby lamang kung kailangan pwedeng gamitin. Standby lamang under certain circumstances and subject to certain guards and limitations, pwedeng gamitin ng Pangulo yun. At kung kailangan yan muli next years from now, hindi na kailangang ibalik pang muli sa Kongreso, nandun na yun at naka-standby sa EPIRA law.

DELA CRUZ: Anong main clause nung standby power na yun?

FGE: Ilang halimbawa, nabanggit ko sayo yung ilang problema ng mga planta sa Iligan kasi ang thrust ng EPIRA i-privitize lahat yan. Tanong pwede bang bilhin, pwede bang i-operate ng gobyerno muli yan? Hindi kasama sa batas yan, baka kailangan mo ng standby powers para gawin ng Pangulo yun pansamantala at pag maayos na, ibigay na muli sa private sector. Pangalawa, yung ating transpo isang wire lamang yan sa palibot ng Mindanao. Alam mo yung higschool natin, yung series at tunnel ng bumbilya?

DELA CRUZ: Pinaalala, 80s talaga.

FGE: Kapag pinatay mo yung ikalawang bumbilya, patay na yung pangatlong bumbilya, kung series. Kung parallel, kahit patayin mo yung ikalawang bumbilya, bukas pa din yung ikatlong bumbilya, hindi ba? Ngayon ang linya mo sa Mindanao, isa lang. Kapag pinatayan mo ng kuryente ang point 2 all points beyond point 2, 3, 4, 5, 6, 7, 8 brown out na lahat yun. Wala ba tayong option na ito lang ang iba-black out ko? Yan lang ang iba-black out ko? At ang nagdedesisyon kung anong lugar ang iba-black out, private company na yan - NGCP. Siguro naman dapat may say ang gobyerno dyan lalo na kung may krisis. Alin ba yung may ilaw? Alin ba yung wala?

DELA CRUZ: Ang sinasabi nila sila ay taga-trapik lamang, toll lamang sila.

FGE: Traffic cop nga sila, pero sila ang nagta-traffic. May karapatan silang magdesisyon. Parang traffic police man. Gaano katagal ko bang babaguhin to? Gaano katagal ko bang papa-stopin to? Ganun din yun. Sa mga krisis na katulad nito siguro naman dapat may say ang gobyerno. Halimbawa, yung mga lugar na may industriya at factory wag naman i-brown out yun. Yung mga lugar na may generator edi sige yun.

DELA CRUZ: Na kaya.

FGE: Para ma-prioritize natin yung limitadong supply dun sa may mga brown out.

DELA CRUZ: In short, management.

FGE: Demand side management ang kailangan mo and at the same time, supply side management. Ang problema parehong private yung dalawang yun. So ang gobyerno limitado ang kanilang pwedeng magawa. Ni hindi nila mapagsabihan yung mga kooperatiba na ito gawin niyo, ito gawin n'yo, dahil private yan. Ni hindi nila mapagsabihan yung NGCP, private din yan. Pero sa mga sitwasyon na katulad nito siguro naman dapat may say ang gobyerno. At ganitong uri ng standby authority ang gusto kong ibigay. Hindi katulad nung emergency powers nung 1992 kay Pangulong Ramos na exemption sa bidding requirements at negotiated lahat. Hindi ko nais gawin at ibigay yun. Dahil baka mamaya ang kalabasan...

DELA CRUZ: Tsaka nakita na natin.

FGE: Baka mamaya IBP at PPA na naman ang kalabasan niya, tama na yun.

DELA CRUZ: Nabanggit niyo yung EPIRA law, it's time to revisit it ano. Paano yung subsidy? Pinaguusapan natin on how the industries will work, kung paano pagaganahin, ang sabi niyo nga demand management on the side of the consumers. Ano yung dapat baguhin sa EPIRA Law? Kung ito'y babaguhin man na makikinabang naman yung talagang direct consumers?

FGE: Siguro dapat ipatupad na agad yung open access. Open access ibig sabihin sa atin kasi bawat electric cooperative may desisyon na kung saan bibili ng power. Yung side and open access, andyan na. Pero wala pa yung open access sa lebel ng household. Dapat alam mo in theory yung batas. Bawat household, bawat bahay pwedeng magdesisyon saan ako bibili ng kuryente, saan mas mura. At tolling ka na lamang sa dis tribution utility. Kung sino yung may magandang offer. Parang yung cellphone. Kung sino yung mas may magandang offer.

DELA CRUZ: Free market?

FGE: Pwede kang lumipat. Ngayon hindi pa pu-pwede yun. Kung nasa Meralco franchise ka, Meralco ang nagdedesisyon kung saan sila bibili. Hindi pa yun lebel ng household. Ultimately that's the goal of EPIRA. Give the power to choose sa consumers na pwede siyang mamili saan siya bibili ng kuryente. Saan mas stable at saan mas mura.

DELA CRUZ: Ang Meralco may pagtatangka na yan na ipatupad pero hindi pa nasusulong na consumers yung mamimili.

FGE: Kasi kulang pa yung kable. Ang problema sa Meralco, embedded yung mga linya. Ibig sabihin galing sa sarili nilang generating company papunta sa mga nagdi-distribute, isa lang yung linya. Gustuhin man ng Meralco na bumili sa iba eh walang linya. Hindi pa rin nagagawa ng NGCP yung linya.

DELA CRUZ: At mukhang matagal pang mangyayari yun. Pero akala niyo malilimutan ko na yung tanong tungkol sa impeachment pero tama kayo yan po ang pinaka-importanteng isyu na dapat nating asikasuhin. Naiinip na nga yung iba. June pa pagdedesisyunan ito pero June man de-desisyunan ang impeachment trial na ito, talagang binalik ko senator ano, sa tingin niyo po ba ang dapat at walang pasubali na ang pinaka-coup de grace talaga ay walang iba kundi ang Punong Mahistrado? Magbabalik po ang Paglilitis.

Break

DELA CRUZ: Nagababalik po kami. Ang question nga natin ay ano ba ang epekto nitong mga balitang ito sa impeachment trial, na magsisimula ulit day 35 on May 7? Kanina may mga sinasabi off the air si Senator Chiz Escudero pero huwag na. Huwag na nating sabihin, pero ito ba, may epekto ito? Itong mga naglalabasang ito? Kasi sabi ng prosecution, "We can use that in the rebuttal," sabi naman ng depensa, "Naku hindi, hindi nyo pwedeng gawin 'yan."

FGE: Kung hindi prenisinta sa impeachment court, simulan muna natin doon. Kung wala sa impeachment court, hindi 'yan ikokonsidera ng Senado kahit isang blog pa 'yan. Kahit sino pa ang nagsulat nyan. Kahit gaano kapopular pa 'yang blog na 'yan, hindi ikokonsidera ng Senado 'yan at matagal na naming pinagsabihan ang magkabilang panig kaugnay n'yan. Na unfair naman, ilalabas ninyo sa media tapos hindi ninyo ipipresinta sa amin. Paano naman naming gagamiting basehan 'yan sa desisyon? Pangalawa, pwede lamang ipresinta ng prosekusyon 'yan kung meron silang pwedeng pagbasehan sa ebidensyang ipinipresinta ng depensa sa ngayon. If they can argue it out na may basis ipresinta 'yan, base sa defense evidence, pwede 'yan on rebuttal, pero kung wala, hindi na pwedeng ipresinta 'yan dahil nagrest na sila ng kaso e. Kung talagang may ebidensya silang ganyan, bakit hindi nila ipinresinta noong sila pa ang nagpipresinta ng ebidensya?

DELA CRUZ: Ano lang ang pwede nilang ipasok sa rebuttal?

FGE: Pangsagot doon sa ebidensya ng depensa na hindi ipinresinta noong sila ang nagpipresinta. Pero pagkatapos nilang magrebuttal Arlene, may surrebuttal pa a. May tinatawag tayong surrebuttal, na presintasyon naman ng ebidensya pangsagot doon sa rebuttal evidence ng prosekusyon.

DELA CRUZ: Ang target na June, matatapos ba kung 'yan ang mangyayari?

FGE: Pipilitin namin. OA naman at sobra na kung tumagal pa ito hanggang SONA ni Pangulong Aquino.

DELA CRUZ: OA talaga.

FGE: Sobra naman na yata 'yun. Hindi na tama 'yun, dahil uulitin ko, maraming ibang usapin at problema na dapat nating asikasuhin at harapin maliban dito.

DELA CRUZ: Ako meron akong curious na tanong. What happens during a caucus? Kasi hindi nakikita ng tao kung ano'ng pinag-uusapan ninyo. Nagtatalo-talo ba kayo doon? Heated argument ba 'yun o lahat may respetuhan? Kasi ang nakikita ng publiko, kapag tumayo in manifestation ang bawat senador, 'yung iba ang interpretasyon, "Ay may kulay na itong senador na ito," "Ay, 'yung isa tinutulungan ang prosekusyon o depensa." What happens during caucus?

FGE: Sa caucus, never pa kaming nag-away o nagtalong pikunan talaga, 'yung taasan ng boses wala. Pero sa caucus kasi mas malayang mailalahad ng bawat isa ang kanyang opinyon, prinsipyo at paninindigan ng hindi nakukulayan. Hindi tulad kung iaargue lahat 'yan sa korte, dyan na papasok 'yung sinasabi mo, lalo pa na, "Oh ito talagang pabor na, ito talagang kontra na." Sa caucus at least malayang diskusyon ang lahat ng senador na hindi kailangan nilang matakot na may kulay ito, mabibigyan ng kulay ang kanilang posisyon.

DELA CRUZ: Can you imagine this impeachment court na iba ang Senate President o iba ang presiding officer other than Enrile?

FGE: Well, ang maiimagine ko lang 'yung panahon ni dating Pangulong Estrada. Noong si Senator Pimentel ang nakaupo doon at si Chief Justice Davide. But in fairness, even that impeachment court, maliban doon sa walk-out na hindi nila napigilan e under control naman at fair ang kanilang trial na isinagawa. Kaya nga lang hindi natuloy at hindi natapos. Definitely, si Senator Enrile is doing a good job, not only in being fair in both parties but also in increasing the credibility of the Senate to handle a highly charged political issue such as the impeachment.

DELA CRUZ: Ang Senado, hindi lahat nakaupo, boboto 20 senators at ang kailangang boto to declare the guilt or non-guilt of the chief justice ay 16 ano?

FGE: 16.

DELA CRUZ: Pero hindi lahat ay nakakaalam sa batas and some are saying openly, they will decide based on conscience? 'Yun ba ang nilalagay ng impeachment rule? Kasi 'di ba, you are bound by the impeachment rules or rules of impeachment?

FGE: Yes, but Arlene umaabot naman sa Senado 'yung mga 'yan kaya nilang ijustify at ipaliwanag na one way or the other ay ganoon ang kanilang boto. Ang tanong na nga lang, pwede ka bang gumising ng maayos at makatulog ng mahimbing sa gabi at tumingin sa salamin sa mga magdesisyong gagawin mo, kaugnay ng kasong 'yan. At alam naman ng mga gumawa ng konstitusyon, mga politiko ang magdidecide nyan, senador at congressman. So, bahagi 'yan ng konsiderasyon ng kada senador. And attended for the interests on the sound wisdom. The exercise of that wisdom of each senator, how he will decide this case and which side he will take? Come decision time. Isama mo na lahat 'yan, batas, survey, ebidensya, pressure, sama-sama na lahat 'yun. Sa dulo magdidesisyon ang bawat isa, ano ba ang mas maganda para sa ating bansa?

DELA CRUZ: Ang pangulo, he has been criticized for focusing too much attention dito sa impeachment trial na ito, before the impeachment, during the impeachment, bagamat noong bandang huli sabi nya cease fire muna. At the end of the day, sa June when the Senate gives its verdict, ano talaga ang pinakaimportante paring dapat nating malaman dito ng ehekutibo, ng lehislatura ng hudikatura, na magpapasulong pa sa bayan? Kasi sinabi ni Senate President Juan Ponce Enrile, "the nation is at stake here, hindi si Corona ang nakasalang dito, kundi ang buong bansa."

FGE: Well, magkabilang argumento 'yun. Sa kabilang banda, una, sa argumentong "the nation is at stake in favor of Corona," sabi ng ilan, hindi naman maaaring kontrolado ng isang tao ang bawat ahensya ng pamahalaan. Kahit gaano man kaganda ang intensyon at motibo nya. Sa kabilang banda naman, kapag maacquit si Corona, tapos gagawin na naman ng House 'yan sa December, magpafile na naman, tapos magtatrial na naman kami. Hindi rin naman siguro 'yun ang nasa interes ng bansa, na paulit-ulit na lamang nating haharapin ito. Siguro, ilan lamang 'yan sa mga konsiderasyon kaugnay ng bansa natin. Mabuti ba na kada taon may impeachment tayo, hanggang sa maconvict nila? Assuming maaacquit si Chief Justice Corona, at kung maaacquit man sya, at kung makoconvict naman sya, ito na ba ang batayan? Masyado nilang itinataas ang standard kay Chief Justice Corona. Sige, kung 'yan ang standard, call, basta siguraduhin lang nila na bawat opisyal ng pamahalaan, ganyan na rin.

DELA CRUZ: Equal?

FGE: Meaning, kung ganyan din ang pagkakafill-up mo ng SALN mo, mali 'yan. Kulang 'yung fill in the blanks mo, edi ikaw din dapat mapanagot at tanggalin din sa pwesto. Hindi man sa pamamagitan ng impeachment, sa pamamagitan ng administrative proceedings. Dahil itataas at itinaas na natin 'yun bar. Call ako kung mangyayari man 'yun, basta't ipapatupad na 'yan sa lahat. At hindi 'yung iba 'yung batas at standard kay Pedro, yung iba 'yung batas at standard kay Juan, dapat pareho 'yun sa lahat.

DELA CRUZ: Panghuli po, kung hindi impeachment ang pinakamahalagang usapin sa publiko, ano po ito Senator Chiz?

FGE: Ekonomiya palaging may kinalaman sa tatlong bagay, trabaho, sweldo at kita, at presyo ng bilihin. Kahit gaano man kagaling ang sinomang ekonomista, anomang GDP, exchange rate, interest rate ang pag-usapan niya, sa dulo, susukatin parin ang ordinaryong Pilipino sa tatlong bagay, trabaho. Meron ba ako o wala? Dito man o sa ibang bansa. Presyo ng bilihin. Abot-kaya ba o hindi? Sweldo o kita. Sapat ba o hindi, para pakainin at tustusan ang pangunahing pangangailangan ng aking pamilya at mahal sa buhay? Tatlong simpleng bagay sa dulo, 'yan ang palaging importante sa lahat.

News Latest News Feed