Press Release
March 5, 2014

Transcript of Senator Nancy Binay's Interview

Media: Ma'am, yung sa BIR po, bakit gusto po ninyo pa-imbestigahan?

Senator Nancy Binay (SNB): Unang-una, narinig ko kasi yung interview kay Dr. Olarte na parang kinukwestiyon niya yung shame campaign. In fact, during the committee hearing of Senator Angara, medyo na-discuss nga namin and I asked BIR, "Bakit ninyo napili na doktor yung gawin sa ad?" Ang sabi pa nga ng BIR na may gagawin pa sila na accountants at lawyers naman yung isasama nila sa shame campaign. Sabi ko nga, kapag ginawa mo ng shame campaign for doctors, lumalabas na No. 1 tax evader na professionals ay mga doktor.

Alam ninyo ang nanay ko ay isang doktora so kasama siya doon sa mga tinitira ng BIR.

Media: So, Ma'am, basically, gusto mo paimbestigahan kasi somehow it affects you kasi ang nanay mo ay isa doktor?

SNB: Iyon na nga eh. Lumaki nga ako na ang mom ko is a doctor. Yung thrust ng mga doktor is to be of service at hindi naman para kumita. Ganoon ako lumaki na nakikita ko ang practice ng profession na iyon ng mother ko.

Media: May mga reports kasi daw na may mga doctors na hindi nagbabayad daw kaya iyon ang naisip ng BIR. Ang laki ng kita pero ang liit ng binabayarang buwis.

SNB: Iyon na nga eh. Siguro kailangang pag-igtingin ng BIR yung panghuhuli sa mga hindi nagbabayad. Bakit kailangan mong idamay iyong nagbabayad naman ng tama. Kasi kapag sinabi mong doctors parang nage-generalize na ang lahat eh. Kahit hindi.

Media: So you think this campaign is unfair?

SNB: I think we should review the shame campaign. If I remember it correctly, noong naglabas ng ad doon sa mga lechon, yung may-ari ng Zubuchon, nagreklamo rin siya na bakit ganoon ang pinalabas ng BIR na parang denitail niya yung mga payments na binibigay nila. So, siguro its high time that we review this ad campaign.

Media: So, you are not okay with any shame campaign as a means of at least encouraging people to pay their taxes?

SNB: I think so. Sa tignin ko kasi mas maganda kung positive reinforcement. Doon nga sa hearing, lumabas din na kasi hindi daw humihingi ng mga resibo sa mga doktor. Siguro, we should come out with a campaign encouraging patients to ask for receipts.

Media: Sinabi daw po ni Commissioner Henares sa isang interview, kung nagbabayad ka daw ng tamang buwis, kahit ano pa ang kurso mo, abogado or whatsoever, hindi ka dapat tamaan eh.

SNB: Hindi pero with this particular campaign kahit nagbabayad ka ng tama the mere fact na sinabing "Doctors" parang feeling mo you are already alluded to by the campaign di ba?

Media: Ma'am, dapat ba ihinto na yung ad? Dapat bang i-pull out na at huwag nang ituloy yung mga succeeding ads?

SNB: Siguro, i-suspend muna yung ganitong kampanya. Katulad nga noong sinabi sa hearing kahapon may ilalabas pa ata sila pero accountants naman at lawyers.

Media: Would you call on the BIR na to... Iyon nga sabi pa ninyo mayroon pa about lawyers at mayroon pa about accounts and knowing Commissioner Kim Henares who feels strongly about this.

SNB: Kaya nga I filed a resolution naimbestigahan nga itong ganitong klaseng kampanya ng BIR.

Media: So kung walang shame campaign sa pagkuha ng buwis ng BIR, ano ang mas maganda?

SNB: Siguro pa-igitingin pa nila yung paghahanap ng talaga kung sino yung mga hindi nagbabayad. Actually, may lumabas na eh. For example, para doon sa mga self-employed professionals. Ang nagparegister ay nasa 1,000,000+, tapos ang nagbabayad lang is 400,000+ so may data base na sila na out of that 1 million plus, 400,000 lang yung nagbabayad so hanapin nila yung 600,000 na hindi nagbabayad.

Media: Ma'am, sa hearing po ninyo kanina. Yung sa SWADAs (Social Welfare Agencies and Development Agencies), may mga nakita po ba kayong problems sa accreditation ng mga non-government agencies?

SNB: I think iyan nga ang dapat pagtuonan natin ngayon sa pag-aaccredit ng mga NGOs. Siguro, kung i-rerelate natin ito sa PDAF, maaring ito ang puno't dulo ng problema.

Media: Ano po in particular ang na gusto ninyong ipa-improve sa accreditation?

SNB: I guess, kung talagang nagfufunction iyong mga NGOs as an NGO. Yung talagang not for profit but to really help our people.

Media: Pero yung requirement sa accreditation at sa reportorial po ng mga agencies, are you going to, ano po...

SNB: Actually, doon sa SWADAs kasi na hi-near ko kanina, ang nagiging problema kasi ang DSWD ay may accrediation process na nila at mayroon din sa PCNC which a non-government organization na may accrediation process din. So tinitignan natin kung papaano mababawas yung accrediation process, kung paano mapapasimplify at talagang... Kasi kung isang foundation ka, napakatedious na proseso na dalawang accreditation pa ang dapat mong gawin.

Media: Sa mga centenarians, yung problema na pag-accredit kasi may mga 60 na 6,000 daw.

SNB: Pagdating sa 100,000 na pagbibigyan ng doon sa mga centenarians, hindi naman ata issue yan. Ang nagiging issue talaga ay yung 75 percent na tax incentives doon sa mga centenarians.

Media: Pero yung lack of documentation, birth certificates. Kung maiimplement yung batas paano yung measures natin para hindi maabuso yung batas kasi katulad nga nung sabi ninyo kanina mukhang 100 pero wala na...

SNB: Oo, yung mga wala nang birth certifications. Usually, wala na nga silang birth certificates. Lalabas doon sa IRR, iyon talaga ang proseso sa pagdetermine kung 100 years old sila.

Media: Ma'am, just to clarify, ano pong gusto ninyong mangyari doon sa pag-accredit sana dun sa mga NGOs...DSWD na lang?

SNB: Dun sa mga SWADA, dun sa proposed na bill, sufficient na yung DSWD accreditation para maging donee institution yung foundation.

Media: Pero yung hinihingi ma'am ng BIR daw po na PCNC, yung required daw po na PCNC accreditation necessary po ba o pwedeng DSWD accreditation na lang?

SNB: Kasi ang naging problema, may EO na inissue kasi tapos PCNC ang ire-recognize ng BIR para mag-endorse ng donee institution.

Media: Which you don't agree with?

SNB: Ah, which dun sa proposal ng bill is dapat DSWD. Well, yung isa pang contention is dapat bang DSWD na lang or either PCNC or DSWD.

Media: Ma'am, Lenten sacrifice ninyo po?

SNB: Lenten sacrifice? Napaisip bigla. Wait. Ngayon, hindi pa ako naglalunch, baka ituluy-tuloy ko na lang. (laughs)

Media: Fasting, ma'am?

SNB: Fasting. Yun na lang.

Media: Isa po siya sa mga kalaban ng tatay ninyo. Kinuha niya rin na gumawa ng ads yung gumawa ng ads para sa tatay ninyo. Comment?

SNB: Pati ako. Siya rin ang gumawa ng ads ko. Anong comment ko? Ano, good luck na lang.

Media: Pero yung advantage niya compared sa... yung preparations ba niya ay sapat na since ikaw isa rin sa mga humawak sa campaign ng tatay mo?

SNB: Nung 2010? Ah, ano naman yan eh, during the campaign nung 2010 may grupo talaga na tumulong sa father ko ang so far that same group ay nandiyan pa rin sa likod niya at tumutulong.

Media: Pero sapat ba ang pagkuha ng mga kilalang advertisers?

SNB: Ay, pag dating sa ads? Matagal pa yan eh, sa 2016, pag dating sa mga... yung pag dating sa campaign itself hindi pa talaga napag-uusapan.

Media: Yung sa centenarians may possibility bang maibaba yung 75 percent?

SNB: I think yung... ang nagiging contention kasi ay kung doable ba yung discount eh. Kunwari, 50 percent for centenarians...kung yung establishment has the capability to monitor eh, kasi aside from the ano yung establishment pwede niyang gawing tax deductable yung bayad nung centenarian sa kanya so parang ang nagiging issue is yung parang nag-ooverlap yung sa Senior Citizens Act na technically naman pasok na sila dun sa existing discount. Baka pagdating sa monitoring, baka magulo, biglang magkakaroon ng 50 percent or 75 percent na discount.

Media: So malabo na?

SNB: I think yun yung pinaka ano, yun yung dapat na pag-aralang maigi yung pagdating sa 75 or 50 percent or kung kailangan pa bang may ganoong discount, baka sufficient na yung bibigyan silang P100,000 or baka may ibang benefits.

Media: Ma'am, just for the record, yung resolution ninyo for an inquiry on the BIR ads, isn't this spurred because you're also a daughter of a doctor?

SNB: Actually, yun nga yung ano ko eh, since anak nga ako ng isang doktora, lumaki ako sa mga colleagues na doctors. Alam ninyo, yung mga doktor ang ano naman nila is not to earn money but to cure yung mga pasyente di ba? Kung baga secondary na lang yung kumita sila eh. Ang main ano nila ay yung mapagaling ang mga pasyente. Hindi ko maintindihan bakit kailangang magkaroon ng ganitong shame campaign ang BIR just to encourage self-employed or professionals to pay their taxes. Lumaki ako na madalas nga libre yung paggamot ng aking ina doon sa mga pasyente niya.

Media: Ma'am, wala kayong na-encounter na doktor na iba ang charge niya kung may resibo sa kung...

SNB: Wala. Alam ninyo kasi parang may agreement ang mga doctors na kapag kapamilya ka ng doktor, hindi ka sinisingil eh, so lumaki ako na kapag nagpapatingin sa doktor wine-waive nila yung fee. Na ngayon kailangan ko nang mag-issue ng notary public na waived.

Media: But you can't deny that doctors are highly paid and mataas silang mag-charge.

SNB: Totoo po din yun pero siguro galingan na lang ng BIR na hanapin yung mga doktor na ganun kasi ano ho ba yan, majority ba ng mga doktor ay hindi nagbabayad ng tamang buwis? They are just a minority among that... kasi nung lumabas yung ad, parang ang dating lahat ng, mas marami sa mga doktor ang tax evader. Kaysa sa nagbabayad ng tama.

Media: Pero there are other ads na may online sellers, may accountants...

SNB: May lawyer pa. Actually itinanong ko nga kahapon sa hearing ng ways ang means does that mean that yung mga profession na iyon, sila yung tax evaders? Kasi maraming professionals naman eh, why single out yung tatlong yun? Does that mean na sila ang tax evaders? Which ganun ang nagiging impression kasi bakit sila ang hinighlight ng BIR.

Media: These are the three highest professions in society.

SNB: Sila ho ba talaga?

Media: It appears... Kim Henares said may basis naman daw yun...

SNB: I guess, pag nagkahearing na on the resolution that I filed, mapapalabas nila kung justified ba talaga yung commercial na ginawa nila. Thank you.

News Latest News Feed