Transcript of Sen. Grace Poe's Ambush Interview

Question: On BIR's proposal to loosen the bank secrecy law?

Sen. Grace Poe: Kailangang pag-aralang mabuti yan kasi halos lahat naman ng bansa may bank secrecy. Syempre, confidence also of investors, baka naman sa ginagamot nating isang sakit natin, lumala naman ang sakit ng kabila. Importanteng balansehin dahil meron din namang privacy laws din tayo.

Q: Are you in favor of it?

Poe: Ang nakita ko lang ay statement na siguro ay maging open yung bank accounts. Para sakin, may detalye pang di ko pa nakikita. Sa tingin ko sa ngayon, sa aking nadidinig pa lamang, dapat pag-ingatan ito. Baka di lang naman BIR ang magkakaroon ng access. Baka naman hindi nagiging safe ang ibang depositors. Pero yung sa BIR, dapat ilathala nila at isulat nila kung ano ba talagang requirements na gusto nila.

Q: Kailangan po bang dumating sa point na i-lift yun kung para sa better collection of taxes?

Poe: Kasi nga, yung trabaho ng BIR commissioner is to exhaust all means to collect taxes. On the other hand, government agencies should also be able to balance the interest of the public as a whole, so in our desire to be able to collect taxes, are we violating the rights of others? Are we making another sector jittery, for example, the investors of our country if our bank secrecy laws are loosened.

Q: Ito pong sa CPP, magkakaroon po ba ng negative impact o mas slim na chance na makabalik sa negotiating panel sa pagkahuli ng leaders?

Poe: Di ba meron namang negotiating panel tungkol dyan. Apparently, matagal nang hindi kalahok sa negotiating panel nila ang mga naaresto. Importante kasi na wag nating pangunahan ang mga maaaring masamang mangyayari tungkol dyan. Trabaho ng DOJ na masiguro na walang karapatang na-violate dito.

Q: Big blow po ba sa communist movement ang arrest?

Poe: Syempre naman kahit anong organization po ang merong lideratong nakuha o naaresto, lahat apektado.

Q: Did it affect in a negative way, yung paghuli sa leaders?

Poe: Di ako privy sa detalye nyan. Apparently, for those who have immunity, you should be an active participant in the negotiating panel which apparently the two that were arrested weren't really showing up. This was the claim of the negotiating panel.