Press Release
September 21, 2015

GRACE POE AMBUSH INTERVIEW TRANSCRIPT

Q: On SWS Survey results

Sen. Grace Poe: Ako ay buong pagpapakumbabang nagpapasalamat sa ating mga kababayan kasi yung kumpiyansa talaga nila ang nagbibigay sa sakin ng inspirasyon sa aking trabaho at kahit na sa mga pinagdadaanan natin minsan.

Q: Papano kayo hahabol? Siyempre nag-iikot na sina Secretary Mar for the longest time, tapos kayo, wala pa?

Poe: Siyempre dahil kailangan ko naman balansehin. Yung iba ay may pagkakataong mag-ikot, pero ako naman, meron pa kaming mga tinatalakay dito -- sa ating budget - na makakabenepisyo sa ating mga kababayan. Kaya kailangan kong tutukan. At pangalawa yung BBL, mag-i-interpellation pa at period of amendment so talagang kailangan na nandito. Pero ako po ay talagang looking forward na makadaupang-palad ang ating mga kababayan sa buong Pilipinas dahil tuwing umaalis ako at ako'y nagiikot, mas nararamdaman ko kung ano ba ang pangangailangan nila.

Q: The way the LP is looking at the survey ay lumalapit na sa inyo si Sec. Mar. So are you threatened?

Poe: Unang-una, wala namang duda na malaking tulong din ang endorsement ng ating pangulo at siguro, noong mga panahon na iyon, ay hindi pa naman nasisiguro ng tao kung ako ay tatakbo. Malaking bagay din na may anunsyo na para mas sigurado na. Kasi sa ngayon, yung iba, nilalagay ako in both the president and the vice president.

Q: Sa pagkadeklara nyo, are you hoping na?

Poe: Lahat naman tayo ay umaasa na mas tatanggapin tayo ng mas nakararami pero depende din iyan sa sitwasyon kung ano ba. Ang sabi ko nga, ang deklarasyon ay isang hakbang lang, ang mga sumusunod na mga ipapahiwatig nating mga plataporma at detalye nun ay yun po siguro ang magiging basehan ng marami nating mga kababayan. At saka kung nakita ka na nila ng personal rin, o alam nila, o narinig nila na nakapunta ka na rin sa lugar nila.

Q: Malaking challenge kung paano mame-maintain na number one lagi sa survey?

Poe: Siyempre palaging challenge iyan kasi maraming mga hamon na dumadating sa atin. Yung iba, hinahanapan ka talaga ng dahilan para ibaba, pero para sa akin naman basta ginagawa lang ang trabaho, kung ano yung makakatulong. Nagdadasal talaga ako na magkaroon ng wismo at tapang na gawin ang dapat gawin para sa ating mga kababayan.

Q: You are already in the process of submitting or undergoing a DNA test?

Poe: Nasa proseso na. Ang ibig sabihin nun, mayroon kaming natukoy na maaari. Siyempre umaasa tayo dahil sa hinaba-haba ng panahon - ang masasabi ko lang kasi ito ay mga pribadong tao. Ang masasabi ko lang na kung sila nga ang aking magiging kadugo, ako ay matutuwa sapagkat napaka-disenteng mga tao at napakabait. Pero siyempre hindi pa rin tayo nakakasiguro, iintayin natin iyan. Hindi mismo sa mga magulang kundi sa mga siblings o kapatid.

Q: Sila ang lumapit sa inyo?

Poe: Sila ang lumapit sa akin. Hindi ko sasabihin kung kilala ko noon pa sapagkat magkakaroon pa ng mga spekulasyon.

Q: Make or break ba sa kaso?

Poe: Malaking tulong kapag meron pero sinasabi pa rin namin na maganda kung may DNA, pero kung walang DNA, bakit naman natin wawalain din ang karapatan ng maraming mga natagpuan na mga bata sa ating bayan. Siyempre ngayon ay mayroon na tayo ng benefits ng science, so we are trying to exhaust also that advantage. But if not, there is still the internationally accepted principles of law that apply in our country.

Q: Kelan po lalabas ang result?

Poe: Sabi nila mga tatlong linggo. Kasi kinukuha iyan dito pero pinapadala sa lab sa ibang bansa kasi wala tayong kakayanan pa na mag-exhaust ng ganoon. Kung meron man, basta may intermediary sa bansa na ito. At isa pa, siyempre kapag nilabas na ito maaaring positibo o negatibo. Basta para sa amin, ginagawa namin ang lahat para naman malaman ng ating mga hukom na hangga't maaari ay ginagawa namin yung sa aming panig. Pero di ba sila naman ang nag-allege na ako ay hindi Pilipino so dapat nga sila ang nagpepresenta ng ebidensya laban dito?

Q: Sila ba ay relative mo? Ano ba ang assumption?

Poe: Basta ang lumapit sa akin ay hindi ko relative ngayon. Mukhang may basehan. Minsan kasi yung lumapit, nagpakita ng litrato - di ba minsan kapag gustong gusto mo ay nakikita mo ang similarities dahil you are trying to convince yourself. So siyempre hindi natin alam pero parang may basehan nga para gawin iyon. Kasi parang napakahirap naman na lahat ng lalapit sa iyo, kung wala naman tayong tamang dahilan, ay hindi naman pwedeng magbigay ng DNA, dapat may basis kung bakit. Basta ang masasabi ko napaka-gentle, mabait at malumanay, so sabi ko baka pwede.

Q: May info po ba if the parents are still alive or mga kapatid na lang?

Poe: Basta mga kapatid nalang.

Q: Sa senate slate ninyo, you have already started talking to some people whom you find worthy na talgang maging part ng senate slate?

Poe: Senate slate? Meron namang nakikipag-usap. Hintayin na lang natin na ma-anunsyo yan, kasi alam mo ni-rerespeto ko rin naman yung kanya-kanya nilang mga desisyon. Mabuti na sa kanila na rin manggaling na sila mismo nagsasabi niyan

Q: Ma'am pero buo na po yung senate slate niyo? 12? 8?

Poe: Hindi pa naman. Ayoko magbigay ng eksaktong numero. Siyempre may iba't-ibang kunsiderasyon, yung mga partido nila, papaano sila magpapaalam, mga ganyan. Basta ganun na lang.

Q: Ma'am may NPC tomorrow kayo?

Poe: Wala akong alam.

Q: To attend the NPC meeting, aren't they going to endorse you already?

Poe: Wala naman akong nababalitaan, I mean we're hoping for the best in any gathering. We hope to be able to convince more groups to support us in this particular program of government that we are pushing for.

Q: Pero Ma'am hindi kayo mag-aattend tomorrow?

Poe: Wala pa akong alam pa.

Q: Ma'am may mga commitments na p o yung iba't-ibang grupo sa inyo?

Poe: Marami, marami nang nakikipag-usap.

Q: Now that you've announced it formally, there are those who would really want to prove you down or take you down, and they would really try to find ways to legally question you, are you prepared for it?

Poe: Yes, nilalakasan ko ang loob ko, hindi lamang ito laban para sa akin, sa totoo lang nahahalata naman ang mga ginagawa pero sabi ko nga hindi ako nagkasala sa bayan para sa akin at kahit sa aking trabaho pinagiigihan ko. Yun naman sa tingin ko ang obligasyon natin, na tayo ay tapat sa ating trabaho, wala naman tayong iniisahan na tao.

News Latest News Feed