Press Release
October 21, 2016

GRACE POE INTERVIEW TRANSCRIPT
dzMM with Ted Failon

TED FAILON: Ang chairperson po ng Senate committee on public services. Atin po siyang gambalain ngayon pong Friday morning. Madame Senator, Good Morning Madame!

SEN. GRACE POE: Magandang Umaga po Manong Ted at sa lahat ng nakikinig, Good Morning po.

FAILON: Good Morning Ma'am, ngayon po ay hawak ko ang Republic Act Number 10639

POE: Opo

FAILON: Ito po yung act mandating the telecommunications services providers to send free mobile alerts in the event of natural and man-made disasters and calamities. Ma'am can you please tell us muna ho, ano ho ang mandato ng naturang batas na kayo po ang main sponsor in the Senate.

POE: Simple lang po yan, ang ibig sabihin kapag merong bagyo o kalamidad, ang atin pong mga cell providers katulad ng kumpanya ng Globe at Smart ay kailangang magpadala sa lahat ng kanilang mga subscribers ng text alerts na nagsasabi na magkakaroon ng bagyo, 'ito ang signal number, dito sa lugar ninyo at ito ang mga ahensiya at mga phone numbers na pwede ninyong tawagan. Halimbawa yung numero ng local government, numero ng NDRRMC, yung numero ng DSWD at iba't iba pang ahensiya na pwedeng makatulong.

FAILON: So ito ho mga kaibigan ay napaka-importante nga para makapaghanda po ang ating mga kababayan at malaman po kung ano ang gagawin sa oras ng kalamidad. Ma'am sa inyo pong oversight function, ano ho ang report ang natanggap Ma'am dito ho sa pagpapatupad nito particularly sa mga nakalipas na bagyo. Kasi dati po, ako ho dati nakatanggap din ng gan'tong alert. Nakalagay na NDRRMC, yun po ang pinagmumulan tapos dito ho sa bagyo na medyo malapit-lapit sa Metro Manila. Dito ho sa Karen atsaka Lawin, ano ho ang inyong report Ma'am?

POE: Alam niyo po mas maraming hindi nakatanggap ng alert doon sa mga nakausap ko, doon sa nakausap natin. Meron din namang nakatanggap pero marami ngang hindi nakatanggap. Ang sinasabi nila maaring mahina yung signal na naman doon sa mga lugar kaya hindi nakaabot yung text. Gayunpaman, kailangan natin suriin kung ano ang naging dahilan kung bakit hindi natanggap lalong-lalo na doon sa mga lugar ng Cagayan kung saan talagang doon sila napuruhan ng bagyo. Dahil importante itong batas na ito at nais ko rin ipaalala dun sa ating providers nito, yung ating mga cell companies na malaki po ang pwedeng maging penalties sa kanila kung hindi nila sinunod ito. Between one to ten million pesos ang kanilang fine o kung hindi naman po suspension or revocation ng kanilang franchise. Siyempre mabigat pakinggan lahat iyon pero nakasalalay din kasi ang buhay sa pagkakaroon ng tamang warning kaya importante ang kanilang tulong dito.

FAILON: Opo. So Madame Senator bagamat siguro hindi mangyayari ngayon sa panahon na abala sa lahat para sa relief operations sa mga tinamaan ng bagyo. Do we expect Ma'am oversight hearing on this?

POE: Siyempre kailangan magkaroon ng reassessment kung ano ang nangyayari; tignan yung IRR ng NDRRMC tungkol dito. Yung implementing rules nila kung nasunod ba, yung mga protocols kaya pag nag resume na po ang ating session, magtatawag po tayo ng committee hearing ukol dito para ma-eksplika rin ng mga telcos ano talaga ang nangyari. Kukuha rin tayo ng indibidwal na nagsasabing hindi nila natanggap yung alert at dun sila nakatira sa lugar na naapektuhan ng bagyo.

FAILON: Opo para lang maunawaan ng ating mga tagapakinig Madame ang kagandahan nga po kasi dito meron pong batas na naipasa ang Kongreso tapos doon ay may oversight silang function to see to it na ito po ay naipapatupad ng tama. Ito ho ang gustong mangyari ngayon ni Senator Madame Grace Poe. Ano po Senador?

POE: Opo para rin sa ating mga kababayan. Alam ko bago pa lang itong batas na ito kaya siguro may mga pagkukulang pa kaya bigyan pa natin ng konting palugit pero paalala lang na malaki talaga ang magiging kabayaran nito kung hindi ito nasunod.

FAILON: Madame Senator kung inyo pong mararapatin, if I may respectfully suggest siguro na pagtapos ng paghupa ng lahat masama na siguro sa inyo pong pagdinig bilang bahagi ng inyong responsibilidad sa inyong komite; iyon pong pag alam lang kung klaro na ho ng template ng gobyerno sa usaping disaster preparedness atsaka response Ma'am.

POE: Alam niyo siguro maganda ngang pagusapan yan sa ating hearing kasi magkaakibat lahat yan. Maaring yung isang komite natin para duon sa climate change at iba pang komite na kasama natin diyan ay masama sa isang hearing para hindi patawag-tawag na hiwa-hiwalay ang iba't ibang ahensiya.

FAILON: Opo ang akin nga po not to fault-find, hindi ho manisi, hindi ho maghanap ng kasalanan ng mga pagkukulang kundi to improve ito pong ating preparedness at response para sa panahon ng kalamidad kagaya ngayon; isyu pa rin ang kominikasyon; isyu pa rin ang first responders so my point is really ho na pagtulong-tulungan para po maging handa po tayo sa next natin na kakaharapin na super typhoon kung meron man.

POE: Tama po, mabuti na lang may tulong talaga syempre ang media, talagang nabugbog lahat ng impormasyon ukol dito. Kasi kung wala 'yan, maaring hindi 'yan alam ng ating mga kababayan kung ano na ang mangyayari. Kaya dapat tulong-tulungan, at paalala nga po e talagang malaki po ang kabayaran, suspension ng franchise o kaya ay revocation kaya importante na gawin din nila yung nasa batas.

FAILON: Ma'am, kung pwede ho akong maglambing po sa inyo, November break na ho kayo ngayon ano? Ngayon pong araw na ito. Are you gonna be working dito sa emergency bill or emergency powers? I mean, you know, kasi ang dami hong mga... ito parin po yung mga reklamo dyan e, traffic pa din po e. Sorry Ma'am ha? Sorry po.

POE: Opo. Manong, syempre kahit na break, nagpapasalamat din sa aking mga kasama sa Senado, yung staff natin. Patuloy parin po namin... kasi napakalawak po talaga ng hinihingi nila e, 1.3-Trillion, e ngayon may mga iba po dyan na kasamahan din natin sa Senado na nagsumite na ng kanilang iba't ibang bersyon at marami ang nagsasabi na tutol sila sa ganitong proyekto, tutol sila sa ganyan with good reason. Halimbawa yung bus rapid transit, parang ano ba naman 'yan? So, gusto namin matapos natin sa Senado bago kami magbreak kami muli ng Disyembre kaya kailangan nakatutok parin kami dito. Pero okay naman po, kasi pati naman kami nakakaranas ng traffic.

Gusto ko lang sabihin sa ating mga kababayan na masyado nilang binibuild-up itong emergency powers. Oo, maraming kailangan ang gobyerno para mas mabilis ang kilos nila sa pagresolba nito pero sinasabi ko na sa inyo ngayon, kahit na maipasa pa namin ito, hindi ninyo agad-agad mararamdaman ito kapag hindi natapos ang mga imprastraktura na ating dapat gawin. At 'yan ay medyo tatagal pa kaya nga enforcement ay napakahalaga doon lamang sa lugar na sinabi namin na pakitutukan. Yung sa mga Kalentong, nagpadala agad ang MMDA doon, naramdaman ng ating mga kababayan. Kaya nga sabi ko, may mga bagay na hindi kailangan ng emergency powers kung gagawan lang nila ng paraan ngayon, ay maaayos. Diba pagka-uwian na, Manong Ted, ang ating mga kababayan e sabik nang mauwi sa kanilang bahay hanggang sa gitna ng kalsada nakapila para sa bus. Kaya iisa na lang ang lane na madadaanan mo sa ibang mga main road. Kung nandon ba naman ang dispatch ng mga sasakyan na mas mabilis at may traffic enforcer na magsasabing peligro, huwag kayong tatayo sa gitna ng highway, e makakatulong po 'yan. Kaso wala pong tao e. Iba-viber ko nga po sa staff ninyo yung mga litratong kuha namin a few days ago na yung mga pasaher na iyong mga pasahero nakatayo na sa gitna. Iyon po ang mga bagay na dapat aymaayos nila ngayon, may emergency powers or none. Iyon iyong mga meron po.

FAILON: Okay ma'am, talaga pong kayo ay mas magiging abala ho sa inyong pagbabalik sesyon come first week of November. So, Madame bilang pabaon lamang po na information Madame.

POE: Opo.

FAILON: Nagka-aberya na naman po ang MRT ngayon, just now. Kahapon three times, the other day po four times. Araw-araw po ma'am para po siyang pag-inom ng gamot, three times a day.

POE: Alam ninyo po manong, sa tingin ko mas balita ay kung hindi nagka-aberya ang MRT. Di'ba parang iyon talaga ang nakakalungkot. Iyon nga e. Pati po iyon ay hindi malinaw sa kanila ang emergency powers. Anong gagawin nila dito sa MRT, iyong mga kontrata na palpak diyan na dapat sana na kung talagang itatapon na lahat iyan at mag-umpisa tayo sa bago. Gusto ko pa nga iyon. So, sana para hindi na sana sirain iyan at hindi pa napapalitan ang ilang mga parts. So, iyong lamang po Manong, basta hinihiling ko na lamang ang inyong dasal. Hindi ko na hihingiin ang inyong pasensiya dahil alam ko talagang labis labis na ang pasensiya n gating mga kababayan. So, patuloy po ang trabaho. Huwag po tayong umasa ng emergency powers na iyan ay kaagad-agad ay magkakaroon ng solusyon lahat iyan. Talagang kailangan tulong-tulong lahat ngayon pa lamang.

FAILON: Well said, ma'am. Madame Senator, thank you for your time ma'am and God bless you more.

POE: Salamat po, Manong at sa lahat ng nakikinig.

News Latest News Feed