Press Release
December 13, 2016

SEN. GRACE POE's INTERVIEW TRANSCRIPT ON E-POWERS
dzMM with Ted Failon

Ted Failon: Senator Grace Poe ang chairperson ng Senate committee on public services. Sen. Grace Poe, madam senator, good morning po ma'am!

Sen. Grace Poe: Magandang umaga po, manong at sa lahat ng nakikinig, magandang umaga po!

Failon: Thank you po sa panahon, ma'am. Thank you po sa inyong pagbibigay po sa amin ng espasyo sa inyo pong busy schedule. You still have session until tomorrow, ma'am?

Poe: Hanggang bukas na lang po yung session namin tapos next year na po ang balik ng Senado.

Failon: Opo. So ma'am kung hanggang bukas na lang po, ano ho ang kinabukasan ng emergency powers bill po?

Poe: Alam niyo manong, mag-dedeliver po ako ng sponsorship speech bukas. Ang ibig sabihin yung aming committee report pati na rin yung bill na aming isusumite ay maibibigay na sa ating kapwa senador at nandoon po, nilalaman nito kung ano yung ating mga ibibigay kung saka-sakaling mabibigay itong emergency powers.

Alam niyo manong, alam ko hinihingi na ng ating mga kababayan na magkaroon ng agarang solusyon sa trapiko. Kami naman sa Senado, nais naming iambag ang maaari naming magawa para matugunan ito. Pero siguro dapat ding malinawan ng ating mga tagapakinig na bagama't may ibibigay tayong emergency powers, hindi po ito magiging agarang solusyon lalung-lalo na kung hindi naman iimplementa ng tama. Basta bukas po idedetalye natin kung anu-ano ang magiging nilalaman nito kaya lamang nais ko ring sabihin, unang-una, hindi po ito kapangyarihan na walang hangganan. Meron po itong hangganan, meron din po itong limitasyon, limitasyon para hindi abusuhin. Pangalawa, ang aking ikinalulungkot, naging trabaho pa namin mismo sa Senado--na hindi naman dapat--na magdetalye kung anu-ano ba talaga dapat ang maging traffic plan.

Alam niyo po, mahirap talagang manumbat pero dapat ring malaman ng ating mga kababayan na sana ito ay naging trabaho ng DOTr na makipag-ugnayan sa iba't ibang sangay ng gobyerno, sa iba't ibang grupo ng lipunan para magkaroon ng direksyon dito sa plano sa trapiko. Pero ang nangyari, kami po sa Senado ang gumawa nito. At kung saka-sakali man na ako'y nagbigay ng pagresponde dito, ito ay dahil dapat pilitin na ang gobyerno na magkaroon ng traffic action plan. Kaya if anything, itong emergency powers na ibibigay natin, it's more of a compelling law para yung ating gobyerno ay talagang kumilos na para masolusyonan ang problema sa traffic.

Failon: Alright ma'am so ito po'y committee report na inyo pong ihaharap bukas sa plenaryo, tama?

Poe: Tama po.

Failon: Okay so laman ng committee report na ito yung sinasabi po nga ninyo na paghimay na sa traffic plan na ang, can you clarify ma'am, ang bulto ng traffic plan na ito ay hindi mismo nanggaling sa DOTr?

Poe: Hindi po, kasi ganito yan. Unang-una, aminado naman kami na hindi kami eksperto dito. Kami ay tagabalangkas ng batas base sa impormasyon na binibigay sa amin. Ngayon, ang problema, pati naman ang galing sa kanila ay kulang-kulang din. Siguro dahil kulang sila sa panahon, kakaupo lang nila pero alam mo, matagal-tagal na rin. Kaya itong binibigay namin, idedetalye namin kung ano ba talaga ang magiging layunin na dapat nilang gawin.

So, unang-una, it harmonizes traffic rules. Ibig sabihin pagkaisahin ang batas trapiko dito sa mga lugar na binabanggit natin--greater Metro Manila, Metro Cebu. Pangalawa, magpo-provide dapat ng detalyadong infrastructure projects. Pangatlo, mag-promote ng alternative modes of mobility. Dapat prayoridad ang mass transit katulad ng rail. Pang-apat, dapat magpo-promote ng accountability and transparency para dito. At pang-lima, ang paggamit ng ICT or information communications technology as a tool to manage the traffic problem. Yun yung synchronized traffic signaling system sa buong Metro Manila, greater Metro Manila area, Metro Cebu. Nilagay po namin yan pero yung actual na mga proyekto, manong, parang nilalagay namin na kino-compel namin sila to submit a detailed traffic crisis action plan kasi wala talaga. Kaso doon dapat talaga nag-uumpisa at siguro naman kung may batas na ay maibibigay na nila ito. Kaya nga aside from being an emergency powers bill, it is actually a bill to compel them to move kasi kung hindi, parang binibintang nila (ang hindi pagkilos) kasi walang emergency powers. Pero ang dami, kagaya nga ng nabanggit ninyo, yung mga naka-park diyan hanggang ngayon hindi pa rin nila tuluyang natatanggal. Sasabihin nila kasi local government ang dapat gumawa niyan. O ito, wala na kayong dahilan para sabihin na hindi niyo kayang gawin yan. Ito na yung kapangyarihan pero huwag naman matatakot yung iba kasi may limitasyon talaga yun.

Failon: Opo. Okay so medyo kumbaga mas ano pa ho kayo ano mas

Poe: Mabait pa

Failon: I mean tama ang inyong word, mas mabait pa ho kayo kumpara sa inyong counterpart in the House.

Poe: Well alam niyo manong, ito gagawin namin pero hindi naman ito lulusot kung walang bicameral agreement. Kaya ipapakita natin and hopefully we can come up with a middle ground. But we also defer to the wisdom of the House, nakikita kasi nila ang nakikita din namin na talagang 'ano ba talaga ang gusto ninyo?' Pero sa akin manong, this goes beyond politics or being legislators. This is being a patriot and a Filipino. Now we want to be able to contribute what we think will help. So, tingnan na lang natin yung version, we'll send you a copy of it.

Failon: Okay ma'am, sige po. So, well ibibigay niyo ito para ho ito na yung maging hudyat na sige bigyan niyo na kami ng detalye ng inyong, tama ho ba, ma'am, may oversight kayo dito para kapag nagbigay sila ng detalye ng kung ano ang kanilang mga gagawin sa kanilang mga balak ay dadaan at least sa inyo pong pagsusuri ulit, to see to it na hindi maaabuso yung inyong ibibigay po na emergency power, tama?

Poe: Opo, tama, kasi mayroong reporting process po na quarterly.

Failon: Ano ho ang saklaw nung emergency powers na ito? Sa usapin po ng public infrastructure, public projects po na papasukin nila. Example, itong BRT ho, mukhang tuloy na tuloy daw ho ang paglalagay po nila ng BRT sa kahabaan ng EDSA.

Poe: Alam niyo po, unang-una, yung BRT na 'yan, dadaan pa rin, alam mo, mali yung konsepto nila na walang bidding e. Meron pero may fast-tracking ng bidding so ang saklaw nitong emergency powers, magkakaroon yan ng special bidding, for example, dito sa mga proyekto na ito para mas mapabilis natin. Ibig sabihin, hindi naman lowest bidder lang ang kukunin, yung kalidad at yung bilis ng pagbigay at pagkumpleto ng proyekto ay dapat part of the consideration. Pangalawa, yung question ng imminent domain, right of way, lahat yan ay kaklaruhin sapagkat tingnan mo, may mga right of way na hindi naman problema talaga na makuha yung pag-aari ng kalsada na 'yun. Ang problema mismo ay relokasyon nung mga nakatira doon. So, dapat may funding dyan ang gobyerno na yung ating mga kababayan o informal settlers na madi-displace ay kasama sa budget para sa paglipat sa kanila. Kung hindi, wala ring mangyayari sa mga proyekto na 'yan. So, pagdating doon sa dalawang bagay na 'yun--right of way, dun nga dun sa bidding process--ilalagay doon sa bidding niya, mapa-fast track 'yan but only the projects that have been approved by NEDA.

Ngayon, kapag sinabi nila kung ano itong mga proyekto na ito, ito yung mga proyekto na diumano ay pinag-aralan na talaga ng mga eksperto na masasabing ito'y gumagana. Kaya kung meron pong pagtutol dito, dapat doon sa pagbabalangkas nitong mga proyektong ito kasama ng mga eksperto. Kaya itong BRT na ito, kahit na sabihin mo pang may mga approval ay pwede pa naman na masuri lalung-lalo na dito sa joint oversight committee.

Failon: Well, yun nga po pwede pang masuri at kung saka-sakali po pwede pa itong hindi matuloy. Hindi po sa ayaw natin ng development but kasi po before ka gumasta ng higit, tama ho ba, higit tatlumpong bilyon ito?

Poe: Opo, about P30 billion.

Failon: Ang basa ko po P32 billion. Before ka gumasta ng ganoon kalaking halaga at iistorbohin mo yung kasalukuyan pong set-up dyan sa kahabaan ng EDSA without first knowing kung saan mo naman dadalhin itong mga bus ngayon na existing, I mean parang diba maganda nga ho sana na sigurado ang pupuntahan nito yung makakabuti. Alam niyo ho 'yun ma'am? Kasi kapag nandyan na ho 'yan, alangan namang baklasin mo ulit yan kapag hindi yan ubra.

Poe: Yun nga din ang medyo concern din. Katulad ni Senator Recto, sinasabi niya, ano yan kapag nalagay na babaklasin ulit kapag hindi pala gumana? Yung mga bagay nga na ganoon. Malaki talaga ang sugal din dito. Katulad niyan dito sa emergency powers na ilalagay natin, bibigyan natin sila ng kapangyarihan halimbawa na mag-cancel ng mga prangkisa (nang mabilis) kung itong mga bus na ito o public utility vehicles ay hindi sumasang-ayon sa mga regulasyon or standardization nung mga requirements para dito. Yung rerouting ng mga buses, agaran nilang magagawa 'yan, may compensation process para doon sa mga legal na may-ari ng mga bus o public utility vehicles, mayroong compensation scheme na mabibigay sa inyo. Pati yung mga driver na maaaring ma-displace temporarily.

Pero yung nga, alam niyo manong sabi ko nga, hindi kami eksperto dito pero yung mga bagay na ganyan ay dapat na iprinisinta nila 'yan. Ang nangyayari, kami sa aming limitadong mga grupo dito sa Senado, kami pa yung talagang kumuha ng mga eksperto para sabihin na dito yung mga problema. Pero katulad niyan, yung bus rapid transit na 'yan, napakakaunting impormasyon para makita kung talaga bang ito ay gagana o hindi. Hindi ako magtataka kung pagdating sa plenaryo, ibig sabihin pagdating na sa interpellation, ay mayroong tatayong senador dyan (para magkwestyon). Kung ako nga mismo gusto kong tumayo at sabihin na, 'o sige ibigay natin yan pero huwag nating isama yung BRT dyan ha,' exception 'yan from the NEDA-approved projects kasi yan talaga, ako common sense na lang, may mga lugar sa EDSA na talagang kumikitid. Papaano tayo magkakaroon ng isang dedicated bus lane para dyan. So, yung mga bagay na ganyan, hindi pa naman ito pinal na bersyon. Yung mga iba ay mag-aambag din ng kanilang suhestiyon dito kaya yung actual, final bill ay hindi pa naman talaga maaprubahan sa Senado until next year pero gaya nga ng aking ipinangako, at least maglalabas na kami ng report para magkaroon naman ng direksyon kahit paano itong DOTr sa pamamagitan nito.

Failon: Opo. Ma'am, I hope you don't mind me asking this ano ho? Kasi ang pinag-uusapan nga po natin dito ay DOTr, so ang timon dito, si Ginoong Tugade. Now, may mga binabanggit po ngayon, ngayon po ang dating sa akin nga na sa halip na sila ang manguna at makipagtulungan ay hindi ho ganoon ang nangyayari. Kayo pa po ang gumagawa ng trabaho nila. So, para po sa akin na nakikinig po ngayon sa mga sinasabi po ninyo, reflective ito sa competence po nitong nakaupong kalihim ng DOTr. Matanong ko lang po kayo, kung kayo po ay miyembro ng CA, iko-confirm niyo ba siya?

Poe: Hindi naman ako miyembro ng CA. Ang masasabi ko lang ganito, ayaw kong sagutin na hypothetical kasi kailangan kong tingnan yung resume niya, yung mga ganoon. Pero remember, sa emergency powers, ang Presidente ang mag-aappoint ng traffic management czar, not reflective on the character or the personal character of the Secretary, pero sa tingin ko maaari siyang DOTr pa rin to oversee the other projects pero siguro dapat talaga isang eksperto talaga sa traffic ang ilagay ng Pangulo bilang traffic czar. Kasi, tabi-tabi na lang pero yung experience naman ng ating kalihim ay hindi naman sa trapiko kundi sa pribadong sektor. Kaso, maaaring hindi niya lang talaga, may limitasyon talaga...Napakalaki po ng responsibilidad na iyan.

Failon: Well, thank you for being polite. Sorry po but you know, naiintindihan ko po ang inyo pong tugon dito sa ating katanungan nga kasi ngayon may kumukuwestiyon po dito ho sa kanyang pagsalang nga sa Commission on Appointments sa kanyang competence na ito. Bagkus ang pinanggagalingan nga natin dito, madam senator ay iyong binabanggit po ninyo na dapat lahat ng hinihingi ninyo, kung ikaw ho ang humihingi niyan, ikaw ang magpapatupad supposed to be niyan, dapat ikaw na ang nagkukusa, di 'ba? Pero, sa inyong binabanggit po, hindi e. Well, kayo po ay mabait pa nga.

Poe: Manong, alam mo talagang ang ating mga kababayan, pikon na pikon na rin sa pulitika so, gusto ko lang sabihin, tinatrabaho namin talaga na maging maayos ito. Pero, sana iyong iba rin ay gawin nila ang puwede nilang gawin sa kanilang poder. Basta, ito ngang mga iba, hindi ko na babanggitin ang mga pangalan. Itong iba na mga public experts na alam naman natin na matagal na rin naman nilang naiitindihan ito. Tinatanong namin, kayo ba ay nakausap na ng DOTr? Hindi pa, hindi man lamang sila napatawag, parang ang sabi ko, 'bakit ganoon?' kung gusto talaga nila na masolusyunan ito ay may mga taong dapat kinausap nila.

Failon: Opo.

Poe: Anyway, kami na ang kumausap.

Failon: Yes, maam. Siguro ibang istorya din ho iyon ma'am, iyong karakter ng indibidwal di 'ba kung bukas ka talaga sa lahat ng suggestion, input, hindi ka lang doon sa circle na nakapaligid sa iyo na pinaniniwalaan mo. Alright, so ma'am ito lamang po doon sa emergency powers na ito doon po sa sinasabi ninyo na right of way. Iyon pong expropriations po na gagawin ng gobyerno, maganda pong example dito, if you notice, iyon pong ating connector ng SLEx-NLEx, iyong skyway natin. Ito ho iyong bypass ng EDSA, malaki ho itong proyekto na ito ng San Miguel Corporation. Putol siya ngayong hanggang doon lamang sa may plaza dilaw. Sa may bandang Philippine Columbian, sa may Osmeña at sa may bandang Araneta. Iyong portion po traversing doon sa may Sta. Mesa. Iyong mga motels doon at doon sa may bandang SM Centerpoint, wala pa ho doong construction kasi nga ang daming tatamaan doong mga private properties. So, kapag ho ginamit ang emergency powers na ito, ano ang magiging effect nito ho sa mabilisan pong appropriations?

Poe: Unang una po, meron po kasing batas na diyan, pagdating doon sa pagbili ng mga lupain ng mga pribadong sektor. Ibibigay sa kanila iyong fair market value, hindi po iyong zonal value na mas mababa. Actually manong, magandang compensation iyan kasi kapag sinabing market value sa ating mga kababayan, kung magkano talaga sa merkado iyong lupa mo kaya maaaring sa declaration ng tax ay maaaring maliit lamang pero actually times 300 percent so the government will compensate. Ngayon ang sasabihin dito na kapag hindi pumayag ang may-ari, within 30 days, mayroon pong timeframe. Ang government ay maglalagay ng perang 'escrow' sa Landbank. Ibig sabihin, wala ka na talagang choice, kailangan umalis ka diyan kasi national interest e, eminent domain o kung anuman ang i-cite. Pero, babayaran ka para doon sa lupa mo pati doon sa istruktura mo on the depreciated value. Kung may building ka diyan, hindi lamang lupa iyong babayaran, pati building. Pero alam ninyo, isa din dito ito sa mga legal measures, ibig sabihin, hindi ka puwedeng mag-file ng TRO sa Lower Court, sa Supreme Court ka lamang talaga pupunta. Kaya maraming mga nuisance lawsuit o iyong mga sagabal na pagdedemanda ay maaari nang matanggal kaya mas bibilis ang proseso.

Failon: So ma'am dito ho sa emergency powers na ito yun pong mga sistemang legal na maaring gamitin po ng property owner ay limitado na rin. Hindi sila puwedeng pumunta ng RTC to stop these expropriation proceedings, Supreme Court lamang ang puwedeng puntahan nila?

Poe: Supreme Court at kung walang TRO, tuluy-tuloy iyan...

Failon: Sige po madam senator, thank you for your time at kami ay naliwanagan po dito sa inyong...sabi ninyo nga bukas po ay ihaharap na sa plenaryo ang committee report sa emergency powers na hinihingi ng Durterte administration. Madam senator, thank you ma'am at maligayang pasko po sa inyo.

Poe: Maligayang Pasko, manong at sa inyong lahat.

News Latest News Feed