Press Release
March 24, 2021

PRIVILEGE SPEECH OF SENATOR BONG GO

Mr. President, dear colleagues, I rise on a matter of personal and collective privilege.

Nitong Lunes po nagsimula nang ipatupad ang mga additional restrictions dahil na rin sa pagtaas ng mga bagong kaso ng COVID-19 sa ating bansa. Kumakalat po ang mga bagong variants dito. May mga reports rin po na nagkakaroon ng false positives at may variant na hindi umano nade-detect ng RT-PCR test. Huwag na natin hintayin na tumaas ang COVID-19 death rate. The government has deemed it wise to impose additional restrictions in areas where there are surges of new cases which include suspending or limiting the operation of some businesses.

Sigurado pong may mga empleyadong apektado nitong mga bagong restrictions kaya nararapat lang po na pag-aralan ang pagbibigay ng ayuda sa kanila. Hirap po sa buhay ang mga Pilipino dahil sa krisis. Meron silang mga pamilyang binubuhay, at mga anak na pinapakain kaya gawin natin ang lahat ng ating makakaya para pagaanin ang pasakit na dinadala nila. Hanapan natin ng paraan na mabigyan ng dagdag na ayuda ang lahat ng ating mga kababayang nangangailangan. Hindi lang po sana dito sa NCR o sa katabing mga probinsya lamang. Buong Pilipinas po sana.

This is why I appealed to President Rodrigo Duterte, Finance Secretary Carlos Dominguez III, Budget Secretary Wendel Avisado, and other concerned national government agencies to provide additional assistance to poor Filipinos through an expanded Social Amelioration Program.

Let us work together to find the funds needed to further help our people, especially those whose lives and livelihoods are adversely affected by tighter restrictions which we imposed to stop the spread of COVID-19.

Mr. President, aside from helping Filipinos overcome the challenges caused by the pandemic, our primordial concern at this time is how to beat the virus. Ang mga bakuna na po ang inaabangan natin para tuluyang maka-bangon muli mula sa pandemyang ito. Ito ang tanging susi tungo sa ating recovery at solusyon upang matigil ang COVID-19.

On the last day of February, we had the much-awaited arrival of the first batch of the COVID-19 vaccines. And a few days later, on March 4 and 7, vaccines from the COVAX facility sponsored by the World Health Organization and other partner organizations, finally arrived. At kanina lang po sinalubong namin ang additional 400,000 donations of Sinovac.

Siguraduhin po natin na makakarating ito sa ating frontline health workers. Huwag na natin hintayin na meron pang mamatay na frontliners. Kahit na limitado po ang ating mga suplay sa ngayon dahil yung mga donated pa lang na bakuna ang dumating sa atin, ito na po ang inaasahan nating simula ng pagbangon. Magtiwala po tayo sa gobyerno at suportahan natin ang National Vaccine Road Map. Huwag tayong matakot sa bakuna, matakot tayo sa COVID-19 dahil ito ang nakamamatay at ang bakuna ang susi at solusyon sa sakit na ito.

Mr. President, March 1 marked a historic event in the country as the COVID-19 vaccine roll out finally commenced. Following the directive of President Rodrigo Duterte and adhering to the recommendations of the National Immunization Technical Advisory Group or (NITAG) as well as the World Health Organization, the first batch was allotted for the vaccination of frontline health workers to ensure the preservation of the country's healthcare system. Inuna natin ang medical frontliners dahil sila ang sinasabak natin sa gyerang ito kaya dapat na maibigay agad sa kanila ang proteksyon at sandata na kailangan nila.

I commend the efforts of the National Task Force Against COVID-19 led by Secretary Carlito Galvez for our early successes to ensure that we finally win this war against the virus.

However, Mr. President, it has come to my attention that some people who are not health frontliners and are not even on the top of the priority list were allegedly inoculated with the vaccines that we currently have. Marami akong balitang nakukuha na pati non-frontliners ay nabakunahan na. Hindi po ito katanggap-tanggap, Mr. President.

Pagkatapos mabakunahan ang ating frontliners, isusunod na natin agad ang mga senior citizens dahil sila ang isa sa mga vulnerable sa sakit na ito at kinakailangan din nilang lumabas ng bahay. Pagkatapos nila ang mga essential workers naman at mga mahihirap. Pero paano natin matatapos bakunahan ang mga frontliners kung may mga sumisingit sa priority list? Huwag nating unahan ang health workers sa bakuna dahil ang pagbabakuna sa kanila ang tanging paraan upang masigurong hindi bumagsak ang ating health care system. Huwag tayong mag-overtake, lalo na sa mga nangangailangan talaga.

I am appealing to everyone, sundin natin ang vaccination priority list. Huwag tayong magpa-VIP dahil lahat tayo pare-parehas na naghihintay mabakunahan. Pantay-pantay po tayo dito.

It was reported earlier today that the DILG issued show cause order to some local chief executives for getting the COVID-19 vaccines ahead of those in the priority list.

Hindi ko pinatatamaan ang mga alkalde o local officials na nagpabakuna o nais magpabakuna upang pataasin ang kumpyansa ng kanilang mga health workers. Bilang mga lider ng inyong lugar, naiintindihan ko ang sitwasyon ninyo at mas naiintindihan niyo rin ang sentimyento ng mga taong nasasakupan ninyo. Nasa inyo na yan kung paano ninyo ipapaliwanag ang inyong desisyon. Wala namang masama kung gusto ninyong i-encourage ang mga constituents ninyo to increase their vaccine confidence, pero tapusin na muna 'yung mga frontliners at gumamit lang kung meron mang sobra.

Ako rin naman, kung pwede nga lang, gusto ko rin magpabakuna sa harap ng publiko para itaas ang kumpyansa ng tao. Pero bago ang lahat, dapat muna nating intindihin ang layunin ng polisiya natin. Inuuna natin ang medical frontliners kasi sila ang sinasabak natin sa gyerang ito kaya dapat sila ang unang bigyan ng bala at proteksyon. Ito rin ay base sa rekomendasyon ng WHO. It could jeopardize the allocated vaccine to us by the COVAX facility if we do not abide by their prioritization requirements.

Narinig ko kanina ang manifestation ni Majority Floor Leader Senator Migz Zubiri at sang-ayon po ako na mabakunan na po ang magigiting na empleyado ng Senado, pero magagawa lang natin ito kung mabakunahan na agad ang 1.7 (million) health frontliners at iba pang essential workers. Huwag po tayong mag-alala, aabot naman po tayo sa pinakadulo ng priority list.

Ang talagang hindi po katanggap-tanggap ay yung lantarang nagpapaka-VIP para unahin sila bago ang mga dapat unahin talaga. Yung mga taong ang rason kung bakit nagpabakuna ay para sa sarili nilang interes at hindi sa interes ng nakararami.

Malinaw po ang instruction ng Pangulo na dapat unahin ang mga frontliners at ang mga mahihirap nating mga kababayan. Iyan po ang laging sinasabi ni Pangulong Duterte. Gusto pa nga niyang magkaroon ng mobile vaccination para mapuntahan ang mga lugar kung saan mataas ang concentration ng poor population na walang kakayahang magpabakuna.

Paulit-ulit ko na rin po itong sinasabi, na dapat unang magka-access ang mga pinaka-nangangailangan ng bakuna, at ang mga mahihirap at vulnerable sectors. Sila ang kailangan lumabas at magtrabaho upang buhayin ang pamilya nila - mga isang kahig, isang tuka. Hindi natin sila pababayaan at sisiguraduhin natin na walang maiiwan tungo sa ating pagbangon. Tulad ng sinabi ng Pangulo, 'No Filipino must be left behind towards recovery'.

Kamakailan lang, nakarating po sa akin na nagkakaroon ng pabor-pabor kapag nakarating na ang mga bakuna sa mga LGUs. Doon nakakalusot ang mga pa-VIPs. Hindi po ito katanggap-tanggap. Sino ba ang nagpapalusot nitong mga pabor-pabor na ito?

Kung kailangang imbestigahan ito, gawin po natin. Suportado ko po ang anumang imbestigasyon para malaman natin kung ano ang totoong sitwasyon. Imbestigahan natin, panagutin natin, at tulungan nating maitama ang mali.

Ako naman, tulad ng sabi ko noon, hindi ako magdadalawang isip na magsalita at hindi ko ipagtatanggol ang mali.

I am asking the National Task Force to provide us with a list of those who have been inoculated with the limited doses that we currently have. Full disclosure dapat. Kung sinunod ng ating mga opisyal ang order of priority at walang pabor-pabor na nangyari, wala kayong dapat ikatakot.

Pero kung mapatunayan ang mga balitang mayroong nanlalamang, nangunguna, o nananamantala ng pribilehiyong hindi naman dapat kanila, at hinayaan itong mangyari ng mga dapat magsigurong maayos ang ating vaccine rollout, mahiya naman kayo!

Sa mga nagpapa-VIP dyan, alalahanin niyo na nagpapakamatay ang ating mga doktor, nurses at health workers para isalba ang buhay ng ating mga kababayang nagkakasakit tapos pati proteksyon ng bakuna na dapat sa kanila, aagawan niyo pa!

Ang frontliners ang pinaka may kailangan ng proteksyon at sandata laban sa sakit para magampanan nila ang tungkulin nila. Kung aagawan niyo sila ng bakuna, para niyo na ring inagawan ng buhay ang kapwa niyong Pilipino.

Para sa ating mga opisyal, linggu-linggo po kayong nagrereport sa Pangulo at alam ko po ang hirap na inyong ginagawa para masigurong mababakunahan ang bawat Pilipino. Huwag po nating sayangin ang mga magaganda nating nasimulan. Huwag nating kalimutan ang malasakit para sa ating kapwa Pilipino.

I am urging the National Task Force to update the Senate on the status of the vaccine rollout and explain why there are reported instances where the order of priority is not followed. We should get to the bottom of this and ensure that our National Vaccine Roadmap is not jeopardized.

Subalit, alam ko po na may mga nagdududa sa aking intensyon bilang Chairman of the Committee on Health and think that I cannot be fair in conducting investigations; that I am biased towards the administration; that I am here to protect the administration in every way possible. This is simply not true, Mr. President.

As a Senator and elected representative of the people, basta interes ng Pilipino at para sa ikabubuti ng sambayanan, magsasalita po ako. I am not here to protect any side. I am not here to protect the administration or the opposition. I am here to protect the interest of the Filipino people. I am here to protect the people I serve and those we represent.

While I have always remained supportive of the goals of the administration, nandito ako para sa interes ng Pilipino. As Chairman of the Committee on Health and Demography, I have always remained neutral on issues and never hesitated to call out agencies about their lapses in the COVID-19 response, if and when needed.

But, in order to eliminate any doubt in my capacity as Chairman of the Committee, that is arguably the most important Committee in this time of pandemic, I am creating a subcommittee on all COVID-19 related matters under the Committee on Health to be headed by one of my Vice Chairpersons, Senator Pia Cayetano.

Gusto ko lang po maalis ang pagdududa. Marami pang imbestigasyon at hearings ang pangungunahan ng Committee on Health ngayong panahon ng pandemya. Simula pa nga lang ng vaccine roll out at nasa first batch pa lang tayo ng mga bakuna, may mga alegasyon na tayong natatanggap ukol sa hindi tamang implementasyon ng vaccine program at kasama po ninyo ako dito sa Senado na gustong malaman ang katotohanan.

I am doing this to remove any semblance of bias in future investigations and the conduct of other businesses of the Committee on Health. Let us put politics aside. Ayokong mapulitika ang Committee on Health lalo na sa panahong ito kung kailan ang kapakanan ng Pilipino ang dapat nating inuuna. Maraming oras na po ang nasasayang sa pagdududa at ayokong makadagdag pa.

Maraming salamat po, Mr. President.

News Latest News Feed