Press Release
April 12, 2021

POE TRANSCRIPT
Senate committee of the whole hearing

Sen. Grace Poe: Ang ating pinag-uusapan ngayon ay tungkol dito sa ASF pero napabalita din at sa mga nakalap nating mga pag-aaral na ang COVID-19 virus actually ay pwedeng mamalagi sa frozen meat katulad halimbawa ng chicken, pork at kahit sa mga isda. Pwede po bang ma-clarify ito at ma-esplika ng ating butihing kalihim?

Dr. Reildrin Morales: Mr. Chair, this is actually one of the reasons why we banned the importation of chicken from Brazil last year because of the findings of China that the cartons have or positive for COVID-19.

Poe: Sinasabi po ninyo na totoo na pwedeng magkaroon ng COVID-19 virus ang frozen products nang hanggang tatlong linggo?

Morales: That's the findings sa mga produkto na nakita po sa Brazil...

Poe: Pero kayo ba ay gumawa ng sarili ninyong testing?

Morales: Mr. Chair, consequently, wala pong facilities ang DA para po magtest ng COVID at yung iba pong PCR natin, we also lent DOH.

Poe: Sinabi po ninyo na meron pong P80 million ang nakalaan para sa mga test kits that should detect ASF, among other things katulad ng COVID siguro. So sinasabi ninyo ngayon, wala kayong kapabilidad dahil ang nakalaan para dito ay naibigay na ninyo sa ibang pagkakataong paggamit?

Morales: Mr. Chair, 'yun pong test kits po na ito ay nasa final stages po, may mga procurement po para sa test kits na ito.

Poe: Kasi, unang-una, nagte-test tayo para sa African swine fever na napakahalaga kasi nga apektado dito ang ating mga local hog raisers pero importante rin ang COVID kasi andito tayo, ginagawa natin ang lahat ng precautions natin. Mask, tapos nagface shield pa tayo pero wala pa pala kayong kapabalidad para itest ang mga pumapasok para sa possible COVID contamination? So at this point, you have no capability to test for any COVID contaminated-meat products?

Morales: As far as COVID is concerned, that is correct po.

Poe: Well, at least that's on record but now that we are aware of it, I hope that there's some sense of urgency, this is something that you cannot just say na sa susunod na lang 'yan. Kasi kapag pumasok na naman 'yan through our food, mas lalong delikado rin para sa atin. Gusto ko rin siguro itong tanungin kasi napabalitaan, na may pinasok na kontaminadong karne kaya nag-umpisa ang pagkalat ng African swine fever. Nung pumasok 'yun, nag-umpisa, nakumpiska tapos tinapon sa may bandang Rizal 'yung cargo na 'yun kung saan ginawang pagkain ng hayop, totoo ba 'yan?

Morales: Mr. Chair, I just want to clarify po, hindi po ito imported na karne na itinapon sa Rizal. Ang tinitignan po dito food has been smuggled, pork or meat na ginamit po, naibenta at ginamit po sa mga hotels and restaurants at 'yun pong refuse o 'yung pinagkainan po iniipon po 'yan at 'yan po ay dinump sa Rizal at doon po nagkaroon ng maliit ng industriya po ng pagbababuyan sa lugar na iyon sapagkat marami yung kaning baboy o pinagkainan na galing sa mga hotels and restaurants, 'yan po ang pinapakain ng mga small farmers and backyard raisers doon po sa kanilang mga hayop at doon po unang pumutok ang ASF.

Poe: So smuggled ito, sa inyong palagay ito ay smuggled.

Morales: Yes, Mr. Chair.

Poe: So ibig sabihin pumasok pa rin 'yan sa borders natin galing sa ibang bansa.

Morales: Yes, Mr. Chair, dahil wala pong ASF ang Pilipinas, it would only come from outside.

Poe: Kaya nga napakahalaga ng inspeksyon, sinabi nga ninyo, maliit lang ang opisina ninyo sa Customs pero siguro dapat palawakin nga ito, sinusunod lang ninyo ang label. Marami namang nagla-label nang iba. 'Yung pag-x-ray nun, ilalagay sa orange lane o kung sinuman ang nagdedetermina ay hindi naman lahat nagagawa 'yan. Ngayon, ang tanong ko kunwari, merong isang container na pumasok tapos kontaminado ang karne, ano ang gagawin ninyo sa mga kontaminadong karne na iyon?

Morales: Tatlong option po under AO 9, Mr. Chair. One is return to origin, ang isa po you should throw to a third country at ang ikatlo po ay destroy po ang karne na ito, 'yung susunugin po.

Poe: So nangyari na ba 'yan? Kasi merong shipment na galing sa Dynamic M. International Trading Inc. from China na diumano ay contaminated daw itong mga produkto ng pork balls, dumplings, ganyan. So anong ginawa ninyo doon?

Morales: Mr. Chair ang China po ay banned country for pork because of ASF and for that reason lahat po ng makikita, so wala po tayong legal importation, Mr. Chair, from China.

Poe: Eh pero pumasok nga. Dumating nga sa pork natin, so anong ginawa ninyo doon?

Morales: Pumasok po, automatic po ito ay considered po itong smuggled dahil wala po itong papeles at ang mangyayayari po dito ay ikoconfiscate at susunugin.

Poe: Mangyayari? Hindi pa ba nangyayari?

Morales: 'Yan po ang practice ngayon, Mr. Chair. I just want to clarify po na kapag po ang pumasok ay finished food product kagaya po ng siomai, ng dumpling, technically po ito po ay under po sa jurisdiction ng FDA at hindi po ng DA. Pero Mr. Chair, Madam Senator, marami pong instances na nakikita po ng ating National Meat Inspection Service sa mga cold storage ito pong mga ganitong produkto at ito po ay atin ding sinusunog at kinukumpiska.

Poe: Saan po ninyo sinusunog?

Morales: Karamihan po dito doon mismo ibinabaon o sinusunog sa cold storage kung merong area. Meron po tayong isang facility sa Navotas at merong iba po na ibinabaon sa dumpsite dito sa Payatas. ...

Sen. Ping Lacson: Aside from China, anu-ano pa 'yung mga countries na may ban to bring in pork or hog products sa Pilipinas?

Morales: Ang mga countries po na may existing ban po tayo ay Bulgaria, Cambodia, China, Poland, Romania, Russia, Ukraine, Czech Republic, Germany, Greece, Hungary, Indonesia, Laos, Malaysia, Mongolia, Myanmar, North Korea, Serbia, South Korea, Timor Leste, Vietnam, and Zimbabwe. Ito po ang mga countries na meron tayong existing ban.

Lacson: Salamat po. Thank you, Senator Grace.

Poe: Ang tanong ko rin, ito naman dito naman ito sa Philippine Crop Insurance ba ito? O papaano ba ito kasi halimbawa merong hog raiser na umutang ng pera para mag-umpisa uli ang kabuhayan nila pero namatay na naman ang kanilang alaga dahil sa sakit, merong insurance dito, ang tawag dito ay indemnity fund ba? O sa Philippine Crop Insurance ba ito?

DA: Sa Philippine Crop Insurance, Mr. Chair.

Poe: Hindi po ba dati P5,000 bawat hog, ngayon P10,000 na, totoo ba 'yan?

DA: That's correct, Madam Senator.

Poe: Pero ano ito kahit na biik o merong size dapat?

DA: 'Yung slaughter size na. So P10,000 and then 'yung breeders P14,000 but if it is grandparent na that's P30,000.

Poe: So everybody is eligible for this?

DA: Yes, Madam Senator, for backyard raisers basta RSBS registered sila. They don't have to pay the premium pero ang commercial farms, they will be asked to pay the premium but with subsidy from the Department of 22 percent.

Poe: Okay, has anyone availed of it?

DA: This is a new policy so we are going to implement pa.

Poe: Pwede bang matanong ang representante ng SINAG, si Mr. Rosendo So kung sapat na ba ito na kompensasyon, yung P10,000 kung merong apektado ng ASF. Magkano ba ang presyo ng isang baboy na ready na para maibenta? 'Yung qualified na to be slaughtered.

DA: Mr. Chair, mga nagre-range ng P15,000 to P18,000.

Poe: So parang may lugi pa rin talaga sila ng between P5,000 to P8,000 kung P10,000 ang ibibigay sa kanila para sa insurance, di ba?

DA: That's correct.

Poe: Kaya siguro kahit na merong P20 billion na available for them to loan at a lower interest, ayaw pa rin nilang sumugal na mag-umpisa pa rin ng kanilang kabuhayan. Ngayon, Secretary Dar... nais ko lang tanungin, alam ko nagtrabaho kayo sa iba't ibang bansa at isa dito ang India. Doon sa India ay talagang namayagpag kayo dahil sa mga nagawa ninyo supposedly sa ibang rehiyon sa India, naging rice-sufficient sila noong kayo ay pumasok doon. Hindi ako magtatanong tungkol sa rice pero ang gusto kong tanungin, ano bang meron doon sa ibang bansa na ang isang eksperto na katulad ninyo ay nakagawa ng isang magandang reporma na hindi ninyo magawa dito?

Sec. William Dar: Palagi kong sinasabi po na we need to unlock and unleash the potential of the Philippine agriculture. At nasabi na po kanina, during the earlier discussion of this forum or this meeting, na we need really to lower the cost of the production for most of the commodity, industries and produce more as many as we could at sinabi rin ni Sen. Cynthia Villar na let's make all these commodity industries na competitive. So 'yun po, in short, meron dapat tayong sapat din na budgetary resources for most of these industries na pwede tayong maging competitive in the future.

Poe: So, Mr. Secretary, to lower the cost of the production, government has to step in. Perhaps for post-harvest facilities, mechanization, etc. Was this supplied by the government of India to their farmers?

Dar: Karamihan po supplied by the government.

Poe: Gusto ko lang balikan and this is probably my last point in deference to our Senate President who's been there since morning, the point of Senator Risa that she raised earlier that since we are allowing so much incentives to the importers, how are we going to guarantee that they actually not going increase prices as we allow them to import more? Wala bang price ceiling talaga sa mga imported meat products?

Dar: Meron po at ilalagay po natin 'yan.

Poe: Okay. So 'yun lamang po at maraming salamat. Mr. Secretary, ang gusto ko lang sabihin dito sa lahat ng tinanong ko, pinakaimportante na ma-test din natin for COVID ang mga pumapasok na karne kasi aside from ASF na mapapatay ang ating alagang hayop, ito naman makakaapekto rin sa tao so hindi pupuwedeng baka sa susunod na linggo na 'yan. Siguro kailangan pagkatapos ng hearing na ito ay kunin na ninyo kung ano ang kailangan ninyo para mag-umpisa na tayong magtest para doon. 'Yun lamang po, maraming salamat po.

News Latest News Feed