Press Release
May 25, 2021

Hontiveros warns of increasing Chinese incursion once 100% foreign ownership is allowed in the PH

Senator Risa Hontiveros on Tuesday said that amendments to the Public Service Act (PSA), which will allow 100% foreign ownership of public utilities, will make way for China to own crucial infrastructure in the Philippines. She warns China may use this as leverage against the Philippines when it comes to disputes in the West Philippine Sea.

"Hindi na nga tumitigil ang Tsina sa pag-aarangkada sa West Philippine Sea, tapos bibigyan pa natin siya ng daan para bilhin ang mga imprastaktura sa loob mismo ng ating bansa? Kinukuha na ang ating mga likas-yaman sa ating karagatan, huwag naman nating hayaang pati sariling industriya natin sa lupa China narin ang naghahari-harian. Ano na ang matitira sa Pilipinas?" Hontiveros asked.

In the proposed amendments to the PSA, the sectors to be opened up to 100% foreign ownership include telecommunications and transportation. Hontiveros, who voted No to the approval of China-owned Dito Telco's franchise, has stated that improving services in our country should not come at the expense of national security.

"We have vital national security interests that should never be compromised. Sa panahon pang tinataboy ang ating mga mangingisda sa ating mga teritoryo, paano tayo makakasiguro na hindi rin itataboy ng Tsina ang mga Pilipinong manggagawa sa mga industriyang gusto niyang pasukan? We should heighten restrictions on foreign ownership as China's encroachment in the WPS escalates; not make it easier for her to establish a stronghold in our own land," Hontiveros said.

The senator also said that there are still unresolved national security concerns on existing public utilities in which China has a 40% stake, such as our main power grid system, the National Grid Corporation of the Philippines (NGCP), as well as our third telco, Dito Telecommunity.

In 2019, Hontiveros filed Senate Resolution No. 223 to conduct an investigation and a national security audit of the operations and facilities of the NGCP. That same year, the senator also filed Senate Resolution 137 to investigate the Armed Forces of the Philippines' (AFP) deal with Dito, which allows the telco to build facilities in the AFP's camps and stations.

"Hindi pa napanatag ang loob natin sa mga pangambang dulot ng Dito at NGCP. Tapos bubuksan pa natin ang ibang industriya para sa panibagong banta na dala ng Tsina? If we open up our transport sector, for example, does this mean that the so-called Chinese maritime militia can apply for licenses or permits to operate in our domestic waters? We are all for economic development, but never at the expense of our national dignity and sovereignty," Hontiveros concluded.

######

HONTIVEROS: PANGHIHIMASOK NG TSINA SA BANSA, MAS TITINDI KUNG PAPAYAGAN ANG 100% FOREIGN OWNERSHIP SA PAMPUBLIKONG IMPRASTAKTURA

Nagbabala si Senator Risa Hontiveros na ang pag-amyenda sa Public Services Act (PSA) na magpapahintulot ng 100% foreign ownership sa mga pampublikong serbisyo ay magbibigay-daan sa Tsina na magmay-ari ng mahahalagang imprastraktura sa Pilipinas.

Ayon pa sa Senadora, maaaring samantalahin ito ng Tsina at gamitin laban sa Pilipinas sa usapin ng pinag-aagawang teritoryo sa West Philippine Sea.

"Hindi na nga tumitigil ang Tsina sa panghihimasok sa mga teritoryo natin sa West Philippine Sea, tapos papayagan pa natin silang bilhin ang mga imprastaktura sa loob mismo ng ating bansa? Ninanakaw na ang mga likas-yaman sa ating karagatan, huwag nating hayaan na pati mga itatayong industriya ay China na rin ang naghahari-harian. Ano na ang matitira sa Pilipinas?" sabi ni Hontiveros.

Kabilang sa mga iminungkahing amyenda sa PSA ay ang pagbubukas ng mga sektor ng telecommunications at transportasyon para sa 100% foreign ownership. Ayon kay Hontiveros na bumoto taliwas sa pagpasa ng prankisa ng China-owned Dito Telco, dapat hindi isangkalan ang ating pambansang seguridad kapalit ng pagsasaayos ng mga serbisyo sa bansa.

"We have vital national security interests that should never be compromised. Sa panahon pang tinataboy ang ating mga mangingisda sa ating mga teritoryo, paano tayo makakasiguro na hindi rin itataboy ng Tsina ang mga Pilipinong manggagawa sa mga industriyang gusto nitong pasukan? Dapat nga tayong naghihigpit sa foreign ownership habang tumitindi ang panghihimasok ng China sa WPS; hindi yung ginagawang madali pa para sa Tsina na magtayo ng isang kuta sa sarili nating lupain," sabi ni Hontiveros

Dagdag pa ni Hontiveros, may mga hindi pa nareresolbang national security concerns sa mga public utilities na may 40% stake ang China. Gaya ng main power grid system ng bansa, ang National Grid Corporation of the Philippines, at maging ang ikatlong telco, ang Dito Telecommunity.

Noong 2019, naghain si Hontiveros ng Senate Resolution No. 223 para imbestigahan at magsagawa ng national security audit ang NGCP. Naghain din ang senador ng Senate Resolution No. 137 para imbestigahan ang kasunduan ng Armed Forces of the Philippines at ng Dito, na nagpapahintulot sa telco na magtayo ng mga facilities sa loob ng mga kampo at istasyon ng AFP.

"Hindi pa nga napapanatag ang loob natin sa kasunduan sa Dito at NGCP, bubuksan pa natin ang ibang industriya para sa panibagong banta na dala ng Tsina? If we open up our transport sector, for example, does this mean that the so-called Chinese maritime militia can apply for licenses or permits to operate in our domestic waters? Mahalaga ang pag-unlad ng ekonomiya pero hindi dapat masakripisyo ang ating dignidad at soberanya bilang isang bansa," pagtatapos ni Hontiveros.

#####

News Latest News Feed