Press Release
November 27, 2007

TRANSCRIPT OF INTERVIEW WITH SENATE
PRESIDENT MANNY VILLAR (DZBB)

Q: PAKIPALIWANAG PO SA ATING NAKIKINIG ITONG UTOS NINYO, ITONG GINAWA NG SENADO NA SUSUSPINDIHIN NINYO ANG LAHAT NG PAGDINIG PARA MATUTUKAN NINYO ITONG PAGTAPOS SA BUDGET?

SPMBV: NAPAKAHALAGA KASI NA ANG BUDGET AY MATAPOS NATIN SA DALAWANG LINGGO , DAHILAN SA DALAWANG LINGGO NA LAMANG ANG NALALABI BAGO MAG ADJOURN AT MERON PA TAYONG DAPAT NA ORAS SA BICAMERAL. ALAM MO NAPAKAHALAGA NA ANG BUDGET AY MATATAPOS BAGO MATAPOS ANG TAON, LAHAT NG BUDGET KASI DAPAT MAGSIMULA JANUARY 1. ANG BAGONG BUDGET NA AT ITO'Y MAGANDANG BAGAY PARA SA ATING EKONOMIYA AT SA AKING PALAGAY KAILANGAN MAGSAKRIPISYO KAMI NG KONTI, KAYA PINAKIUSAPAN KO ANG ATING MGA KASAMAHAN NA ITONG DALAWANG LINGGONG ITO AY PILITIN NAMING MATAPOS YUNG BUDGET, ARAW GABI ANG TRABAHO NAMIN DITO MAGMULA ALAS DIYES NG UMAGA HANGGANG KUNG KINAKAILANGAN GABIHIN AY AARAW-ARAWIN NAMIN YAN PARA SA DALAWANG LINGGO AY MATAPOS NAMIN ANG BUDGET AT SIYEMPRE DITO SA PANAHONG ITO YUNG MGA COMMITTEE HEARINGS AY HINDI MUNA NAMIN BIBIGYAN NG PRAYORIDAD.

Q: BUTI PO PUMAYAG YUNG MGA NAMUMUNO NG IBA'T-IBANG KOMITE NA NAGSASAGAWA NG MGA IMBESTIGASYON AT PAGDINIG?

SPMBV: NAUUNAWAAN NAMAN NILA NA KAILANGAN TALAGA, NA PAG YUNG BUDGET O MAHALAGANG PANUKALA, BABALANSEHIN KASI NATIN YAN. ALAM MO MIKE ANG AKING STYLE SIMULA NG MAGING PANGULO NG SENADO BINABALANSE PO NATIN ANG MGA IMBESTIGASYON AT PAGPAPASA NG MGA PANUKALA MAHALAGA NA HINDI MASASAKRIPISYO YUNG ISA PARA SA ISA, KAYA HALIMBAWA NGAYON TULOY -TULOY ANG IMBESTIGASYON NAMIN PERO MERON KAMING SIYAM NA PANUKALANG IPINASA NUONG NAKAKARAANG LINGO, AT MERON PA KAMING 12 IPAPASA. BUKOD ITO SA BUDGET. AT YUN NAMAN AY BINABALANSE NATIN YAN. SA DALAWANG LINGGO AY ITITIGIL MUNA ANG IMBESTIGASYON, DITO MUNA TAYO SA BUDGET. BABALIK TAYO DYAN AFTER TWO WEEKS.

Q: SAPAT NA BA ITONG DALAWANG LINGGO NA ITO? O BAKA MERON NAMAN MAGSABI NA DAPAT NUNG ISANG LINGGO NYO PA GINAWA YAN. SAPAT NA HO BANG DALAWANG LINGGO ITONG MR. SENATE PRESIDENT?

SPMBV: ALAM NYO, HINDI NAMAN NATIN MAPI-PLEASE ANG LAHAT NG TAO, AT ANG MAHALAGA DYAN, SA OVER-ALL ANG TITINGNAN NA LANG NILA. OVER-ALL PERFORMANCE NG SENADO, NA HINDI NAMAN KAMI UMIIWAS SA TRABAHO, BINABALANSE LANG NAMAN NATIN PARA MAGANDA ANG PRODUKSYON NG SENADO SA DALAWANG ASPETO. SA ASPETO NG IMBESTIGASYON, AT ASPETO NG PAGPASA NG MGA PANUKALA. EH HINDI NAMAN NAMIN TALAGA MAPAPALIGAYA ANG LAHAT NG TAO. AT MAAARING ME MAGSASABI NA DAPAT TULUY-TULOY YAN. PERO, UNANG-UNA KAILANGAN DIN HO NAMAN NG MGA STAFF NG COMMITTEE YUNG MAGCONSOLIDATE MUNA NG KANILANG FINDINGS. AT MAPAG-ARALAN MUNA, AT AYUSIN KUNG SINO YUNG MGA WITNESSES NA IIMBITAHIN. AT SAKA NA GAGAWA ULIT NG PANIBAGONG ROUND OF HEARING.

Q: SO, LILIWANAGIN KO PO, MR. SENATE PRESIDENT, SUSPINDIDO LANG YUNG MGA PAGDINIG AT IMBISTIGASYON. ITUTULOY NYO PA RIN YAN. IBABALIK NYO PA RIN YAN.

SPMBV: IBABALIK NAMIN YAN KUNG GUSTO NG COMMITTEE.

Q: SO, COMMITTEE ANG MAGDEDESISYON NYAN?

SPMBV: AFTER TWO WEEKS

Q: ALAM NYO NAMAN KAYO NA NAGSABI, HINDI NYO NAMAN MAPI-PLEASE ANG LAHAT. IKA NGA, MERON NA NAMAN MAGSASABI NYAN, TINGNAN NYO NA INUMPISAHAN NA NAMAN YUNG IMBESTIGASYON, HINDI NAMAN PALA TATAPUSIN. ALAM KO, ALAM NYO, MR. SENATE PRESIDENT, YAN ANG ISA SA MGA SINASABI TUNGKOL SA SENADO. MAG-UUMPISA NG IMBESTIGASYON, TAPOS, SA TINGIN, O PANANAW NG TAO, SA TINGIN NILA , TAMA MAN O MALI, AY WALANG NAGANAP. PERO ITUTULOY PO IYAN KUNG IYAN ANG MAGIGING DESISYON NG MGA COMMITTEE.

SPMBV:..ITUTULOY NAMAN YAN. PARANG ANG GINAWA LAMANG NAMIN AY BIGYANG DAAN ANG BUDGET...MAHALAGA ITO, AT MEDYO PWEDE NAMAN MATIGIL NG KONTI, DALAWANG LINGGO LANG NAMAN, AT AFTER THAT, AY NORMAL NA NAMAN. BALIK NA NAMAN SA NORMAL. PERO, NAPASA NA YUNG BUDGET. AT HINDI NA KAMI MASASABIHAN NA WALANG GINAGAWA SA ASPETO NG PAGPASA NG MGA PANUKALA.

Q: PAPANO BA YUNG PROSESO SA BUDGET? HAHARAP SENYO YUNG MGA SECRETARY?

SPMBV:...SI SEN. ENRILE ANG MAGDEDEFEND NG BUDGET. KAYA LANG NASA LIKOD NYA YUNG CABINET MEMBER, AT YUN AY UMAALALAY SA KANYA DAPAT. SAPAGKAT YUNG MGA KATANUNGAN NA DIRECTED SA SECRETARY NG BUDGET, AY KAILANGAN NANDUN SYA. KAYA HINDI KAMI PAPAYAG NA HABANG NAGDEDEFEND SI SEN. ENRILE, ANG SECRETARY NG DEPARTAMENTO AY WALA. KAILANGAN NANDUN SYA. SYA YUNG MAGBIBIGAY NG IMPORMASYON KAY SEN. ENRILE SA PAGSAGOT NG MGA KATANUNGAN.

Q: PAGSIPOT HO NG DEPARTMENT HEAD, TANGING TUNGKOL SA BUDGET LANG ANG PAG-UUSAPAN.

SPMBV: MALAMANG.

Q: MERON KASING MAY HINAHANAP KAYONG MGA HEAD NG DEPARTAMENTO PARA HUMARAP SA MGA IMBESTIGASYON NA GINAGAWA, HINDI BA MR. SENATE PRESIDENT.

SPMBV: HINDI NAMAN. HANGGAT MAAARI DUN KAMI SA BUDGET LAMANG, AT SI. SEN, ENRILE NAMAN EH, ALAM NYA ANG MGA RULE SA BUDGET DELIBERATION, AT HINDI NAMAN NYA HAHAYAAN NA MASYADONG LUMAYO SA BUDGET ANG MGA KATANUNGAN.

Q: MR. SENATE PRESIDENT, SALAMAT PO SA PAGSAGOT NYO SA MGA TANONG NAMING AT PAGPAPALIWANAG NYO. SO, AANTABAYANAN NA LAMANG NAMIN KUNG ANO MAGIGING RESULTA NG PAGTRABAHO NINYO. KAILAN BA MAG-UUMPISA ITONG WALA NA MUNANG PAGDINIG AT MARATHON ANG GAGAWIN NYONG PAGTRABAHO.

SPMBV: KAHAPON.

Q: KAHAPON PA NAG-UMPISA?

SPMBV: KAHAPON NG HAPON. PERO, TULUY-TULOY NA YAN. NGAYON MAGSISIMULA NA KAMI NG ALAS DYES. (END)

News Latest News Feed