Transcript of Senator Mar Roxas' press conference at the Padilla Rm., Senate

Senator Roxas calls for the resignation of Peace Adviser Esperon:

Q: Sa tingin niyo ba, papakinggan ni GMA ito?

MAR: Iyon ang abiso sa kanya, dahilan sa pamamagitan lamang ng pagsibak niya sa kay General Esperon, mapapatunayan niya na hindi niya binenta, hindi niya na-sell out ang ating bansa. Kung babasahin yung nilalaman ng kasunduan, malinaw na nagkakaroon ng partition ang ating bansa. Nagkakaroon ng halos isang independent na bansa. Lahat tayong nagmamahal sa ating bansa, dapat magkaisa at tutulan natin ang pag-partition ng ating bansa.

Q: Is General Esperon liable under the law?

MAR: Maaaring ma-file-an siya ng kaso, dahilan sa mali ang pagganap ng kanyang tungkulin. Ang pinakamahalaga rito, kung seryoso talaga sila sa paghanap ng kapayapaan at paghanap ng tagumpay na peace process sa Mindanao, na ang kredibilidad ng negotiator, yung kredibilidad ng pointman ng gobyerno ay mataas. Sa ginawa ni General Esperon, wala na siyang kredibilidad. Sino pa ba ang maniniwala sa kanya, ngayon na napatunayan ni Vice-Governor Piñol na nambabraso siya at pinupuwersa niya ang mga kababayan natin na sumang-ayon na lang sa banta kung hindi na sila makakaasa ngayon sa suporta ng ating sandatahang lakas.

Ang mahalaga rito ay ibalik natin ang kredibilidad ng peace process. Lahat tayo nagnanais ng kapayapaan. Subalit, peace at any cost is not acceptable. It must be a peace that preserves and maintains the integrity of our country. Hinding-hindi ko papayagan na matsa-chop-chop ang ating bansa.

Q: If Esperon is removed, will this deal with the issue of the MoA?

MAR: Hindi, dahil nakapaloob pa rin ito sa MoA. Subalit, hindi talaga uusad itong peace process habang yung mga nag-negotiate nitong MoA ay nandiyan pa rin, habang yung mga nambraso sa mga kababayan natin sa Mindanao ay nandiyan pa rin. We will reject this. I will campaign against it if it ever comes to a plebiscite. If it ever comes to amendments of the ARMM Charter, I will be against it, because it partitions our country. Ang impormasyon dito ay nakukuha lang natin sa dyaryo. Wala pang opisyal na pagta-transmit nitong nilalaman ng MoA.

Q: Is the partitioning of the country a problem?

MAR: Iyon ay problema talaga. This agreement is wrong to begin with, dahilan sa na-partition nga ang ating bansa. Hinihiwalay niya ang isang bahagi ng ating bansa mula doon sa iba. Bibigyan sila ng kapangyarihan over their natural resources, over their citizens, over political and economic elements of the Bangsamoro Juridical Entity, na hiwalay doon sa Republika ng Pilipinas.

Halimbawa, base sa MoA, maaari na silang gumawa ng mga kasunduan, mga international na kasunduan, 'is free to enter into any economic cooperation or trade relations with foreign countries.' Ano sila, republika na ba? Ano na ang nangyari sa Republika ng Pilipinas. Bahagi pa rin ba sila? Pilipino pa rin ba sila? Hindi dapat ito. Partitioning ang nangyari rito, at hindi dapat sinang-ayunan natin. I am not for it, as written. Hindi katanggap-tanggap itong MoA.

This is peace at any cost. May senyales na okey yung gobyerno rito. Anong klaseng senyales iyan? Sino ngayon ang papasok, sino ngayon ang tourists, sino ang kahit Pilipino na papasok sa Mindanao, magtatayo ng negosyo roon, habang hindi alam kung ano ang mangyayari? Kalokohan ito.

Q: The rebels say they do not recognize the Supreme Court ruling.

MAR: Isn't that a reason why we should reject this? Ibig sabihin, if they do not recognize our own Supreme Court, talagang sa kaisipan nila, hiwalay sila sa atin.