Press Release
February 17, 2010

Transcript of radio interview of Senate President Juan Ponce with Helen De Guzman - DZVT-CMN Balita
DZVT-CMN Mindoro Occidental

Q: Nakaamba po ang pagtaas sa singil ng kuryente nitong darating na buwan ng Marso. At kaugnay po ng pinaka-latest na balitang 'yan ay makakasama po natin ang senatorial candidate, Sen. Juan Ponce Enrile, man of principle, man of action. Senator, good morning po and welcome sa DZVT.

JPE: Magandang umaga sayo, Helen, gusto ko happy ka.

Q: Mukhang happy rin po kayo.

JPE: Pati ang mga taga-Mindoro, happy.

Q: Of course pati ang MiMaropa region, Palaweños and Antiqueños ay very happy this morning dahil mapapakinggan po namin ang inyong mga sasabihin ngayon.

JPE: Pati ang ating gobernador ng Occidental Mindoro.

Q: Three days ago, nag-celebrate po kayo ng inyong birthday, Senator. Belated happy birthday.

JPE: Thank you. Happy Valentines. Marami ng birthday ang sine-celebrate ko kaya kako sabi ko wag na muna.

Electricity

Q: Anyway, Senator, ang itatanong ko po sa inyo ay may kaugnayan sa pinaka-latest na balita na napakinggan po natin kaninang umaga na magkakaroon ng pagtaas muli ng singil ng kuryente nitong buwan Marso. Alam po namin na meron kayong ifinile na isang panukalang batas last year na may kaugnayan sa pagbaba o pagbababawas ng singil sa kuryente.

JPE: Oo, 'yung Electricity Reduction Bill.

Q: Yes. Oho. Ano pong nangyari Senator?

JPE: Andun sa House of Representatives. Alam mo, kapag pwersahang mapasa 'yon, at least it will bring down the cost of power by P1.70.

Q: Kaya lang po, hindi nangyari. Hindi po naaprubahan. Ano po bang nangyari? Sir, paano po natin ipinaglaban 'to?

JPE: Amendments sa EPIRA, pending sa House, at saka 'yung reduction of VAT from 12 percent to three percent franchise tax, nine percent savings sa tao for transmission and distributors.

Q: Kumbinsido kayo Senator na dapat talagang magkaroon ng pagtaas ngayong buwan ng Marso sa singil sa kuryente?

JPE: Temporary 'yan sapagkat kulang tayo sa supply natin dahil wala ngang tubig sa mga power dams natin dito dahil sa El Niño 'no? It is a supply and demand question, so magtataas 'yan. Kapag tag-ulan ulit, bababa 'yan.

El Niño

Q: Hopefully ganun nga po sana ang mangyari. Nabanggit niyo po 'yang tungkol sa tagtuyot o El Niño. Ito hong Occidental Mindoro ay kasama sa 25 probinsiya na talagang maapektuhan ng El Niño o matinding tagtuyot. Alam niyo naman po kami dito pagsasaka talaga ang aming ikinabubuhay at ang ating mga mangingisda, ano po? Senator, paano po kaya natin matutulungan ang ating mga kawawang magsasaka sa problemang ito ng matinding tagtuyot?

JPE: Ang solusyon diyan ay mag-cloud seeding ang gobyerno. May pera naman, sa budget diyan. At saka meron naman tayong equipment para sa ganun magkaroon ng artificial rain para hindi masyadong matuyo ang ating mga farmlands, mga taniman. 'Yun na lang ang remedyo dahil wala talagang ulan eh.

Q: Cloud seeding ano po? Tingin niyo Senator Enrile handa na po ang pamahalaan sa food shortage dahil sa maaring maging resulta ng matinding tagtuyot?

JPE: Sigurado 'yun dahil marami nang nasirang mga mais sa Cagayan Valley at pati mga palayan natin babagsak ang production sapagkat very dry na ang ating mga rice fields kaya dapat mag-conserve tayo ng tubig at ganun din sa pagkain, mag-conserve tayo. At kung kailangang mag-import ng pagkain sa ibang bansa, we'll have to do that or substitute.

Agriculture

Q: Senator, nakikinig po ngayon ang ating mga magsasaka dito sa Occidental Mindoro, ito pong mga mangingisda natin sa Palawan, Antique at mga karatig na lalawigan dito sa MiMaropa region. Alam po namin na hindi na po mabibilang ang mga pinanukala niyong batas na may kaugnayan ho sa sektor-agrikultura pero ngayon pong may balak kayong bumalik sa Senado, may mga programa o plano po ba kayo para sa ating mga magsasaka at mangingisda, sir?

JPE: Alam mo, we will have to increase our expenditures para sa irigasyon at saka conservation ng ating mga water resources. Dapat tayong magkaroon ng program ng re-planting of trees in order to increase the green coverage of our Republic. Ngayon, tungkol sa mga mangingisda naman, we are fostering aquaculture para stable 'yung sources of income ng ating mga mangingisda. 'Yan ang hanap buhay nila. And we will modernize the technique in fishing na ginagamit nila and also those involved in deep sea fishing para tumaas ang kanilang income. Maraming magagawa diyan at saka ang ating losses ay palay production because of lack of adequate plants. It's almost 15 percent stray to several million tons of rice.

Q: Anyway po, ilan din po ito sa mga concerns ng mga taga-Occidental Mindoro itong susunod na itatanong ko sa inyo Senator Enrile. Dito po sa Mindoro, province of Mindoro Oriental at Occidental ay talagang isyu po dito itong pagmimina. Pwede po bang malaman namin ang stand ni Senator Enrile kaugnay dito sa pagmimina. Naniniwala po ba kayo na mayroon pong responsible mining, sir?

JPE: Meron. Alam mo, mining is not bad. Isa rin yan sa major industries natin sa bayan at nagbigay ng kaunlaran sa ating bansa. We understand their business. Hindi pwede 'yung mga backyard mining sapagkat they degrade the environment. Hindi nila tinitingnan 'yung epekto lalo na sa ating mga rivers at fishing areas. Magkakaroon ng siltation. Mining is a way or means of technology that will serve as a source of employment for the country. So I am in favor of responsible mining.

Q: Pero dun sa malawakang pagmimina, alam niyo po ba dito sa Occidental Mindoro at Oriental Mindoro, Senator Enrile, meron pong approved ordinance ang probinsiya na bawal po 'yung large-scale mining sa loob ng 25 taon. Pero ngayon, sa kasalukuyan kasi meron po ditong Pitkin Petroleum Incorporated na kasalukuyang nagsasagawa ng series of blastings na 'yan hong mga ini-rereact ng mga nasa pamayanan at 'yan ho ang talagang usapin dito.

JPE: Petroleum Company? Bakit gagamit ng blasting kung involved 'yung petroleum exploration?

Q: Kayo po ba, anong pananaw niyo dito sa oil exploration? Form din po ba ito ng pagmimina or what? Ano pong tingin niyo?

JPE: 'Yang blasting na 'yan saan yan? Sa dagat o sa...

Q: Sa lupa po. Sa mga sakahan na naapektuhan po ng kanila pong isinasagawa nila ngayon na 2-D sized mix survey.

JPE: Mix survey? Aba'y dapat pagbabawalan 'yan. Hindi naman sila dapat gagamit niyan. Malalaking explosives ba ang ginagamit nila?

Q: Hindi naman po. Sinasabi raw po nila na hindi raw po malakas na pagpapasabog.

JPE: 'Yung blasting na 'yan is to determine and to find out if there is any cavern that can be a source of deposit for natural gas or liquid gas. So, pwede 'yan. Sa ibang bansa ginagamit naman talaga 'yan at hindi naman nakakasira 'yan sa mga structure ng environment.

Q: Anyway, ipinapaalam lang namin sa inyo na 'yan ay tinututulan ng mga maraming Mindoreño at 'yan po talaga ang isa sa mga isyu ngayon. Senator Enrile, para po sa ating panghuling katanungan ho sa inyo bago tayo magpaalam, ano po ba ang pwedeng sabihin natin ngayon sa ating mga tagapakinig. Ano po 'yung at least three top priorities ni Senator Enrile na pagtutuunan niya ng pansin kung sakaling maibalik siya sa Senado, sir?

JPE: Alam mo, ako, kalusugan, education and food production, 'yun lang, and of course, peace and order. You cannot have a happy society, gusto ko happy kayo, without peace and order in our country. Hindi pwedeng dahas ang gagamitin sa eleksyon. Hindi pwedeng baril ang umiiral sa bayan natin kung hindi hustisya.

Q: Very well said, Sen. Juan Ponce Enrile. Sir, thank you very much for your time. Have a nice day sir, good luck and God bless.

JPE: Regards to everybody, salamat po sa inyong lahat.

News Latest News Feed