Interview of Senate President Juan Ponce Enrile
with Arnold Clavio, Unang Hirit

On the Impeachment Trial of Chief Justice Renato Corona

Q: Doon sa Ruling po kahapon, may mga binanggit po kayo na may tatanggaping ebidensiya, testimony. Ano ho ang hindi papayagan, Senator?

SP: Alam mo Arnold, 'yung Article 2, ang aligasyon lang nun ay hindi idinisclose ni Chief Justice yung kanyang SALN. Yun ang grounds, specifications. Ngayon, doon sa kanilang mga discussions o additional explanation nung article na 'yun, based on discussion, dinagdagan nila ng dalawa pa, yung non-inclusion ng property. Pinayagan namin 'yun, that is paragraph 2.3 sapagkat kunektado 'yun sa kanyang SALN. Pagkatapos, yung ill-gotten wealth, ibang klaseng krimen yun at saka suspicion lang. Hindi pwedeng kasuhan ang isang tao ng mere suspicion of robbery, of rebellion, of killing, or whatever. Mahirap yun, kung ganoon ang papayagan natin. Kaya pinayagan namin, nagprisinta sila ng ebidensiya dun sa mga isinasabi nilang hindi included assets. Kasama lahat yan, ingat-lupa, maging bahay, maging building, maging jewelry, maging anuman. Pati mga bank accounts, pati mga shares of stock. Sa bank account kailangan specify nila kung may account doon sa bangko na tinutukoy nila. Ang problema, humihingi sila ng mga subpoena, na isu-subpoena namin lahat ng mga records ng mga bangko, eh paano, buong bangko ba ng buong mundo ang kailangan doon? Kailangan nun, to be fair, they have to specify. Gaya nung hinihingi sa akin na subpoena to require this subdivision, these developers, to bring all their records regarding their development projects. Pati ba engineering plan, architectural plan, pati ba yung sanitation plan, dadalhin doon? Walang specification.

Q: So ibig sabihin po pag hinihingi mo yung bank account, dapat alam na ng prosecution kung anong account number?

SP: Dapat yun alam na nila.

Q: Hindi pwedeng doon pa lang nila malalaman?

SP: Oo. That is also intruding into the integrity of the bank. Yung bangko, may karapatan din yun not to be molested.

Q: Yung 2.4 ng Article 2, which is about the ill-gotten wealth, kailan po madidiscuss yun, Senator?

SP: Ay wala na, you have to amend the Articles of Impeachment. Nakalagay doon sa decision ni Justice Carpio-Morales sa kaso ni Ombudsman Gutierrez, that each charge must be stated in a separate article. Hindi pwede yung ilu-lump mo sa isang article yung several charges.

Q: Hindi ba new information na ito? Hindi naman? SP: Ang sabi nga doon sa desisyon ni Justice Carpio-Morales, na pwede, sabing ganoon, na yung buong Articles of Impeachment, you can specify different charges pero each charge must be separated as an Article of Impeachment.

Q: Senator, mahaba pa po ba ang pasensya ninyo sa prosecution?

SP: Oo, walang problema yan.

Q: Kasi ang nangyayari parang tinutulungan pa sila nung ibang senador.

SP: Tinutulungan sila to the extent na hindi naman kami maglalabas (inaudible) sa kanila. Sinasabi ko naman na ganito ang gawin ninyo para malinis, hindi na magkakaroon ng objection.