Transcript of Interview of Senate President Juan Ponce Enrile

On the impeachment trial of Chief Justice Renato Corona

Q Ano po ang reaksiyon ninyo sa plano ng depensa na magprisinta ng SALN ng ilang government officials?

SP Hintayin natin kung gagawin nila 'yun at papasyahan natin. We will make a ruling.

Q May kabuluhan pa po ba 'yun sa puntong ito?

SP Huwag na natin pag-usapan. Pagbigyan natin 'yung depensa kung ano ang gagawin nila at kung maipaliwanag nila kung bakit gagawin nila 'yun, gagawa tayo ng pasya kung papayagan natin o hindi papayagan.

Q 'Yung request po nila na isubpoena 'yung PCIJ, to testify on the SALN of other public officials, pagbibigyan ninyo po ba 'yun?

SP Hindi ko alam, pag-aaralan ko muna ang magiging rason nila.

Q Mamaya po sa en banc session ng Supreme Court, magdidisisyon kung ili-lift po nila 'yung TRO sa dollar accounts ni Chief Justice Corona?

SP OK lang 'yun sa amin kung ano ang magiging desisyon nila. Nandiyan na 'yan. Ngayon, kung meron mang nagkamali o nagkasala na pinalabas nila 'yun, kasuhan nila at parusahan.

Q Ano po ang opinyon ninyo kasi 'yung argument na laging ginagamit ay kapag correctible naman 'yung mga errors sa SALN?

SP Saka na namin pag-uusapan 'yan.

Q May info po kayo kung haharap na this week o bago mag-Lenten break si Mrs. Cristina Corona?

SP Wala. Wala naman akong kinakausap, maging sa prosecution, maging sa defense.

Q Anong reason 'yung pag-deny ng pag-contempt kay Rep. Gonzales?

SP Ano ang jurisdiction namin doon? Ito ay Impeachment Court, special jurisdiction ito. Wala naman siyang paglabag sa aming mga rules at wala namang direct contempt dito. Wala namang indirect contempt. 'Yung kanilang mga reglamento sa House of Representatives tungkol sa galaw at salita ng kanilang mga miyembro. Sa kanila 'yun. Kagaya 'nung sa amin, sa amin 'yun.

Q Based on the witnesses na hinarap ng defense, kayo ba sir, naliliwanagan na kayo?

SP Pag sinabi ko sa iyo ang sagot diyan, alam mo na 'yung nasa isip ko. Alam mo ako, sanay ako sa mga pagtatanong ng mga question. 'Yun ang pinag-aralan ko bilang abogado.

Q Pero 'yung rate ng presentation, hindi ba boring?

SP Alam mo, sa mga iba, boring. Pero 'yung mga iba, meron naman silang mga strategy, objective. Hindi natin alam.

Q Sa nagiging pacing ng trial, sa tingin ninyo matatapos ninyo 'yan by June?

SP Oo, matatapos 'yan. Hindi namin palalampasin 'yan beyond the end of our session this year, this first half of the year.

Q Naglabas po ang Supreme Court ng resolution, so babalik tayo sa presentation ulit ng prosecution?

SP Hindi ko na tuturuan 'yung prosecution, bahala sila. Mga abogado sila.

Q Pero may reservation sila for Article 2?

SP Hindi ko alam. I cannot remember anymore. Titingnan natin 'yung record. Sa dami ng mga detalye na pumapasok sa utak ko, hindi ko na ma-remember 'yun.

Q Sa proseso po, ititigil po ba 'yung defense, tapos magpre-present ulit 'yung prosecution?

SP Hindi. Tatapusin ng defense 'yung kanilang presentation ng defense nila. Bahala na 'yung prosecution to exercise kung meron silang reservation. Pwede nilang gamitin na rebuttal 'yun.

Q May mga Senators po ba na pumayag na mag-convene before May 7?

SP Wala pa.

Q So sa ngayon, May 7 pa rin?

SP Hindi namin pwedeng desisyunan lang 'yan. Kailangan kasama ang House. Sino ang magpro-prosecute kung kami ay magco-convene kung walang Session ang House?

On the oil price increases

Q Kamusta po 'yung oil price increases, any action po?

SP Talagang height of winter ngayon sa America, sa western world. You have to expect the strong demand on oil and that will push up the price. Alam mo, 'yung supply is always lower than demand. Function of economics 'yun.

Q After winter, saka pa lang tayo makaka-expect ng mas mababang presyo?

SP 'Di ba, ang experience natin, pag nag-summertime doon sa western world, pabagsak naman ang presyo ng langis?

Q Talagang helpless ang government to address this?

SP How can the government of this country control other governments? Other economies?

Q Hindi ba it's about time na bawasan natin 'yung pagiging-dependent sa ibang bansa?

SP How? How do you do it?

Q Tulad nung mga electric cars?

SP It's good for us to reduce the number of cars operating in the country, to take alternative measures, pero that's a long time process. We must not be very impatient. We cannot do everything in a jiffy or a short period.

Q Solusyon ba 'yung pagbaba sa VAT na lang daw?

SP Pag ibinaba mo naman ang VAT, the other requirements of government will suffer. Ang mga taong bayan, iingay. Wala kayong sapat na pera para sa edukasyon, walang sapat na pera para sa depensa. Walang sapat na pera para sa seguridad ng taong-bayan. Walang sapat na pera para gagawa ng infrastructure. You know, no one can produce the money to develop this country except the people themselves. Tayo ang magbanat ng buto, magpawis, maghirap para umunlad ang bayan natin.

Q I-review daw 'yung oil deregulation law for possible amendments?

SP How? Get the geniuses to come and do it for us. I will challenge them. Let's see whether they will succeed.

Q Kasi 'yung DOE at DOJ, hindi ginagawa 'yung task nila na i-review 'yung books ng oil companies?

SP Kaya nga ginagawa namin 'yung Anti-Trust Law. Hindi lang namin matapos dahil dito sa kasalukuyang trabaho namin.