Press Release
August 1, 2013

Complete transcript of Kapihan sa Senado
with Sen. Francis G. Escudero (FGE)

Media: Good morning everyone, welcome to our weekly Kapihan sa Senado, our guest for today is the new chairman of the Committee on Finance, let's welcome Sen. Chiz Escudero, hi sir, good morning.

FGE: Good morning.

Media: Sir, first, have you finished reading and studying the proposed 2014 budget?

FGE: Para mo nang awa kabibigay lamang nong Lunes at ang isang libro approximately 3.5 inches ang kapal, times four, times five, hindi pa namin tapos, but let me say this, ito na ang pinakadetalyadong budget sa kasaysayan ng bansa, pinaka-transparent sa kasaysayan ng bansa. Kaya ganon kakapal sinikap idetalye ng kada ahensiya kung saan eksakto mapupunta ang pinakahuling pisong ina-allocate at ang lump sum appropriations dito, napakaliit na porsiyento na lamang kumpara sa mga nagdaang budget. Naka-divide din ang budget ng kada ahensiya para sa kada rehiyon, yung ibang budget pa nga naka-divide kada probinsiya at kada distrito para makita talaga saan napupunta yung budget. At panghuli siguro, nakasaad sa budget na ito ang mandato, ang mission, ang vision na nilagyan din ng performance indicators ang kada ahensiya. Gaya ang sinabi ni Pangulogn Aquino sa kanyang SONA pwedeng tingan at hanapin ng taong bayan yung sisingilin nila sa kada ahensiya kaugnay ng bawat piso na buwis na binabayaran nila at saan napunta ito.

Media: Can we say na line-item budget itong proposed 2014 budget?

FGE: Siguro to the extent of about 80%, oo, kasi hindi maiiwasan minsan yung lump sum like calamity fund, hindi pwedeng i-line item ang calamity fund dahil hindi pa natin alam kung ano ang masisira kung may bagyo mang darating sa darating na taon. May mga ganoong klaseng pondo na kailangang manatiling lump sum.

Media: Kung ganoon kadetalyado including ba don sa pork barrel, yung detalyado ang dapat paglaanan lang ng mga pork barrel ng mga legislator?

FGE: Nakalagay na rin at nakasaad sa budget na ito yung menu kung saan lang pwedeng ilagay. Sa parte ko personally hihikayatin ko, hihimukin ko at isusulong ko na detalyado rin dapat yung pork barrel allocation ng kada miyembro ng senado man o ng Kongreso. Kung yung departamento nga na bilyon yung pondo nadetalye nila, siguro naman kaya din ng mga mambabatas idetalye yung P70 at P200 milyon nila. Maglalagay na lamang siguro tayo ng probisyon sa realignment para kung may mga adjustments na kailangang baguhin pwede pa ring magawa pero dapat pati yung realignment mayroong posting at notice requirement para ma-trace natin kung ano-ano yung hitsura ng anong budget at nong PDAF pagkatapos itong marealign kung mayroon mang realignment.

Media: Don sa menu mayroon bang restrictions kung saan lang pwedeng gamitin yung pork barrel?

FGE: Mayroong restrictions pero para sa akin personally again, maluwag pa rin yon at balak pa rin naming istriktuhan. Sa umaalab at nagliliyab na isyu kaugnay ng pork barrel hindi pwedeng magkibit-balikat na lamang kami- ang senado at mga senador kaugnay nito. Kailangang may makahulugang reporma na maganap at magawa kaugnay sa budget ng 2014, lalong-lalo na kaugnay ng bagay at isyung ito.

Media: So ano po yung additional restrictions na gusto nyong i-implement, bawal na ba sa NGO?

FGE: Una limitasyon kaugnay sa paggamit ng pondo, hanggat maaari ang NGO, ibigay na lamang natin yan, yung mga proyektong pang-NGO, ibigay na lamang natin yan sa DSWD, sa DTI o sa TESDA, at hindi na dapat nakikilahok pa dyan ang PDAF ng senador o congressman. Pangalawa mayroon key result area sa thrust ang pamahalaan, dapat nakalinya na rin yan dyan. Halimbawa, thrust don sa 20 poorest provinces, thrust don sa pockets of poverty kahit don sa mayamang probinsya na nadoon dapat nakatuon ang mga proyekto na binibigay ng pamahalaan. Dapat mayroong ganong guidelines din para naman hindi yung mayamang probinsya eh yun na lamang ang palaging nakakatanggap at yung mahirap, dahil maliit lamang yung botante o kaunti yung botante, ay maliit lang ang nakukuha.

Media: May isinumiteng proposal si Sen. Miriam Santiago para don sa gradual phase out ng pork barrel, kumbaga by next year gawin na lang 50% o P100 million for the senators

FGE: Pwede namang pagdebatehan yan at pagkasunduan ng Kongreso yan kung nais nilang tanggalin, sa panig at parte ko, sanay na rin naman akong wala dahil nong panahon ni GMA bokya, zero at wala kaming pork barrel na nire-release. Nabuhay pa rin naman ako bilang kongresista noon at bilang senador sa unang bahagi ng aking termino. So walang kaibahan o pagkakaiba sa akin kung yan ang magiging pasya ng mayoriya, babawasan man o tatanggalin man.

Media: Kung gradual phase out is there a necessity for a legislation?

FGE: Hindi na kailangan ng legislation, sa budget lang ng 2014, eh di kalahatiin yon.

Media: So saan mapupunta yung kalahati?

FGE: Kailangang iappropriate yan ng Kongreso specifically, pero para sa akin PDAF man ang tawag o yung sobra don sa nais kalahatiin ni Senator Santiago i-aappropriate, kung line-item naman na yan siguro wala naman sigurong gaanong pagtutol pa dahil pwedeng makita, bantayan at tingnan kung narelease ba ang pondo, nagamit ba sa tama at pwede na ngayong tayuan ng kada senador at kongresista at pwede nilang ipagyabang kung saan nila dinala ang kanilang PDAF.

Media: what are the chances na maipasa itong proposal ni Senator Santiago?

FGE: It will be deliberated on the floor, pero gaya nga nang nasabi ko, personally, mas gusto ko ireporma yan, linisisn yan, kaysa sa tanggalin yan dahil sa dulo Kongreso pa rin naman ang nagdedesisyon kung saan ilalagay ang kada piso ng budget. Pag hindi namin ginalaw ang budget ang tawag nyo sa Kongreso rubber stamp, pagginalaw namin ang tawag naman pork barrel, hindi naman siguro parehas yon. Papel ng Kongreso pagpasyahan kung saan igugugol ang pondo ng pamahalaan at bahagi ng trabaho ng congressman at senador to the tune of 70 million in fact even to the tune of 2.68 billion kung saan ilalagay yan.

Media: Realistic ba sir yung proposal ni Senator Santiago na ipagbawalan na maging recipient ng pork barrel yung mga NGO at mga LGUs?

FGE: Ako kahit minsan hindi nag-allocate sa NGO, PO o civil society organizations o foundations sa 15 taon ko sa Kongreso. Sa LGU nag-aallocate ako dahil subject pa rin naman to CoA yon, may sarili silang CoA at hindi naman fly-by-night ang LGU, LGU yon eh, may sariling corporate entity, kinilala sa Local Governemnt Code, may inihalal na mayor. Ngayon kung ginamit nila sa masama yung pondong na-download nasa kamay na nila yon, sila ang dapat managot don.

Media: Yun resolution nyo to investigate PDAF anong nangyari?

FGE: Na-file ko yon, primarily referred sa blue ribbon committee, secondarily sa finance committee, inaantay ko lamang ang blue ribbon committee na i-schedule yon. Desisyon ng mayoriya kung ano ang gagawin nila ron, hindi ko inatras ang resolusyon, nakabinbin at pending yon, alam nyo naman sa senado nasa kamay ng chairman ang pag-schedule ng anumang resolusyon kung ano ang uunahin nya ron.

Media: Yung idea kasi don na iimbestigahan nyo yung isa't-isa...

FGE: Hindi namin layunin imbestigahan ang isa't-isa, hindi yon ang tema ng aking nai-file na resolusyon, layunin ko linisin ang institusyon, huwag palabasing old boys' club kami, na tahimik kami sa mga isyu tulad nito at na pare-pareho kami kung may totoo mang alegasyon laban sa isa sa aming kasamahan. Pagkakataon ito para sa akin na makapagpaliwanag yung miyembro ng senado na inakusahan. Pagkakataon din ito na pangalanan ng kung sino mang testigo kung sino lamang ang involved para naman hindi naman damay lahat, hindi yung kasali lahat, hindi yung buong institusyon ay damay at parang takot kaming lahat buksan ito dahil tila damay kaming lahat dito.

Media: Yung idea yung Napoles pa rin ma-iinvite pa rin

FGE: Yon lang naman ang lumalabas na basehan ngayon, yung testigo na hawak ng NBI at hawak ng DOJ sa ngayon.

Media: Hindi ba kailangang unahin yan considering na habang tumatagal dumarami ang mga pangalan ng mga senador na na-iinvolved doon sa pork barrel scam?

FGE: Ayaw kong pangunahan si chairman TG Guingona ng scheduling at diskarte nya sa committee pero inaasahan ko at umaasa ako na madidinig at didinggin palagi yan, kung una man o pangalawa desisyon ni Senator Guingona yan at gagalangin ko ang kanyang pasya at desisyon. Sa totoo lang na-delay ko na nga yung pag-file ng resolusyon, nalungkot lang din ako kasi matapos ang apat o limang araw na nasa headline ng mga pahayagan yan, ni ha , ni ho, ni walang nagsasalita dito sa senado o sa Kamara noon, nakakalungkot naman yon, parang pinag-uusapan na ng lahat kami dito na kinatawan ng bayan ni hindi pinag-uusapan, baka lumabas tuloy na lahat kami ay damay dito. Hindi ko sinasabing guilty na agad yung mga binanggit na pangalan, pagkakataon din ito para sa kanila na magpaliwanag at ibigay ang panig nila.

Media: Sa House magsisimula na yata yung hearing, and they are planning to invite some senators na name-mention yung pangalan?

FGE: Hindi pwepwede yon dahil sa inter-chamber courtesy maliban na lamang kung boluntaryo mag-aatend ang isang senador don, hindi maaaring gawin yon, maski na yung pag-imbita ng isang miyembro ng House of Representatives, kung voluntarily gagawin nila pwede. I think that only happened once here or twice in the senate na may nag-attend ng congressman dito, that was on their own volition. Hindi pwedeng i-compel by compulsory process ang pag-attend ng congressman dito sa senado o ng senador sa Kongreso.

Media: Pero mas magandang bang gesture na mag-volunteer ang isang senador na na-invite sa hearing?

FGE: Kaya nga siguro may puwang na rin naman dito kung mag-iimbestiga rin ang senado at bibigyang-daan ang imbestigasyon dito, may puwang na dito na rin mismo magpaliwanag ang sinumang senador at sa kamara magpaliwanag ang sinumang kongresista.

Media: May legal action na ba na kailangang gawin dahil nagsasalita sa media ang whistle-blower in the absence of congressional inquiry, kahit mag-investigate pa kung wala namang legal action o case napina-file...

FGE: Desisyon ng senador o ng miyembro na pangalanan yan kung nais nyang maghain ng legal na action, hindi para sa senado bilang institusyon na diktahan siya na magsampa o huwag magsampa ng kaso. Ang pagkakaiba ng palitan ng pananaw at sagot sa media, hindi naman under oath yon eh, yon ang lamang at pagkakaiba ng isang senate inquiry kung saka-sakali, under oath lahat ng sasabihin at babanggitin dyan, pangalawa may pagkakataong magkaharap-harap ang umaakusa at inaakusa at hindi yung tulad ng nangyayari ngayon sa media na nagbabatuhan lamang ng akusasyon.

Media: Masyado bang mabagal yung nag-iimbestiga kasi until now hindi pa sila nakakapag-file ng case against sa sinuman na liable?

FGE: Dalawang linggo pa lamang yan, hindi ko pwedeng ituring sa scale na mabagal ang dalawang linggong imbestigasyon at wala pang resulta, mas matagal pa ang ibang imbestigasyon kung saka-sakali at ayaw kong pulaan o pintasan o pakialaman ang imbestigasyon ng NBI baka sabihin pa nila at akusahan kami na pinanghihimasukan namin o nililimitahan namin yung kanilang ginagawang pag-aaral sa ngayon.

Media: Yung Ombudsman nagko-conduct na rin ng imbestigasyon?

FGE: Nagko-conduct sila ng imbestigasyon kaugynay sa dokumentong isinumite sa kanila dahil may dokumentong isinumite sa kanila ang CoA, hiwalay at independent probe yon.

Media: Nagpahayag ang ilang senador na hindi sila pabor sa pag-imbestiga ng senado sa pork barrel scam, is this th e majority view already na hindi imbestigahan yung pork scam dito sa senado?

FGE: Hindi pa kami nagkakausap, wala pa kaming caucus kaugnay nyan, pero collegial body ang senado, kung yan nga ang magiging pasya ng mayoriya ng senado wala namang magagawa yung kulang sa boto, pero kung papadain dyan dapat pagbotohan para makita at malaman ang individual na pananaw ng bawat isa.

Media: If you feel strongly about senate investigating this issue, would you not convince your colleagues?

FGE: 24 kaming senador, lahat binoto ng taong bayan, nasa edad na kaming lahat, hindi para sa akin siguro na sabihin kung ano ang dapat at hindi dapat gawin ng bawat isa, may kanya-kanyang rason sila kung bakit gusto, ayaw nila, kung bakit yan ang posisyon nila, hindi para sa akin na sabihing mali sila at ako ang tama. Kanya-kanya kami ng pasya kaugnay nyan at mananagot naman kami sa aming mga pasya sa constituency at bumoto sa amin.

Media: Sir paano kung matalo sa botohan, okay lang sa inyo?

FGE: Hindi ko ugaling mag-alburoto pero malaking panghihinayang lamang at sayang yung pagkakataon na maibibigay sa kada miyembrong magpaliwanag, na mapaliwanagan ang isyung ito. Pero tinitiyak ko lamang na palaging lalabas ito sa hearings namin, hindi man sa resolusyong yan, sa budget hearings. Kasi kino-close door meeting o close door investigation ng NBI ito pero ang dami namang lumalabas sa diyaryo, parehas na laman ng pagabanggit ng ilang customs officials na may tumatawag daw sa kanialng congressman at senador, tinanong ako kung close door session ba naming gagawin yan, executive session ba yan? Kung in-executive session sana ng mga deputy commissioner yung mga sinabi nila, eh di executive session din namin pakikinggan yung mga pangalang babanggitin nila. Pero binaggit nila openly sa media at sa publiko eh, meron daw mga tumatawag sa kanila. Pwes, sabihin nila kung sino para hindi naman suspect kaming lahat na tumatawag at humihingi ng pabor at nagpaparelease ng mga shipments sa kanila.

Media: Sir yung bang status ng resolution nyo narefer na? Saan pa sya pwedeng maharang? Dun sa floor?

FGE: Ewan ko kung narefer na kasi isa yung sa mga na-file nung may session na. I think ang rules ngayon nasa bills palang na finile bago nag-resume kasi according to sequence yun eh.

Media: Sir kung narefer na sya sa committee, can it still be stopped? I mean magkakaroon pa ba ng voting to stop the committee from hearing it?

FGE: Desisyon pa rin ng chairman yun. Di ba ang daming pending bills sa committee na hindi hini-hear? Di ba? Ang ilan sa mga committee last Congress halimbawa na lahat ng bills na finile sa committee on justice and environment hinearing namin lahat, walang pili. Pero sa tradisyon sa Senado pati sa House, hindi naman usually lahat ng bills at resolution hini-hear. Desisyon ng chairman or pag brining-up sa floor, pagbobotohan sa floor. Pero pwede mo lamang gawin yun makalipas ng, kung hindi ako nagkakamali, 60 session days bago ka makahiling na i-discharge yung committee na hindi nagtatalakay ng bill na finile mo.

Media: Sir yung sa Pork Barrel, yung sa NBI may ginagawang imbestigasyon tapos gagawa din ang Senate, gagawa din ang House pero yung mga nag-iimbestiga sir sa NBI sigurado ipapatawag din yun eh. Parang parallel lang at ang magiging pagkakaiba lang is under oath sila dito.

FGE: Under oath at nasa publiko. Sinasa-publiko na rin naman nila eh. Diba sinasapubliko na rin nila ngayon yung mga sinasabi ng testigo eh.

Media: Hindi ba dagdag trabaho lang ito dahil mauulit lang naman yuhg ginagawa ng NBI ngayon eh.

FGE: Pareho lang din naman ang sweldo naming lahat eh, kung may dagdag trabaho kami ano naman ngayon yun. Diba, ayaw nyo ba yun, may dagdag trabaho kaming lahat?

Media: Ginagawa na nga nila sir eh.

FGE: Pero at least may pagkakataon ang publiko na mapakinggan at malaman, hindi yung piece meal. Hindi yun kung ano lang ang gustong isulat ng reporter, kung ano lang yung gustong ilabas, yun lang. At hindi yung napangalanan na, ayaw magsalita, ayaw sumagot at nagtatago na lamang. Gaya nga ng sabi ko, pagkakataon ito na mapagharap-harap at sa isumpaaang testimonya, masabi nila kung ano ang gusto nilang sabihin. At panghuli, gaya nang nasabi ko, lugi naman kami sa inyo. Pag hindi namin inimbestigahan sasabihin nyo nagkukuntsabahan kami. Pag inimbestigahan namin, sasabihin nyo, investigate me. Sa totoo lang mapapanood nyo naman ang imbestigasyon, pampubliko naman yun, open to the public. Kayo na ang magdesisyon kung investigate me yun or hindi. Pero at least hindi namin tinalikuran yung pagkakataon na tingnan at imbestigahan din yun ng Senado. Dahil sa totoo lang, ang pinoprotektahan naming dito hindi na yung mga sarili naming, yung institusyon mismo.

Media: Sir wala ka bang planong mag-privilege speech para makumbinsi mo yung mga senador na...

FGE: Gaya nga ng sabi ko Cely, yung ayaw, ayaw talaga nyan, yung gusto, gusto talaga nyan. Hindi na para sa akin na kumbinsihin sila na gawin ang isang bagay. May kanya-kanya kaming pananaw at ginagalang ko ang opinion nila. Sa tagal ko sa Kongreso minsan lang ata ako nagprivilege speech eh, may kinalaman pa sa Garci tapes, bago at pagkatapos nun, hindi na ako nag privilege speech dahil may mga iba pang pamamaraan para mailahad yung gusto at nais mo at hindi lang sa privilege speech.

Media: Pero saan kaya patungo ito, sir? Parang medyo nagiging kumplikado na ang sitwasyon. Hindi kaya makawala dito yung mga nasasangkot?

FGE: Mas makakawala siguro yung mga nasasangkot kung lalamig ito at hindi na pag-uusapan.

Media: Sabi nyo dun sa budget gusto nyong idetalye sa mga senador yung paggagamitan. Bale pag nagbigay ng budget kailangan naka-sumbit lahat ng yun. Pag wala, anong gagawin nyo?

FGE: Pag hiniling ng DBM, sa congressman at senador, i-submit nyo yung request ninyo, nakahanda naman yung listahan eh, alam naman na. So siguro mas maaga lang yung submission at hindi tulad noon na depende sa isang senador kung ilalagay nya yun sa website nya o hindi. Ito, talagang nandun na din sa budget. Again, pagpapakita at pagpapatunay ito na hindi pwedeng dating gawi ang sistema, na walang nagbago kaugnay ng pork barrel kung mananatili ang sistemang ito.

Media: Sir, wala pang commitment ang sa Blue Ribbon to investigate yung sa issue ng PDAF. Nung isang araw may email or statement si Sen. Sonny Angara supporting yung bill ninyo to investigate. Pupwede ba syang mag-hear without the approval of the Blue Ribbon Committee?

FGE: Technically, under the rules, it is only the blue ribbon committee that can hear motu propio any issue without a resolution being filed. Hindi tulad ng ibang komite na hindi pwedeng mag-hearing maliban na lamang kung may resolution na ihahain. So technically, maari at pwede yun kung pagpapasyahan ng blue ribbon. Pero hindi na kailangan umabot siguro sa puntong iyon eh. May finile na akong resolution.

Media: Sir, ano talaga yung main objective nung hearing?

FGE: Gaya nang sinabi ko, una para pangalanan na nilang lahat, hindi yung mukhang kaming lahat guilty. Pangalawa, para may pagkakataon yung miyembrong inakusahan to confront his accuser not in the House, not thru media, pero sa isang pormal na proceeding. At pangatlo, para may makuha kaming kaalaman kung papaano iiwasan o maiiwasan kung magpapatuloy ang pork barrel system sa darating na budget itong ganitong practice na tila inabuso ng ilang mga supplier.

Media: Yung mapanagot sir yung mga involved? Hindi part ng objective?

FGE: Ang Ethics Committee ay hindi isa sa mga committee na pwedeng gumalaw motu propio, kailangan merong reklamo na isampa o ihain muna.

Media: May mga private individual involved?

FGE: Iniimbestigahan na sila ngayon ng NBI.

Media: Sir, going back dun sa budget, may nagpapatanong lang kung may time table na kayo para iapprove yung budget, kailan ang start ng budget hearing?

FGE: Ipa-finalize palang namin. Pero tentatively magsisimula ang budget hearings ng Senado sa August 19, tatapusin naming bago kami mag-recess ng September. Pag resume ng Kongreso sa unang bahagi ng October inaasahan naming tapos na rin yung Kamara dyan at matatanggap naming yung kopya. May maikling session dun 9 days lamang para maprepare namin yung committee report. We expect na pag resume namin sa November, November 18 kung hindi ako nagkakamali hanggang December 21 matatapos ng Senado ang plenary debates pati na rin ang bicam para mapirmahan ng Pangulo bago matapos ang taon.

Media: Sir, is it true that under this proposed budget kapag na-approve ito lahat ng agency pwede na immediately gamitin kahit wala pa yung SARO or matrix?

FGE: Rendered inutile na ang SARO ngayon dahil line-item na nga ang budget. Tinuturing na ng DBM na released document yun GAA mismo. Ibig sabihin, pag na-approve yung GAA parang yun na rin yung SARO, pwede nang mag-award ang mga ahensya. At dahil nagkaproblema ang pamahalaan noon sa absorptive capacity ng mga ahensya kasi matagal ang bidding inaabutan ng tag-ulan minsan, hindi umaabot tuloy yung implementasyon. Binibigyan ng authority ng DBM at bibigyan din namin ang mga ahensya in so far as the line-item budgets are concerned na simulan na ang bidding procedure this year, short of award, para pag naaprubahan yung budget, bago matapos ang taon, immediately unang bahagi palang ng Enero sa darating na taon, pwede na ulit iaward at i-contract out yung mga projects para mapatupad na agad sa lalong medaling panahon at hindi na kailangang matulog pa ng tatlong buwan bago mapatupad yun. Kasi may procedure pa di ba? Publication, invitation for bids, lahat yan pwede nang gawin this year, late this year, dahil line item yung budget eh. Paano ka nga namin magbi-bidding ng lump sum, hindi naman pwede yun. Dahil line-item na yung budget, pwede nang magawa yun.

Media: Sir, how much is the proposed budget for CCT program? Do you think you can defend it?

FGE: Humigit kumulang, kung hindi ako nagkakamali, 62 billion expanded na ang coverage ng CCT program to cover, ang target nila humigit kumulang 4.4 million families, ayon na rin sa SONA ni Pangulong Aquino. Ang target nila for this year is approximately 3.8 million beneficiaries. With that, by the end of 2014, covered na nila yung target talaga na 4.4 million deserving families na pasok dun sa qualifications nila na nagdadalang tao o may anak na nag-aaral pa na nag-aaral hanggang high school na hindi sosobra sa tatlo.

Media: Pero sir nagbanta na ho yung minority ni ii-scrutinize nila ng husto itong CCT fund. And initially, ginawa na nga ni Senate Minority Leader Juan Ponce Enrile.

FGE: Trabaho naman po, hindi lang ng mga minority yan, trabaho rin namin sa majority, trabaho yan ng kada senador na ii-scrutinize yung budget. Kung maaalala nyo, isa ako sa mga nag-scrutinize ng CCT budget nung unang prinisinta yan nung 2010 bagaman ako ay bahagi ng majority. Trabaho naming lahat yan at gagawin namin lahat yan.

Media: Yung 60 billion sir realistic ba yun or sobrang malaki?

FGE: Hindi ko pa nakikita yung detalye ng budget at wala pa rin naman yung hearing ng DSWD, chairman man ako ng finance, nasa mayoriya man ako, may mga sagot na kailangan sagutin, may mga paliwanag na kailangang ibigay at paglilinaw na kailangan ibigay ang DSWD.

Media: Sir, nararapat ba na bigyan ng ganun kalaking budget ang DSWD?

FGE: Mahirap sagutin yung tanong na nararapat, bakit sino yung deserving at hindi deserving? Programa yung pinag-uusapan, hindi yung magpapatupad.

Media: Maraming reklamo.

FGE: Sa CCT? Isa yun sa balak naming tanungin sa DSWD kaugnay sa CCT program. Dapat ipaliwanag nila at sagutin nila yung mga reklamong nakakarating sa amin, sa aming mga tanggapan. Para majustify itong pondong ito, hindi lamang ng minority. Gaya nga ng sabi ko mayroon mga tanong, pati kami may mga natatanggap din kaming reklamo na nais naming maipaliwanag nila.

Media: So hindi pa sigurado yung ibibigay sa kanila?

FGE: Ano mang panukala ng executive, dadaan sa congressional scrutiny. Walang nakaksiguro, walang nakakatiyak pero wala ring siguradong tanggal.

Media: Sir, the DBM innovation that you mentioned earlier about the spending being available by January 1, could this impact the economy?

FGE: Definitely, dahil mas maagang mai-implement ang mga proyekto; mas maaga matatapos ang mga proyekto at hindi kailangan abutan ng tag-ulan. In our experiences in the past, kapag ka nadelay ang pag issue ng SARO sa dami nyan, aabutan na at lalampasan na ng summer months. Kapagka tag-ulan na, ang hirap mag implement ng infrastructure project. DIba, simple logic, ang hirap magbuhos ng semento pagka may bagyo at malakas ang ulan. Eh di butas-butas nang dati yung kalye. So pinakamagandang maipatupad lalo na yung infrastructure projects, summer months. So mahalaga na marelease na agad yan, maimplement na agad yan para by summer matapos lahat ng infrastructure projects natin na naka-outline sa taong ito. Ang naka-ear mark na pondo ng DPWH humigit kumulang dalawang daang bilyon. This is by far one of the biggest appropriations and allocations for infrastructure development ng ating bansa, sa kasaysayan ng ating bansa.

Media: Sir, kailan nyo po na-figure out yung expansion ng CCT coverage? Kasi parang expang nang expand tayo tapos parang nag-i-inflate yung beneficiaries and then after, what would then become of these beneficiaries, diba dependent pa rin sila, nakaasa sa dole outs?

FGE: Well, hopefully hindi na, yung ang pag-asa ng programa. Kaya nga pantawid ang tawag eh, pantawid at hindi permanente ito. Pero may panukala din ang DWSD na i-extend pa nga yan ng 2 years dahil sa K+12. Dahil nagdagdag sila ng 2 years eh. At kung ang garantiya nila ay yung nagsimula sa programa hanggang sa matapos, kailangan i-extend mo pa siguro nga ng 2 years yan, ganun ang mangyayari at kakalabasan. But by any and of all indicators, studies at pag-aaral na sinusumite sa Senado, tumutupad sa tila pinangako ang CCT sa programa. Maraming reklamo alam ko, isa ako sa nagsabi nung una na dole out lamang iyan, pero hanggang ngayon wala pa rin akong nakikitang pag-aaral na nagsasabi na nakakasama yan. Ang pinakamatinding reklamo na, hindi ganun kalaki ang kabutihan pero wala pang nagsasabi na masama talaga yan.

Media: Hindi ba ideal ang proposal ni Enrile na pagtrabahuhan nila ang bayad sa kanila, like gamitin sila sa paglilinis sa dredging ng mga river, paglilinis ng mga waterways? At least hindi na dole out kundi pinagtrabahuhan nila.

FGE: Buntis naman na babae ang beneficiary. Hindi ba dapat na magpa-check-up siya. Hindi naman pwede na.. Eh kung may trabahong iba yung asawa (mister). High school student ito pero may food program ang DSWD. May emergency employment program ang DSWD and then ang DOLE. Dito siguro papasok ang sinasabi niya na may kapalit.

Media: May mga instances na ang family beneficiaries ay nagiging dependent na lang sila.

FGE: We are asking for data in regard to that. Madaling sabihin. Posible naming totoo. Pero nasaan ang data na nasa 3.9 million na pamilyang binigyan, halimbawa ha, 3.5 million doon nakatanga na lang at nagto-tong-its. Nasaan ang data? Logic will dictate na baka ganoon nga pero so far ang data na tinatanggap namin hindi lamang mula sa DSWD, pati mula sa mga PO at NGO na nagrereview niyan, pati mga foreign institutions, meron man pero limitado at maliit at ang benepisyo ay mas malaki. Hopefully kung may mga concerns tulad niyan, ma-present sa amin ang corresponding data, evidence at basis and we will act accordingly. I assure you we will act accordingly kung may patunay at pruweba nga at hindi simpleng reklamo na hindii yan tumutupad sa pinangako niyang objective.

Media: Hindi ba magiging band aid solution lang siya ng gobyerno?

FGE: Kaya nga pantawid.

Media: So after that anong mangyayari?

FGE: Pag natapos ang programa, tapos na. Pantawid nga e. Nakatawid na .Malay ninyong hindi umangat. Una, tumaas ang enrollment. Ayon sa DepEd, mula nang simulan ang programang ito lalo na sa mga pamilyang nag-intervention sila, ang katapusan noon ay high school graduate ang bata. Ang hopefully na katapusan noon kung nagpa-check-up ang ina ng bata, hopefully menos ang depekto at problema o karamdaman na maaaring magkaroon siya pagkatapos niya sa programang iyon. Hindi siguro masusukat ngayon. Hindi siguro pwedeng bigyan ng monetary equivalent ngayon iyon. Pero kung pipilitin baka kakayanin na iyong batang habang nasa loob ng sinapupunan ay naalagaan, mas maliit at konti ang gagastusin ng gobyerno na ipagamot siya kung magkaroon man siya ng problema. Ika nga, bahagi ito ng preventive health care imbes na curative health care at least in so far as our infants are concerned. Sa parte naman ng mga estudyante na pumpapasok ng high school, tapos ng high school, at least nakakatiyak tayo at the bare minimum na ginarantiya ng pamahalaan na tapos ng high school ang mga batang dumaan sa programang ito.

Media: Pinapareject po ni Sen. Miriam ang special probisyon sa DSWD bilang gatekeeper sa congressional pork kasi napapaboran...

FGE: Anong ibig sabihin ng gatekeeper ang DSWD sa pork barrel?

Media: Sa choice of NGOs

FGE: Pag-aaralan namin ang panukalang iyon. Ang hirap kasi pag binuksan mo sa kada ahensya iyan, kada ahensya ay may NGO. Posible na accredited siya sa DA pero hindi siya accredited sa DAR. Posible na may ginawang kalokohan sa ahensya pero dahil malinis pa ang record doon sa isang ahensya dahil ngayon lang siya nag-apply ay pwede siya doon. Siguro may benepisyo at advantage ang ideya na iisa lang ang clearing house mo sa pag-accredit ng NGO. Kung DSWD man iyan, DBM o anumang ahensya, siguro maganda na rin na iisa lang ang clearing house kesa naman blacklisted sa isa ang isang NGO pero pwede siya sa kabila. Mas malabo naman siguro iyon which is happening now na na-blacklist sa DA, tatakbo sila sa DAR. Pagkatapos doon mabibigyan ng pondo. Na-blacklist sa DAR, tatakbo sila sa DTI. Pagkatapos doon mabibigyan na naman ng pondo. At least kung iisa lang may single accreditation process ka at not necessarily sa DSWD. Pwede namang ibang ahensya o komite na binubuo ng ilang ahensya. Pero maganda na rin siguro na iisa ang listahan ng accredited POs and NGOs.

Media: Sabi ni Sen. Miriam hndi ba maaari rin magkaroon ng anomaly sa choice of NGO? FGE: Well pwede pero at least may pinpointed responsibility hindi tulad ngayon na nagtuturuan ang ahensya at congressman kung sino ang nag-dentify ng NGO. At least ngayon may pinpointed responsibility sa executive branch na kami ang nag-accredit dito. Pag ito nabigyan ng pondo at gumawa ng kalokohan, kami ang mananagot dito. Kesa ngayon na nagtuturuan.

Media: May proposal na temporarily mag-takeover ang Pangulo sa Customs para immediately ma-implement ang kinakailangang reforms.

FGE: Well, decision na iyan. The President can decide to do that pero hindi ko itutulak na panukala iyan. Temporarily siguro kung gusto niya, pwede. Pero siya lang ang makakapagsabi kung kakayanin pa niya sa dami ng trabaho na kailangan niyang gawin. Pag nag-opisina ang Pangulo sa Bureau of Customs, paano naman ang ibang problema ng pamahalaan? Paano naman ang ibang bagay na kailangan din nilang asikasuhin? Kaya nga may commissioner doon. Theoretically, ginagawa niya na ang trabaho niya ayon sa kagustuhan ng Pangulo at kung hindi sguro dapat maghanap na ang Pangulo ng ibang gagawa ng trabaho. Kung magte-takeover rin lang siya at siya ang gagawa ng trabaho ng kada ahensyang may kapalpakan, e baka ang lahat ng ahensya ay mauwi na Pangulo na ang magpapatakbo.

Media: Pero pag president daw lahat susunod.

FGE: Sa totoo lang kahit commissioner naman lahat susunod. Hindi ba ang unang kwento ay hinihingi na mag-tender ng resignation. Pangalawang kwento, kahit hindi kayo mag-resign kaya ko naman kayong tanggalin. Kaya naman pala. Bakit hiningi pa? Sa totoo lang, kaya naman. As long as he enjoys the trust and confidence of the President, he can do it. As long as walang pwedeng umapela sa Presidente sa mga desisyon niya, kaya niyang gawin iyon.

Media: Ang plano daw ngayon ni BIR Commissioner Kim Henares will be appointed sa BOC as unconfirmed capacity, pwede ba iyon?

FGE: Legally, pwede iyon. Again, basta kakayanin niya ang trabaho pero parang superwoman o wonderwoman na talaga si Commissioner Kim kung magagampanan niya ang trabahong iyan. Pero bakit hindi. Again, that is within the discretion of the President to appoint a new one, to keep the existing one, or to appoint someone in a concurrent capacity. Desisyon ni Pangulong Aquino iyon.

Media: Budget hearing, pwede siyang maging venue para tanungin ang agencies sa nagamit na pondo sa pork barrel.

FGE: Definitely, kaya nga kinatawan kami ng tao. Tanong iyon sa isip ng marami nating kabababayan. Again, para namang nagtataguan kami at nagpoprotektahan kami at nagkukuntsabahan kung hindi namin matatanong iyon at kung hindi tatanungin iyon. Definitely, I expect that to happen in the budget deliberations. Media: Hindi ba makakaapekto naman iyan sa objective ninyo to pass the budget on time?

FGE: Ibig sabihin lang niyon ay mas mahabang oras ang kailangan naming gugulin sa budget at nakahanda kaming gawin iyon. Longer working hours lamang.

Media: So 100 % ma-approve ang budget before the year ends.

FGE: Iyon ang objective palagi before the year ends dahil para que pa na maagang bini-bid o maagang sinisumulan ang procedure kung hindi naman mapapasa bago matapos ang taon.

Media: Reforms on SK.

FGE: Ang problema ko ay 3 Kongreso na pending ang SK Reform Bill. Kakatatlong beses na postpone, overaged na naman ang mga SK. Remember, mag age cap na ngayon ang SK. Kung i-e-extend natin iyan, paano ang mga mag-o-overage na SK? Baka mas malaking complications ang malikha niyon. Pwede naman kasing ipagpatuloy ang eleksyon pero isunod agad ang reporma dahil paano kung hidi mapatupad agad ang reporma? Rason na naman ba iyon para ma-postpone?

Media: So do you support it?

FGE: As of now, hindi.

Media: Ano ang magiging mukha o mensahe ng Senate pag nag-decide ito not to investigate the pork scam? Si Sec. Alcala daw ay approved ang pork releases to questionable NGOs..?

FGE: Again, kaya ko finile ang resolution ay venue ito para makapagpaliwanag lahat ng inaakusahan sa pahayagan. Hindi iyong text message lang ang isasagot tapos sasabihin ng tao mukhang guilty. Hindi iyong hindi ma-interview agad ay mukha nang guilty. Sana hindi talikuran ng Senado ang pagkakataong ito na mabigay ang pagkakataon sa lahat ng napangalanan na ibigay ang kanilang panig. At least face to face, they have the opportunity to confront their accusers. Again, that is an accusation and I would rather wait for Sec. Alcala sa explanation. Remember, if it is PDAF, although it is coursed through the agency, decision iyan ng may-ari ng PDAF. Hindi ko alam kung anong level ng participation niya o kung anong kapangyarihan niya na pigilan iyan dahil hindi niya call ang pag-release niyon. It’s the call upon the request of the congressman.

Media: Ang sinasabi ng mga legislators ay nag-a-approve lang kami ng mga requests so wala na silang way na i-verify at i-validate kung bogus o hindi ang recipient na NGO. Tama ba iyon? Wala nga bang way ang legislators to verify?

FGE: Sana may paraan. Halimbawa, bakit ko bibigyan ang isang NGO na hindi ko naman kakilala. Syempre mali din iyong kakilala mo pero mas maganda na rin siguro na alam mo kaysa hindi mo alam. Pangalawa, kaya nga ang PDAF namin ay inilagay namin sa hospital at LGU. Walang kwestyon kung sino at ano ang regional hospital sa ilalim ng DOH. Walang kwestyon na LGu talaga iyon at kung talagang binaboy, tinapon, nilustay ng NGO ang pondo e di magkakasama kami na habulin ang NGO na iyon.

Media: so kung magkaroon ng investigation sa PDAF, kasama ba sa ipapatawag si Sec. Alcala o limited lang iyon sa mga legislators?

FGE: Depende sa chairman pero hihilingin namin na lahat ng pangalan na nabanggit ay magkaroon ng pagkakataon na magsalita at ibigay ang panig nila kung magkakaroon ng pagdinig.

Media: Hindi ba malaking insulto kay Comm. Biazon ang pagtatalaga kay Henares na ...

FGE: Hindi pa naman siya tinatalaga. Pag tinalaga, automatic na tanggal na siya. Hindi na insult iyon.

Media: Pero balasa lang. Ganun pa rin ang sistema.

FGE: Oo at hindi. May mga pagbabago naman na pwede mong gawin. Ang ilan diyan ay nabanggit na rin naman namin. Halimbawa, CCTV sa Customs at revenue-generating agencies. May panukalang batas na kami dyan. Dapat i-maintain nila. Dapat nakatago ang record. Mapahirapan man lang at maiwasan man lang. Posted sa website para real time pwedeng mapanood. Pwedeng matignan from a remote site kung anong nangyayari. Pangalawa, pinanukala ko rin ang makeover ng Customs, sa uniporme na walang bulsa. Baguhin ang office equipment, walang drawers. Puro salamin na lang. Nakakatawang pakinggan pero maalala ninyo noong Edsa Revolution, pinalitan ang kulay ng uniporme ng pulis. Overnight nagbago ang initial na pananaw ng tao sa police. Parehong pulis iyon noong panahon ng Martial Law. Blue na at hindi brown. Ang x-ray i-privatize natin iyan para nakabase sa income ng private sector ang pagdaan ng container sa x-ray. Hindi tulad ngayon na palaging sira ang x-ray. Panghuli, sundin nila ang first in first out rule. Ang unang dumating na shipment, una nilang i-take up iyan dahil ang madalas diumano na pinagkakakitaan sa Customs ay inuupuan lang ang dokumento at pag walang padulas, tatakbo. Panghuli, seryoso nating pag-aralan ang pagbabalik ng SGS dito para ang valuation at assessment talagang naka-peg, transparent, at professional at hindi nakadepende sa discretion ng mga assessor natin. Para sa akin, discretion always equals corruption. Minimize discretion, you minimize corruption. Eliminate discretion, you eliminate corruption.

Media: Hindi ba sobrang controlled na ng Palasyo yung funding kasi they have this line item, I think this will be effective this January sa single bank accounts for all gov't workers so centralized na sya hindi na sa agency so lahat ng sweldo ng gobyerno would come from the DBM.

FGE: At least pinpoint out din ang accountability. DBM lang ang pwede at dapat mong sisihin kung may ghost employee, kung may delay sa sweldo, kung may hindi nakakatanggap ng sweldo. Hindi tulad ngayon na nagtuturuan sila kung sino ang dapat managot. Pangalawa, kung line-item, mas hindi nila kontrolado yon, mas hindi nila pwedeng baguhin. Mas kontrolado ng executive ang budget kung lump sum yan dahil pwede silang mag decide kahit saan, kahit kelan kung saan nila gustong ilagay yan at hindi nakadeklara't naka-specify yun. Line item was never done before dahil ayaw ng executive na itali yung kamay nila at nakatago palagi kung saan ilalagay. Sa Line-item, sa totoo lang, tinatali ng executive yung kamay nya dahil pag nakalagay dun at nakitang hindi ginagawa, maliwanag may anomalya at may diperensya.

Media: Sir so pag centralized na yung payroll system, ibig sabihin nun wala nang savings at the end of the year for additional bonuses.

FGE: Wala na. At tinanggal din yun, isang innovation din yun sa budget na ito. Dati, kanya kanyang secretary, kanya kanyang bonus, chargeable sa savings nila. Anong ginagawa ng mga secretary? Magpopropose ng expenditure o proyekto na wala naman silang balak ipatupad para sa dulo ng taon, meron silang savings na mabibigay sa empleyado. Pag hindi nila ginawa yun, sa kasaysayan ng departamento, sila ang pinaka mahinang secretary dahil wala silang nabigay na bonus. What are the best examples of these? Noon every year sasabihin ng DepED, we will hire 15,000 teachers. Ang hina-hire lang naman 7 or 8 thousand. Sasabihin ng DILG magha-hire kami ng sampung libong pulis. Ang hina-hire lang naman nila ay dalawang libo. Yung savings, yun na yung pang - bonus. Ano pang mga anomalya dun? Sasabihin nila we will hire 15,000 teachers pero ang hiring process, papasok yan sa payroll, June pa pero yung budget mula January, savings na naman yun so tumataas ang budget unduly nang hindi naman talaga napapakinabangan. Ngayon wala na yan. Nakalagay na at nakapaloob na sa budget flat rate bonus ng kada empleyado which if I'm not mistaken is 5,000. On top of that, pinatupad this year at ipapatupad ulit next year yung performance-based bonus o PBB ng gobyerno kung saan kung rated 90% or better ang performance ng ahensya, cumulatively, makakatanggap sila between 10-45,000 per employee bilang incentive na magtrabaho at ayusin ng mga employee yung trabaho nila.

Media: Sir kung ganito ka detalyado yung line item, malabo na yung mga congressional insertion na tinatawag?

FGE: Malabo na yun. Kase pag nakalagay na run, bago ka maglagay ng bagong item, kelangan may bawasan ka muna. Papayag ba naman sya na bawasan pa kung nandun na.

Media: Yung realignment, meron pa din bang mangyayaring ganun?

FGE: May provision for realignment pero balak naming istriktuhan kase ang nangyayari, may budget na isa-submit namin, aaprubahan namin, pagkatapos aprubahan ire-realign lang pala. Kumbaga yung pinatupad na budget, iba na ang kulay at hugis so siguro lalagyan namin ng repertorial requirement sa Senado at sa House ang lahat ng realignment.

Media: Naalala ko lang sir yung sa may padrino system sa BOC. Sabi ni Senator Trillanes kilala mo naman daw e yung mga nagpapadrino.

FGE: Hindi. Baka kilala nya at ayokong mag-akusa ng wala akong basehan o hearsay lang ang basehan ko. Hearsay, may nagsumbong na bata si ganito, bata si ganyan - - Hearsay. Bilang abugado, hindi ko ugali mag paratang o mag-akusa base sa Hearsay.

Media: Pero may nagsumbong sir?

FGE: Wala, tsismis lang din sa akin, galing din naman sa inyo eh. Kayo din naman e. Para saken, simple lang. Hindi ako ang nagsabi na may ganun. Yung nagsabi na may ganun ang dapat mag pangalan.

Media: Sino nagsabi nun?

FGE: Ang nagsabi si Dep Comm Lim saka sinegundahan ni Tañada. Pangalawa, kaya gusto ko ring magkaroon ng pagdinig, hindi lahat ng pagtawag, bawal at mali ha. Paano pag may constituent ng isang Congressman na nagreklamo ng hinuthutan ng isang empleyado ng Customs, wala ba syang karapatang tumawag at ireklamo dun. Hindi lahat ng pagtawag ay mali o bawal. Kasama sa oversight function ng Kongreso at Senado ang tiyakin na ginagawa ng mga empleyado ng gobyerno ang trabaho nila kaya yung sinasabi nilang tumatawag, hindi pinagagawa sa amin yung trabaho namin, wag nilang lahatin.

Media: Sa statement ninyo sir na hindi kayo papayag na executive session, can you really compel them to name names in an open hearing?

FGE: Nagawa naman na at nakita nang nagawa ng Senado yan, pero bago namin may compel via compulsory process, kailangan ko na naman ng mayorya na boto sa komite.

Media: Sir di ba meron na po kayong bill tungkol sa influence peddlers sa systems, gaano po kabigat yung parusa po? Mas mabigat po ba sa mga Customs na limang taon lang sila?

FGE: Applicable sa lahat. Tumawag man o tinawagan, kung nagpa-implewensya of nang-impluwensya, pagkakakulong na hindi lalagpas ng anim na taon, fine na hindi lalagpas ng isang daang libo, at absolute perpetual disqualification to hold public office.

Media: Paano imo-monitor ng government yung goals per agency? Sir kung mawawala yung savings sa mga agency, does it follow na all other savings, mapupunta din sa executive, anong safeguard din sa budget na pag entire savings ng buong bureaucracy napunta sa executive.

FGE: To begin with, executive pa rin naman yung mga departments. Nanatili lang sa executive yung pondo. When you say executive, do you mean DBM? Halimbawa, ngayon. Dineklara naman ng Pangulong Aquino diba? 18.7B ang savings ng DPWH dahil yung estimate na nakalagay sa budget nung binid-out, mababa so may savings. Yung 18.7, ibinalik din sa DPWH for other infrastructure projects. Binabalik din naman sa ahensya yung savings kung meron man pero dahil line item na nga at dahil may performance indicator, halimbawa, magha-hire ng pitong libong non-uniform personnel ang PNP, performance indicator nila yun. Pag hindi sila nag hire at ginamit lamang nilang savings, nakakababa sa performance yun ng ahensya. So nasa interes nila na gawin talaga at gampanan talaga nila yon.

Media: Sinong mag mo - monitor sir ng performance na yan, yung targets?

FGE: Senado may repertoirial requirement so ibibigay samen. Meron silang binuo na AMTs o Management teams na nagmomonitor yung programs ng pamahalaan na directly magsusuri ng report sa pangulo. Meron ding input na nanggagaling mismo sa ahensya, kumbaga grade yourself. At panghuli, iba back staff pa yun ng report ng COA bagaman after one and a half years makukuha yung report.

Media: Sir sinong head ng management team?

FGE: Nasa ilalim ng Office of the President. I think it's a committee, hindi isang tao.

Media: Sir yung tatanggalin ng bulsa, walang drawers, seryoso po ba yun?

FGE: Oo. Actually, pinanukala ko talaga yun.

Media: Sir may bill?

FGE: Hindi kailangan ng bill e.

Media: Suggestion lang yun?

FGE: Mga bagay yun na pwedeng gawin immediately either ni Commissioner Biazon on kung sinoman. Pinarating na namen actually noon pa. Isasapormal naming muli at gagamitin kong venue siguro yung deliberation ng budget para derecho may sagot na din at kung magkano ang kailangan nila kung may kailangan na din edi ilagay na rin namin dun.

Media: Sir bakit kailangan yun sa mga babang (inaudible)

FGE: Again, para yung pagbabago, hindi lang superficial, hindi lang malaliman pero kasama na rin yon. Hindi yung kahit nagmamalinis na at naglilinis na sila, ang tingin pa rin sa kanila, ganun. At least mula sa baba at mula sa taas yung pagbabago na kailangang gawin sa Bureau of Customs. I'm not talking positions. I'm talking from the important functions to the mundane functions.

Media: So dapat matigil yung Friday habit, yung hatian every Friday.

FGE: Again, Friday habit, hindi ko alam yan. Gusto mong ibigay saken kung saan yung restaurant at kung Sinu-sino nagmigmeeting dun.

Media: Sir hindi na daw sa Emeralds e binago na daw, nilipat na daw. Solaire na daw e, Solaire.

FGE: Solaire ano?

Media: Sir medyo, dito naman tayo sa internal, sa Senate. Anong mararamdaman na pagkakaiba ng mga empleyado sa Senate Finance Committe under Senator Drilon at ngayon, under sa inyo?

FGE: What do you mean? In terms of what?

Media: Benefits. In general, kase pera lang naman yan.

FGE: Benefits, fixed ang budget ng Senado, hindi mo naman pwedeng pataasin yon. Kaya tumaas ang benepisyo ng Senado noong nakaraang term dahil kulang kame ng isang senador. Yun yung ginamit na budget, savings para idagdag sa empleyado. Imbis na hinati sa kada senador, hinati sa kada empleyado depende sa posisyon. Yun ang pinagkunan non.

Media: E ngayon kumpleto na sir, kumpleto na po e.

FGE: Ngayon kumpleto baka walang paghugutan. Pangalawa, bumaba pa ang budget ng Senado kumpara last year. At pangatlo, hindi Senate committee o Finance sya, Committee on Accounts yan.

Media: With the centralized payroll system na wala nang naka ano at the end of the year, ibig sabihin ba nun wala nang pag-aagawan yung mga ahensya kase sa distribution diba iba-iba yung bonus kada agency.

FGE: Oo, wala na. Nakalagay na sa budget per agency yung additional bonus pati yung 13th month pay. Nakakarga na sa budget kada ahensya yun. Pero dagdagdagan ko lang ha, ginagawa na rin ng gobyerno ngayon yung Common Procurement system. Anong ibig sabihin nun? Yung kada supplies na binibili ng kada ahensya ng gobyerno, isang ahensya na lang din ang mag po - procure para makakuha pa. Kesa kanya kanyang bili ng paper clip, iba-iba ang presyo, pakonti-konti, isahang bilihan, isahang presyo, applicable sa lahat ng ahensya. Baka sabihin na naman masyadong naka-consolidate sa DBM, saken hindi ako takot sa consolidation sa isang ahensya, at least pinpointed din natin ang accountability and responsibility.

Media: Ibig sabihin wala nang conversion ng savings to bonuses, wala na? Bawal na sir?

FGE: Wala na. Bawal na. In fact, sa pagkakaalam ko, may executive Order pa ngang pinirmahan si Pangulong Aquino na lahat ng uri at klase ng bonus ire-regulate na. Halimbawa, hindi pwedeng lumagpas ng certain amount yung anniversary bonus, at may bonus lang kapag milestone, ano yung milestone? Every five years, hindi yung every year na lang ay may anniversary at may bonus. Pati yun inii-streamline na rin ngayon.

Media: Yung GOCCs daw?

FGE: Pati yun saklaw ng E. O. Halimbawa, DBP, may balita kame, kino-confirm pa namin, humingi ng mas mataas na anniversary bonus nung makita ang GCC. Nung makita ng GCC, humihingi pa ng umento e dati nang sobra yung binigay nyo last year so binaba.

Media: Clarify lang sa DBM pa lang iyon

FGE: Internal na memorandum iyon among agencies pero nakalagay na rin sa budget at binabanggit na rin sa budget. Pero ang pondo nasa ahensya pa rin kasi kailangan nila mag-issue ng PO. Pero at least ang pricing, ang bidding, iisa ang ahensya na lang kasi ang sistema dati ay bibili ng ballpen ang DA, bibili ng ballpen ang DAR. Pag tiningnan ng CoA magkaiba ang presyo. Isa na lang at kung maramihan ang bili at isahan lang, baka nga mas mura pa.

Media: Nabanggit nyo ang GOCCs. Sa MWSS nagrereklamo ang mga empleyado dahil tuloy pa rin ang bonuses ng board of trustees

FGE: Isa yan sa mga titignan namin. Pero ang budget kasi ng MWSS ay nanggagaling sa fees na binabayaran ng concessionaires. In fact, ang 800 million na budget ng MWSS kada taon ay galling yan sa concession fees na binabayaran sa kanila. Hindi naman talaga galing sa budget ng gobyerno. Pero isa yan sa titingnan din namin sa budget na ito. Hindi lang iyon. Dagdagan ko pa. Kada commissioner, halimbawa ng CHED, umuupo sa state university and college. Dati na nilang trabaho iyon. Tama ba na makatanggap pa sila ng per diem. Ang mga sequestered corporations na may nominee ang gobyerno, ang may-ari ng share ay gobyerno. May sweldo naman ang may-ari ng PCGG, legal ba na ibulsa nila o itrato nilang personal na pera ang per diem na binibigay ng mga kumpanya na ito? Susuriin din namin iyon.

Media: Kamusta na ang aspin ni Heart…?

FGE: Well, syempre ang unang naging reaction ko ay concerned dahil may namamaril malapit sa bahay nila . Pero pangalawa, isa ako sa mg authors dahil beterinaryo ang tatay ko. Noon hinihintay na lang namin na pirmahan na amendment sa Animal Welfare ACT na pinapataas ang parusa sa ganyang mga uri ng krimen.

Media: So ipu-push ninyo iyon?

FGE: I think it’s for the President’s review and signature. Already the House and Senate passed it last Congress.

Media: Wala namang threat sa family?

FGE: Hopefully, wala dahil ayon sa initial investigation doon ay talagang paborito lang niya magluto ng azucena.

Media: Did you ask any help from the government agency?

FGE: No. but to be fair, the local PNP seems to be doing their job. It’s not for me to intervene in my capacity as Senator in so far as that is concerned. Iyong aspin na alaga nila patay iyon. Na-x-ray pa nga. Ang bala nasa loob.

News Latest News Feed