Sen. Francis Guevara Escudero (FGE) at the Senate Blue Ribbon
Committee hearing on PDAF scam

FGE: Thank you Mr. Chairman. Magandang hapon Benhur. Sana nakakain ka habang sumasagot ka sa tanong.

LUY: Good afternoon sir.

FGE: Napakinggan ko nang husto ang kwento mo. Ilang katanungan tungkol doon. Una, sino lumalapit tungkol sa negosyong ito? Lumalapit ba kayo sa senador at congressman? O yung congressman at senador ba lumalapit sa inyo?

LUY: Parehas po. Minsan, lumalapit po si Madam. Minsan naman po, lumalapit yung mga lawmakers, pumupunta po sa opisina.

FGE: Pag sinasabing lumalapit, ibig sabihin, sila ang nagaalok ng PDAF? Sila ba ang nagsabing "Uy, gusto namin ng ganito eh,"? O si Napoles ba ang nagaalok sa kanila ng skema at modus operanding ito?

LUY: Si Ms. Napoles ang nag-aalok ng ganun sa kanila po.

FGE: Sa lahat ng legislators na nabanggit yung pangalan na di umano naglagay ng pondo sa mga NGO ni Napoles, nilapitan yun galing sa side ninyo?

LUY: Yes po.

FGE: Kayo nag volunteer, hindi sila lumapit at nag-apply?

LUY: Kasi sir, nung pumasok po ako kay Ms. Napoles, may mga ilang lawmakers na kasi na pumunta sa opisina. So ganun na po yung kalakaran ng office.

FGE: Pumupunta sa opisina para kunin yung parte nila?

LUY: Pumupunta po sa kanila na inaalok nila yung PDAF nila.

FGE: Nagpupunta sa opisina para alukin yung PDAF nila sa inyo?

LUY: Kung gusto daw po kami ang mag-implement.

FGE: So walk-in sila?

LUY: Ganun po.

FGE: Walk-in sila. Walk-in na mga customer kung baga?

LUY: Opo. Sila po ang pumupunta dun kasi nung nandoon ako, refer, refer, refer.

FGE: So word of mouth ika nga?

LUY: Yes sir.

FGE: Kumbaga sa negosyo, di ba paano mo nabalitaan? Nabasa ko sa dyaryo, nakita ko sa internet, napanood ko sa TV at advertisement. Eto, nirefer ako ng kapwa ko mambabatas?

LUY: Yes sir.

FGE: Pangalawa, nabanggit nyo, walong NGO kanina. Walo lang ba ang NGO ni Napoles?

LUY: 20 po. Yung walo po, kasi yun po sa PDAF ginamit nya. Tapos meron rin syang ginamit for DAR.

FGE: Kung negosyo nating maitatawag ito, yung COA report, 82 NGOs. Dun sa 82, walo lamang daw ang kay Napoles. Would you confirm this?

LUY: Yes sir. Kasi yung sa nabanggit ko kanina, yun yung amin lang.

FGE: Yun ang inyo?

LUY: Opo.

FGE: Sino yung mga competitor ninyo sa negosyong ito? Kasi yung modus operandi na ninyo sa walong NGOs, yun din ang eksatong ginawa nung sitenta'y kwatrong iba pa. Siguro naman, kung ginagawa ito, kilala at alam ninyo kung sino ang gumagawa nito tulad ninyo. Kumbaga, kakumpetensya ba ninyo, na nilalapitan ng mambabatas para alukin yung PDAF, na may alok rin tulad ng inaalok ninyo?

LUY: Actually sir, nung binigay namin yung.... nung naglatag po kami ng information sa NBI, and then nung lumabas yung COA report, nagulat na lang kami na meron pa palang mas matindi kesa sa amin. Kung ano lang yung amin, yun lang talaga. Atsaka, wala akong idea, so far sa pagfo-follow up ko sa isang agency, wala akong naririnig na ibang foundation.

FGE: So wala kang nakakasabay na parang salesman o ahente sa mga implementing agency?

LUY: Wala. Wala rin sir.

FGE: Sa bawat implementing agency, may contact kayo, sabi ninyo.

LUY: Yes sir.

FGE: Tinatanggap din ang mga contact ninyo?

LUY: Yes sir.

FGE: Head of agency man o isa sa mga baba, merong tinatanggap?

LUY: Yes sir.

FGE: At pinangalanan mo yun sa affidavit mo?

LUY: Yes sir.

FGE: Nabanggit mo rin kanina, Metrobank branch, minsan, nagpapawithdraw kayo ng 75 million?

LUY: Yes sir.

FGE: May I know which branch?

LUY: Magdalena. Magdalena branch.

FGE: Sorry, saan yung Magdalena?

LUY: Hindi ko din po alam. Basta Magdalena, sa may Binondo.

FGE: Mr. Chair, at the proper time, may I ask to invite the bank manager of Magdalena branch for one simple reason, may know your client rule na pinapatupad ang BSP para sa mga bangko and surely, this must have raised a red flag. Mag withdraw at magpawithdraw ka ba naman ng 75 million sa isang branch. Kung alam ng bank manager yung negosyo nun, dapat nagreport na yun sa AMLAC right then and there. At the proper time Mr. Chairman. Which brings me to the next question. May iba pang negosyo si Napoles? Matagal kamo kayo nagsama. Wala ba syang ibang negosyo maliban dito sa modus operanding ito?

LUY: Wala po. Yan lang po ang negosyo nya.

FGE: Ito lang talaga?

LUY: Opo. Itong huli po senator, nagbuo na sya ng Asia Prime tapos yung negosyo ng anak nya, parang men's shoes.

FGE: So yung kwento nya na coal sa India ba o sa Indonesia, kung saan man, totoo ba yun o hindi? Sa pagkakaalam mo.

LUY: Hindi po.

FGE: Walang ganun?

LUY: Wala po.

FGE: Nabanggit mo rin kanina, pinepeke yung pirma ng mga beneficiaries. Pinepeke n'yo rin ba ang pirma ng congressman at ng senador sa mga requests?

LUY: Ang nangyayari po, minsan, pag nagkausap na sila ni Mrs. Napoles, sasabihin ng senador, na, ay sorry. Sasabihin po ng kausap n'ya na...

FGE: Okay lang. Ipa...

LUY: Ang sasbaihin ko kasi na ano, papadala yung liquidation so pipirmahan naman po nila yung liquidation. FGE: Ang tanong ko, finorge o may finorge na ba kayong pirma ng senador o congressman? Dahil pinepeke nga yung beneficiary diba, galing sa listahan ng kung sino. Finoforge n'yo rin ba? O nagkaroon ba ng okasyon na finorge n'yo ang pirma ng congressman o senador sa anumang dokumento?

LUY: With the approval of Ms. Napoles kasi sila po ang nag-uusap, may mga panahon po na finoforge po. FGE: May pagkakataong finoforge n'yo ang pirma ng mga mambabatas? Pero ayon sa'yo, base sa sinasabi ni Napoles, in-authorize s'ya nung mambabatas?

LUY: Opo. Pirmahan daw.

FGE: Magaling kang gumaya ng pirma?

LUY: Okay lang. Okay lang po.

FGE: Kumbaga, pasado? May nabasa kasi akong isang interview sa pahayagan na kaya mo daw gayahin anumang pirma.

LUY: Depende po Sir kasi minsan may mga stroke na hindi...

FGE: May pa-stroke, stroke ka pa a.

LUY: Opo. May ganun e, na sabi kasi ni Ms. Napoles, kasi bago po kasi ako pumasok doon, nakikita ko na yung ganun ang ginawa nila. So tinatanong ko po, bakit may ganyan? So sabi naman ni Madame, in-authorize s'ya na pwede nang pirmahan. Tapos ang dokumento, magfu-furnish, bibigyan sila ng kopya, tapos ia-acknowledge nila na talagang sila yung pumirma.

FGE: So ina-acknowledge nila later on?

LUY: Opo, ina-acknowledge nila na alam ng... Ang pagkakaalam ko, ang sabi po kasi ng legislators na pagka-pirma, bigyan sila ng kopya. So meron na po silang kopya nun at ina-acknowledge nila yung ginawa.

FGE: Ina-acknowledge nila kanino?

LUY: Ina-acknowledge nila yung ginawa pong...

FGE: Sa inyo, na okay yan?

LUY: Sige po.

FGE: Just a few more points, Mr. Chairman. Next, sabi ni G. Javellana ng NABCOR, kilala ka daw n'ya. Kilala mo nga ba s'ya?

LUY: Yes, Sir.

FGE: Sabi din n'ya na-meet daw n'ya si Napoles dahil gusto raw mag-invest ni Napoles, makipag-joint venture sa NABCOR, totoo po ba yun?

LUY: Wala naman pong ganun na binanggit si Ms. Napoles sa akin.

FGE: Dalawang beses daw sila nag-meeting sa Discovery, sa labas ng opisina. Sabi n'ya pinag-usapan yung investment ni Napoles dun. S'ya ba ang kausap ni Napoles sa NABCOR?

LUY: Yes, Sir.

FGE: S'ya yung contact ni Napoles sa NABCOR?

LUY: Yes, Sir.

FGE: Isang tanong kaugnay sa hindi pagbanggit ng pangalan. Tutukuyin ko kay Sec. De Lima mamaya. Curious lang ako, sabi mo yung sexy, lalaki. Paano nangyari yun?

LUY: Kasi po...

FGE: Mahilig sa...

LUY: Hindi po. Una po kasi ano s'ya, mataba daw, tapos biglang pumayat. Kaya sexy na ang tawag namin.

FGE: Sec. De Lima, earlier, I was listening, as a last point, Mr. Chairman. I would like to place on the record, matagal na po akong payat ha. At yung kasama ko dito mataba pa rin daw. (Laughs)

RECTO: Mr. Chairman, ako pumapayat na. Palagay ko hindi naman ako si sexy, ano? (Laughs) Benhur? (Laughs) Mabuti yung maliwanag.

LUY: Hindi po.

FGE: Ako, limitasyon mo, hindi ka pwedeng magpangalan. Anong pumipigil sa akin isa-isahin ang pangalan para sabihin mong hindi? Beside the point Mr. Chairman, I raised that point. I have a reservation with respect to not naming names. Similar to the point raised by Sen. Cayetano, for two reasons. One, tila lahat nagiging suspect hangga't hindi nafa-file yung reklamo. Pangalawa, may mga alegasyon na nga at lumalabas na pinipili daw yung sasampahan ng kaso o yung pangalang babanggitin. Kaya kanina may reservation din ako sa pagpresenta either ni Sec. De Lima o ni Atty. Baligod dahil mas maganda syempre na manggaling sa bibig mismo ng testigo. Short of asking the secretary to name names, just a few questions Ma'am.One, when you file the case or if and when your file the case on Monday, sasampahan niyo po ba lahat ng binanggit ni Benhur na sangkot dito o in batches po ba yung pag-file ninyo ng kaso?

DE LIMA: By batches po. Hindi po kaagad lahat. Ang pinakabasehan po nung first batch of cases na ifi-file namin ay yung personal knowledge, meaning nabanggit ng mga whistle blowers especially Benhur at kung may karampatang ebidensya, the paper trail, the documents, the needed documents. So in the same manner kapag binanngit lang based on, dahil nakita, pumunta or nabanggit lang yung pangalan pero based on the examination by the NBI team of certain documents, mga relevant documents na mga nakuha nila sa ibang ahensya like CoA, DBM ay wala dun pa. Hindi pa, hindi pa nakukuha. Kasi sa dami po nun, hindi pa lahat ay nakukuha, ay hindi po muna namin isasama. I have to be candid. We are under extreme pressure to file already a case, cases ASAP. So, magsa-sample muna ho kami. But even sa pagsa-sample, maingat ho kami, na dapat talagang may basehan, solid. Pero dadaan po muna yan sa Ombudsman.

FGE: Regardless of the amount maam. Regardless of the amount.

DE LIMA: Yun pong...

FGE: Kumbaga yung mga nailalagay niyo batch 1, yung sa section 1, yung pinakamalakas yung ebidensya regardless of the amount?

DE LIMA: Yan po, wala pa po kaming final decision diyan. We've been discussing that with the team and also with Atty. Baligod. Now, pero sa ngayon po, meron pong, yung iba po, yung iba po na sasampahan na namin kasama sa first batch ay nasusunod yung threshold ng plunder. More than 50 million each yung alleged commission nila. Yung iba naman, konti. Less than the threshold. Now, yun po ang pinag-aaralan ng team kasi sa team meron naman hong mga abugado, ay yung mga less than 50 million yung alleged kickbacks, commission na alam, na recorded ng ebidensya. Pwede kayang i-summary namin yan sa plunder or ibang charge na lang like malversation of public funds. May isang punto pinag-aaralan namin is that does it mean that the threshold amount needed to be met only relative to the amount to the kickback or alleged kickback or commission on that particular lawmaker or shall we look at the amount of the PDAF itself involved in that particular transaction? Na karamihan naman po diyan sa mga PDAF, PDAF na yan na amount ay malalaki because the misuse itself and for as long as the other elements are there, lalo na kung papatak ho sa series of...

FGE: ... of Acts.

DE LIMA: Of acts, yes. Baka ho pwede na. Yun ho ang pinag-araalan namin.

FGE: Hindi ho ba may uri at klase din ng malversation na non-bailable?

DE LIMA: Malversation through negligence siguro?

FGE: Hindi po. May uri at klase po ng malversation na non-bailable.

DE LIMA: The malversation under the revise penal code?

FGE: Yes.

DE LIMA: In the amount of P22, 000 and above?

FGE: Hindi pa ho na-aamyendahan yang batas na yan.

DE LIMA: Yes, yes, yes.

FGE: So kung more than P22,000 yung minalverse na pondo, non-bailable na rin yun at walang ipinagkaiba sa plunder.

DE LIMA: Yun po. Tama po kayo. FGE: Again. I raised that issue Mr. Chair and Madam Secretary because sige po, tatanggapin namin na walang babanggitin pero kung hindi pa ho sasampahan lahat, kelan pa po pwedeng magbanggit ng pangalan si Ginoong Luy kung by batch niyo sasampahan at kung may affidavit na po siya and I assume na yung affidavit na sinubmit ay tungkol lamang dun sa kakasuhan niyo?

DE LIMA: Opo.

FGE: So meron siyang naibigay na nauna pang affidavit I presume na kinukwento talaga lahat at binabanggit lahat ng nalalaman niya?

DE LIMA: If you are referring your honor to the affidavit as presented in the serious illegal detention case, I believe in that the first affidavit did mention several, a number of lawmakers, yun ang ibig kong sabihin na nuon pa na nabanggit na po nila ngayon lahat yun. Kung hindi pa naman nakita in the course ng NBI investigation supporting documents, hindi pa ho namin yun isasalang. We would not want to just be filing cases just simply because the names have been mentioned but yet without other proofs like documentary.

FGE: I understand that because you will be filing cases, ma'am but our objective and threshold in the Senate is different. So, may I ask, "aling affidavit yung isasubmit niyo po sa amin? Yung nagbabanggit nung kakasuhan niyo lamang so specific at geared towards the case only o yung affidavit na ginawa ni Luy kaugnay sa lahat nang nalalaman niya kaugnay sa PDAF scam.

DE LIMA: I cannot give yet an answer to that, your honor. Right now I am thinking, I think the better part of prudence would tell me that we can furnish you with the copy only of the affidavit na kasama sa pagfile ngayon na binabanggit niya yung mga sasampahan na ng kaso.

FGE: How do you address Madam Secretary, I guess this is the opportunity also for you to address the criticism that the filing of cases is or will be selective na pinipili lang na narinig ko na magsalita ang Ombudsman na hindi niya alam yung mga partido ng mga tao...inuuna yung ganito, hinuhuli yung mga ganyan, how would you address your critics whenever they say that, not necessarily coming from me to placate the concern of others perhaps with basis or without na handled or hinahandle si Ginoong Luy na gan'to at hindi yung kung sino ang tamaan bahala sila...

DE LIMA: Yan po ang attitude namin ngayon kung sino man ang tamaan, so be it, kung tinutukoy niyo po ay yung sinasabing may partisan consideration dito or unahin ang mga oposisyon kaysa mga administration allies, wala pong ganun. That I can tell you, kasi ho, unang pinakita sa akin ng NBI yung listahan more or less a final list but I will again check today if really that is the final list. Now, first batch kasi na-confirm nga based sa mga other evidence and based on the personal knowledge of the whistleblowers nun tinanong ko po yung team, alam ba natin kung ano ang mga...ang mga ng ano nito... party affiliations. Of course pati mga Senators, more or less I know kung ano ang kanilang party affiliations nung nakita ko yung mga pangalan, yung mga members of the House, mga Congressmen na nabanggit po dun, hindi ko po alam. Nung tinanong ko ang NBI, alam niyo ba ang party affiliations, hindi ko namin alam at ayaw po namin malaman and that is also my attitude, I don't want to know what is the party affiliations of those Congressman, although in-assign ko po sa isang staff ko na i-research mo nga kung ano ang mga party affiliation nila pero ang sabi ko pa, 'wag mo muna sa akin ipakita, so I really don't know. In other words, what I am saying here is that not at all a consideration. Wala po yan. Makakaasa po kayo na never po consideration yan. Yun na po, yung standards namin personal knowledge, documentary support, in respect kung sino man sila... FGE: At makakaasa din po kami Secretary De Lima, na sampung milyon, isang-daang milyon o dalawampung piso man yan...e kung nakaw ay nakaw pa rin at yung karampatang kaso ay isasampa pa rin laban kung sino man?

DE LIMA: Opo.

FGE: The amounts to my mind should be a significant factor to be considered.

DE LIMA: Yes, your honor.

FGE: Thank you Madam Secretary, thank you Mr. Luy, thank you Mr. Chair