Transcript of DZBB interview with Sen. Chiz

Program: Balitang Todo-Todo
Anchor: Nimfa Ravelo
Interview with Senator Francis G. Escudero (FGE)

RAVELO: Nasa atin nang linya si Sen. Chiz Escudero. Magandang umaga po sa inyo Mr. Senator.

FGE: Nimfa, magandang umaga sa'yo at sa ating listeners, good morning.

RAVELO: Ay, parang galing date lang si Sir. Ang saya saya ng boses.

FGE: (Laughs)

RAVELO: (Laughs) Pati si Jam Sisante Sir, nandito. (Laughs)

FGE: Ikaw naman... Jam, good morning. (Laughs)

RAVELO: Sir, 'yung tungkol lang dito sa ano. Hindi ko na... Diretso na ha? Sinasabi ngayon sa mga pahayagan, sinabi ni Budget Sec. Butch Abad, kinonfirm na nya na mayroong additional pork barrel ang mga senador. Hindi lang pork barrel ang tawag, hindi po PDAF, kundi "Disbursement Acceleration Program," at isa daw kayo sa mga nakatanggap ng doble. Hindi lang 50, kundi halos P100 million pa, sa inyo daw P99. Ano ba ito?

FGE: Liwanagin natin 'yan issue Nimfa. Ang isyu, sabi ni Sen. Jinggoy, nakatanggap daw ng suhol kaugnay ng impeachment. Maliwanag na hindi totoo 'yun, dahil maski na mismo si Sen. Jinggoy, sabi nya, "Tumanggap ako pero bumoto ako ayon sa konsensya ko." Kung sya nga ganoon, paano pa kaya 'yung iba? So, ano'ng klaseng alegasyon 'yun? Pangalawa, kaugnay ng mga additional na binibigay sa kada senador, ini-endorse naman 'yan ng kada senador sa ahensya for their evaluation. Hindi tulad ng PDAF na may menu na sinusundan. So, kung base sa evaluation ng agency, okay 'yun. Galing na rin naman 'yun sa mga LGU o congressman din, ire-release po nila 'yun. Naka-post 'yan at karamihan ng aming ini-endorse lang na release ay para sa ospital, o kung hindi man, para sa construction, repair at rehab ng public markets ng kada LGU. Ni isa sa alokasyon na binigay sa akin sa PDAF o doon sa DAP man ng DBM ay napunta sa anumang NGO, Napoles man o hindi.

RAVELO: Pero Sir, paano 'yun? Nag-request po kayo o ano 'yung nauna Sir? You were informed by Malacañang na mayroong ganitong DAP?

FGE: Wala. Sinabi din naman ni Sec. Abad, sa kaso ko. I can only speak for myself. Sinabi din naman ni Sec. Abad, na hindi kami isa doon sa mga nakatanggap after impeachment, ito'y nauna pa, in fact months ahead ito'ng alegasyon ni Sen. Estrada. Kaya nga lang, for transparency's sake, sinama at nilabas ni Sec. Abad, lahat na.

RAVELO: Okay, so Sir ano 'yung P99 million?

FGE: Iti-trace namin sa opisina, pero gaya nga ng sabi ko Nimfa, malamang sa malamang dalawang bagay lang 'yan, construction, repair at rehabilitation ng public markets, P500,000 kada LGU, tulad ng ginagamit namin sa aming PDAF o allocation sa regional hospitals sa buong bansa, kasama ang specialty hospitals tulad ng PGH, Kidney, Heart Center, Orthopedic, para naman sa indigent patients. Wala kaming scholarship. Wala kaming livelihood. Wala kaming NGO at wala kaming Philforest o kung ano pa mang proyekto.

RAVELO: Nabcor, Nabcor.

FGE: Walang ganoon (Laughs) Nimfa.

RAVELO: Pero Sir bakit, ano'ng meron si Sen. Chiz Escudero na mas lamang daw kayo sa iba? Kasi 'yung iba tig-P50 million? Tsaka sabi kanina po ni Senate President Drilon, specific 'yung sulat nya na pwede kayong mag-avail up to P50 million worth of projects. Bakit sa inyo daw ay 99? Tsaka sabi ni Sec. Abad, sina Senate President Drilon din at tsaka kay Sen. Enrile na Senate President at that time, P100 million? Bakit naman kayo?

FGE: China-charge nila 'yan Nimfa, hindi sa leadership o hindi sa kung anuman, diskresyon ng Palasyo, kung sino at kung magkano ang ibibigay at kung para saan ang proyekto. Kung pag-uusapan natin ang lamangan Nimfa, edi sana nagreklamo na ako. Bakit noong panahon ni GMA, oposisyon man o administrasyon, maliban sa akin, katulad na lamang halimbawa ni Sen. Estrada, mahigit apat o anim na raang milyon yata ang nakuha nya, e ako ay zero? Kaya nga doon sa PDAF COA audit, walang in-audit sa akin dahil walang release ni piso sa akin si dating Pangulong Arroyo, pero hindi naman ako nagrereklamo. Ang tanong pa rin naman kasi dyan, hindi naman kung magkano. Ang tanong, paano mo ginamit? Saan mo nilagay? Sino ang nakinabang at maayos ba 'yung pagpapatupad ng proyekto? Sa dami ng nagpupunta sa kada tanggapan ng kada senador na nanghihingi ng proyekto, madalas hindi na kasya 'yung PDAF, ini-endorse mo na lamang 'yan sa agencies concerned for their evaluation and funding. Sa kaso lamang ni Sec. Abad, again, in the interest of transparency and openness, kapag sino ang nag-request, doon nila kini-credit daw sa kanilang mga libro, pero hindi nangangahulugan na ideya o nanggaling lamang sa'min 'yun.

RAVELO: So, ibig sabihin Sir, halimbawang may request sa inyo ang mga LGU o mga ospital refer lang kayo ng refer po sa DBM?

FGE: Opo, usually, endorsement lang, iba 'yung tipikal na respectfully endorsed for appropriate action by here and attached letter of ganyan-ganyan...

RAVELO: So...

FGE: Or kung hindi...

RAVELO: Opo...

FGE: Nimfa yes?

RAVELO: Yes Sir, so ibig sabihin Sir, submit kayo ng submit. Hindi ninyo tinitingnan kung maaring lagpas na kayo sa P200 million na supposedly ceiling?

FGE: Hindi kasi PDAF 'yun e. 'Di ba sabi mismo ni Sec. Abad hindi naman PDAF 'yun? 'Yun ay acceleration kasama ng DAP nila, ng acceleration program nila, dahil nga mababa 'yung absorptive capacity ng ibang ahensya, so naghahanap sila ng pagkakagastusan ng fiscal phase, at kung nagkataong validated at kasama 'yun sa priority programs ayon sa medium term development plan ng pamahalaan, 'yun ang pipiliin nilang i-release. Siguro Nimfa, kung ikukumpara mo 'yung request kumpara sa na-grant, siguro wala pang 10 o 15 porsyento 'yung na-grant doon sa napasang request ng sinumang mambabatas.

RAVELO: So, kahit na pasa pala kayo ng pasa ng mga request o ng referral sa DBM, depende pa rin po sa DBM kung ire-release 'yun?

FGE: Kung alin ang popondohan nila at kung magkano, at kung actually ire-release po nila. Dahil that's the least that we can do siguro doon sa mga nanghihingi pa ng proyekto sa kani-kanilang lugar, ma-endorse 'yun sa kanila.

RAVELO: Pero Sir, ano 'yung naging dating noon sa inyo na, noong na-inform kayo, tama ba Sir na-inform kayo na mayroong ganoong disbursement acceleration program at paano, o paano nyo ito nalaman?

FGE: Ni hindi kami na-inform noon Nimfa. Actually, ni-release diretso ni Sec. Abad at practice 'yan ng DBM. Nire-release ng DBM, diretso na sa mga ahensya 'yan, sa kaso ko, LGU man 'yan o ospital, diretso na 'yan doon sa ospital o hindi man, sa LGU. Sometimes, nai-inform nga kami pagkatapos na. But still, for transparency's sake, kapag nakatanggap kami ng kopya, kahit late na, minsan nga nadeposito na 'yung pera doon sa LGU, kasi nakatanggap kami ng late na information galing sa DBM, pinapadala pa rin namin sa kanila. Just to make sure na nalaman nga nila, na mayroong ganoong release sa kanilang ahensya o sa kanilang local government unit.

RAVELO: Wala pala Sir reply ang DBM, halimbawa nag-request kayo ng P50 million for, sabihin na nating P1 million for hospital, walang reply letter ang DBM na sinasabing, "Okay, approved 'yan, ipinadala na namin ang P1 million at kinuha namin 'yan sa DAP." Walang ganoong reply?

FGE: Minsan meron Nimfa, minsan wala. Kung PDAF 'yun, meron, sigurado 'yun. Kung request na finorward lamang, minsan meron, minsan wala.

RAVELO: Sir paano 'yun, kailan nyo lang nalaman na galing pala sa DAP 'yung P99 million na ini-release nila?

FGE: Actually, at that time Nimfa, hindi pa ako nagchi-chair ng Committee on Finance. Hindi naman pondo 'yung pinanggalingan ng DAP. DAP is a program Nimfa. Hindi sya fund. DAP is a program, 'yung accelerated program na spending nga ng gobyerno. Hindi sya pondo.

RAVELO: Galing daw Sir sa savings?

FGE: Malamang, 'yun nga sana ang sasabihin ko, malamang sa malamang, nangggagaling 'yan sa savings ng pamahalaan, dahil nga ang logic ng accelerated program, 'yung piso na mabibili mo ngayon, next year baka 2 piso na. So, kung kaya mong i-implement ngayon 'yung isang proyekto na mas mura, gawin mo na ngayon, kung may savings din lamang ang pamahalaan, imbes na itago mo lang. 'Yung kikitain sa interes, mas kaunti pa kaysa sa inflation o pagtaas man ng presyo ng kung anumang nais i-procure ng pamahalaan.

RAVELO: Sir ito, paano, ito 'yung tanong ko din po kanina kay Senate President Drilon. Paano ninyo idi-disabuse 'yung isip ng tao na ito ay hindi reward o incentive, dahil sa pagboto ninyo para sa conviction ni CJ Corona?

FGE: Well, maliwanag naman siguro 'yun Nimfa. Umamin si Chief Justice Corona ng kasalanan nya, noong huling araw syang nag-appear sa amin. Ke may nilagay na additional release o wala, siguro baliktad pa nga 'yung magiging resulta kapag hindi kami bumoto to convict. Pangalawa, gaya nga ng sabi ko, 'yung naglabas mismo ng isyung ito na si Sen. Estrada, bumoto rin sya to convict, tapos sinabi nya na nakatanggap sya, pero bumoto raw sya ayon sa konsensya nya. 'Yung naglabas mismo ng isyu Nimfa, hindi raw sya nagpaapekto, edi lalo na siguro kami, kaugnay ng bagay na 'yan na hindi humaharap sa anumang alegasyon tulad ng hinaharap nya sa ngayon kaugnay ng paggamit ng pondo o PDAF.

RAVELO: Sir pero sabi nya, hindi daw ito bribe. Sabi nya rin sa plenary, kinlarify nya, pero sabi nya po kinabukasan, sa interview namin, "incentive." Sir, bilang abogado, ano ba ang kaibahan ng "incentive" sa "bribe?"

FGE: Siguro sa dulo, ang tanong lamang dyan, bribe 'yan kapag pinakinabangan mo 'yung pondo. Ang tanong nga siguro, magandang malaman Nimfa, sa mga pondong ni-release ng DBM, para sa iba't ibang miyembro ng Senado, sabihin na natin, saan nila nilagay o saan napunta 'yun? P50 million, P100 million o P99 o P30 million man, magandang malaman, saan ba napunta 'yun? Dahil magiging bribe lamang 'yan Nimfa, kapag personal nilang pinakinabangan 'yun. Ang masakit siguro, kung may makikita pa tayo dyan na ang pinaglaanan noong ni-release na 'yun ay puro Napoles o bogus NGO din. 'Yun ang masakit at 'yun ang dapat nating alamin at malaman.

RAVELO: So, would you suggest na magkaroon din dito ng special audit as soon as possible? Para magkaliwanagan?

FGE: Well, ayon sa COA, ino-audit naman na nila lahat ng PDAF at releases sa mga mambabatas mula noong 2009. Ayon sa testimonya ni Grace Tan, pagkatapos ng '07-'09, at nakita nya 'yung kahindik-hindik na ginagawa, in-order na nya lahat ng resident auditors ng lahat ng ahensya, na ihiwalay 'yung PDAF doon sa mga ponso ng agencies at bigyan ng espesyal na atensyon kung paano nagastos at saan nanggaling? So, ongoing na 'yan since 2010, ayon sa kautusan na rin ni COA Chair Tan.

RAVELO: Pero Sir iba kasi 'yung kapag, iba 'yung, parang iba ang dating kapag special audit. Kagaya nitong sa pork barrel scam, mayroong regular audit supposedly, pero parang hindi nadaanan. Sinasabi nila nakita, hindi lang nare-report ng media, pero still nagkabukuhan lang noong nagkaroon na ng special audit.

FGE: Pinaliwanag 'yan ni Chairman Grace Tan 'yan Nimfa sa hearing. Ang pagkakaunawa ko, kapag sinabi nyang bigyan ng espesyal na atensyon, hindi simpleng financial audit lamang. Ang ibig sabihin kasi ng financial audit, pumasok, may lumabas. Dapat bigyan ng espesyal na atensyon, dahil nga sa nakita ng practice. Kaya kung titingnan mo Nimfa, 'yung 2010, 2011 regular COA audit, hindi special audit a, lumalabas na rin naman 'yung paggamit sa kung anu-ano'ng kalokohan, 'yung PDAF ng ilang mambabatas. Even after '09, at naka-post 'yan lahat sa website ng COA. Hindi pa siguro nabibigyan ng sapat na atensyon ng media din 'yung COA reports na 'yun kaugnay sa mga pagsasamantalang nagawa after '09. Kung maaalala mo, noong panahon ng eleksyon may lumabas na isyu laban sa ilan at halos parehong pangalan ng mga mambabatas kaugnay ng organic fertilizer, 'yun ay 2011 na PDAF na, na lumabas noong March 2013, kung hindi ako nagkakamali. So, ginagawa ng COA 'yung audit nila sa mga pondong 'yan.

RAVELO: Pero, okay, so Sir, ito'ng DAP, dapat meron na din itong report or paano ba'ng timeline nito Sir? Kagaya nito, binigay daw noong 2012, so ang audit report nito 1 year pa?

FGE: One year pa. Ang 2012, Nimfa isa-submit 'yan, November of the current year. Doon matatapos ang exit conference, November of the current year. Well, usually sina-submit 'yan bago kami mag-plenary debate. Kung mapapansin mo, sa lahat ng budget hearings namin Nimfa ngayon sa Senado, hinihiling ko palagi 'yung COA report. In fact ni-require ko na present dapat yung resident CoA auditor ng kada ahensya sa kada pagdinig namin at kung wala pa silang nasu-submit na updated at latets report ng CoA which 2012, conditional yung aming approval ng kanilang mga budget hanggang masumite nila yun at ang deadline ay bago magsimula ang plenary debates sa November 18.

RAVELO: Pero sir paano ninyo tutuusin itong disbursement acceleration program sa ilalim ng 2014 budget? Sir kasi parang hindi, nung 2012, hindi siya kasama sir di ba sa GAA. Sabi niyo nga, ni hindi niyo alam na meron palang ganun?

FGE: Savings kasi yan na...

RAVELO: Dahil Savings?

FGE: Savings kasi Nimfa, hindi sa hindi alam pero may savings talaga ang gobyerno kada taon.

RAVELO: Pero sir bakit ganon, hindi siya ano, hindi siya kasama sa dapat kilatisin po ng Kongreso porket savings? Ano yun sir, depende na yun sa diskarte o desisyon ng budget secretary? Parang dinaig pa niya kayo na meron siyang power over ano?

FGE: Hindi rin Nimfa dahil nung unang panahon, halimbawa nung panahon ni GMA. Medyo mahaba lang to.

RAVELO: Opo.

FGE: Ang savings ay lantarang panloloko sa Kongreso, halimbawa maghi-hire kami ng labing limang libong teacher, ang i-hihire lang naman nila limang libo. Savings talaga yung sampu at talagang pre-medidated yung paggawa ng savings. Maghihire kami ng sampung libong pulis, ang ihihire dalawang libo lang. Ngayon sa ilalim ng administrasyon ni Pangulong Aquino at in fairness kay Budget Secretary Abad, magsabi man ang DepEd halimbawa for 2014, mag-hihire sila 33,000 teachers. I-rerelease nila yung pondo kapag ka actually na-hire na at hindi yan ibinibigay sa ahensya na siyang nagiging savings para sa anumang bagay kabilang na ang pagbigay ng bonus ng empleyado. Pangalawa, ang savings sa ilalim ng administrasyon ni Pangulong Aquino ay hindi galing sa panlilinlang ika nga ng Kongreso at pagsabing may ganito kaming programa, hindi naman pala iimplement. Ito'y nanggagaling sa mas malinis na bidding procedure at mas mababang presyong nakukuha ng pamahalaan para sa mga agency budget-cost estimate na nilalagay nila.

RAVELO: Pero sir.

FGE: Halimbawa, ang DPWH nung first semester ng 2013, ang savings nila Nimfa ay nasa, kung hindi ako nagkakamali ay nasa 12 billion o 18 billion pesos dahil agency cost-budget estimate matapos ang bidding ay malaki ang ibinaba. So savings na ikinokonsidera yun na ayon sa batas, ayon sa PD 1177 at sa budget, pwedeng ire-align ng presidente sa anumang makahulugan at anumang public use not expenditure.

RAVELO: Pero sir sabi niyo nga, eto sabihin na natin sir, malinis, sa malinis na paraan naipon yung savings kasi dati talaga manipulated. Sabihin na natin sa malinis na paraan pero paano pa rin po ninyo babantayan yung paggamit nun? Yun po ba ay depende sa kagustuhan ng budget secretary kung paano yan gagamitin at kung kanino ibibigay kasi sir like yung sa DAP last year, merong nabigyan, merong hindi.

FGE: Nimfa para sakin alam mo, kailangan magtiwala o may pagkatiwalaan tayo at ang ating mga kababayan. Halimbawa, kung wala kayong tiwala kay Secretary Abad at kay Pangulong Aquino, saan manggagaling pa yan? Dalawa lang naman ang pwedeng panggagalingan niyan e, Kongreso, meaning Senate at House o executive branch. Hindi pwedeng mag-disburse at mag-procure at mamili ng proyekto ang judiciary. So kung wala kayong tiwala o maraming kwestyon kay Presidente o kay Secretary Abad, mas maraming kwestyon naman sa Kongreso, sa mga congressman at sa mga senador. Kinukuwestyon at pinagdududahan din yung pag-rekomenda man lang ng proyekto. E sino na ho ang gagastos at pipili ng programang paggagastusan ng gobyerno?Kaya tayo may mga hinahalal at binoboto at nagkakaeleksyon dahil may tiwala tayo dapat sa kanila. At kung nawala yun e huwag na natin dapat sila iboto o ilagay muli diyan. Ang paggagastusan at pagpipilian ng savings Nimfa ayon sa batas ay presidente na lamang. Pero sa 2014 budget, ang nilalagay ko pong probisyon dun, ang ilalagay kong probisyon dun dahil wala pa naman kami dun ay dapat iinform man lang ang Kongreso kaugnay ng kung magkano ang savings at kung papano nila gagastusin yun. At least alam man lang ng Kongreso kung pano nagastos yung savings ng pamahalaan.

RAVELO: Yun nga sir e, di ba, hindi siguro sa walang tiwala although ngayon talaga sir mahirap magtiwala, kundi dahil sa check and balanace di ba? Kaya nga check and balance.

FGE: Kaya nga may notice requirement na kami unlike in other budgets na hindi na kailangan pang ideklara pa yun. Ngayon para mag-utilize ng savings, kailangan iinform ang Kongreso, both the House and the Senate through the Committee on Finance. Pangalawa, kapag ka merong income na pumasok sa gobyerno, in excess of what was projected by government, kunwari yung target ng BIR na-surpass, kunyari yung koleksyon sa LTO lumampas, kailangan ma-inform din ang Kongreso kung magkano ang nilampas at kung ano ang programang utilization nila dun sa excess na revenue.

RAVELO: Sir, would you know kung dun ba sa disbursement program, yung DAP kung mga senador lang ang nakatanggap o kung meron din ang mga kongresista?

FGE: Hindi ako magugulat Nimfa kung meron din ang mga kongresista, kung meron din ang local officials kaugnay ng paggamit ng pondo sa ilalim ng DAP dahil gaya ng sabi ko, siguro ang kada mayor magsusulat yan ng request sa isang senador, congressman o sa Malacañang mismo. Siguro bilyon-bilyon ang nirerequest niyan, kumbaga dream sequence at lahat na ng gusto nila para sa kanilang munisipyo at probinsya pero kung maga-grant yun o hindi matapos ang deliberations, ibang usapan na yun.

RAVELO: Sir, may question lang si Gil Cabacungan ng Inquirer. Kung daw ba ito e, kung itong DAP ay naka-book ba as pork na nakikita sa DBM website o bukod pa?

FGE: Actually, hindi ko alam Nimfa, hindi ko pa nakikita at nabubusisi kasi yung DBM website pero malamang hindi yan naka-book as pork kasi gaya nga ng sabi ko, ang depenisyon ko ng pork, six amount yan, 200 sa senador, 70 million sa congressman, nire-release quarterly at mare-release lamang upon the behest or letter or recommendation of the senator or congressman at madalas yang menu niyan, sumusunod dun sa PDAF menu na nilalabas ng gobyerno.

RAVELO: Sir, balik ko lang dun sa ano po ha sa DAP, sorry ha, kasi ito ang text ni Tina Mer.

FGE: Opo.

RAVELO: Nung impeachment trial ni CJ Corona, ni-raise nung mga defense lawyers yung merong bigayan ng P100 million na promise for Corona's conviction.

FGE: Huwag ka na sigurong magulat Nimfa kada defense attorney or supplication attorney palaging meron pasaring sa kanilang kalaban lalo na pagkatapos matalo ng anumang panig. Pero basic na tanong pa rin ang tatanungin ko, inosente ba at wala bang ginawang kasalana si Chief Justice Corona? Pagkatapos niyang umamin na hindi niya nilagay yung kanyang ari-arian sa SALN, pagkatapos niyang aminin ang ilan sa mga alegasyon at paratang sa ilalim ng impeachment complaint. Ano naman ang klaseng desisyon na pwedeng dapat pang ibaba ng mga hurado o ng kopunan. May incentive man o wala, binigay na pondo sa ilalim ng DAP o wala.

RAVELO: Pero sir sa tingin ninyo, bakit ito kinakailangang ungkatin at lagyan ng kulay?

FGE: Well, maliwanag naman siguro na nais lamang siguro ilihis ng ilan yung isyu palayo sa kanila, para sa gayon ika nga mabawasan yung atensyon ng publiko mula sa mga paratang na lumalabas laban sa kanila. Imbes sana na ipagtanggol o depensahan na lamang o ipalabas at ipaliwanag sa publiko yung mga paratang laban sa kanila, naakakalungkot na pinili pa nilang magbitaw ng sarili nilang paratang imbes na liwanagin ang paratang labans a kanila.

RAVELO: Sir, isang question na lang, merong sulat, di ba sir merong sulat si Senator TG Guingona kay Senate President Franklin Drilon, hinihingi na ire-consider yung kanyang pag-refuse na pirmahan yung subpoena para kay Janet Lim Napoles. Ang sulat na yun ay ni-refer po ulit ni senate president kay Ombudsman Conchita Carpio Morales. Sir, anong tingin niyo dun, kailangan ba yun, hindi po ba kayo pwedeng mag-decide on your own sa Senate?

FGE: Pwede kami palagi mag-decide on our own Nimfa, pero gaya na rin ng sinabi siguro ni Senate President Drilon, it shows the path of prudence rather than valor ika nga kaugnay sa isyung ito. Bibigyang daan siguro ni Senator Guingona yun. Sa parte ko, gagalangin ko ang pasyang yun bagaman hindi ako sumasang-ayon at hihintayin ko kung ano ang magiging pinal na pasya niya kaugnay ng pagtawag kay Napoles. Sa parte at panig ko, hindi nagbabago ang posisyon ko, na dapat sna ay ipatawag siya, kung hindi man, kung tama yung sinasabi ni Atty. Kapunan na may written interogatory siya para sa pag-perpetuate ng testimony ni Napoles, imbes na siya'y dumalo dun, marahil pwedeng yun na lamang ang ipa-subpoena ng Senate Blue Ribbon Committee dahil equivalent na rin yun ng testimonya ni Napoles para sa purposes ng Blue Ribbon Committee. Kung meron man written interogatories Nimfa, ang dinig ko kasi parang gagawa o meron na, di ko lang sigurado. Pero kung meron na, marahil pwedeng option ng Blue Ribbon yun na yun ang isubpoena. Subpoena duces tecum ang iisyu imbes na subpoena as testificandum.

RAVELO: Ayun. So hindi na kayo sir kailangang umabot pa sa pagbobotohan kung ano po, ang tawag dun, kung babaliktarin niyo ang desisyon ni Senate President Drilon? Hindi kailangang umabot sa botohan?

FGE: Sa ngayon, hindi option yan Nimfa dahil recess kami.

RAVELO: Oo nga. Sorry.

FGE: Magre-resume ulit kami sa October 14. So kung may ganung option man, depende kay Senador Guingona. Pwede lamang magamit yun pag-resume na namin sa October 14. Mahigit dalawang linggo din ang lilipas at marahil marami pa ang mangyayari at may mga isyu pang pwedeng magbago sa loob ng panahong yan.

RAVELO: Di ba pwede sir na masarhan yung pagdinig ng Blue Ribbon Committee ng wala yung statement ni Napoles?

FGE: Sa palagay ko hindi at maliban dun, hindi pa naman talaga pwedeng sarhan Nimfa dahilgaya ng sabi ko nung unang pagdinig pa lamang, ang ginawa, modus operandi nung balanseng 74 NGO's ay eksakto ng ginawa at modus operandi ni Napoles sa kanyang mga NGO's, walang ipinagkaiba yun. Ang pagkakaiba lang, may whistle blowers dun sa Napoles NGO at hanggang nagyon ay wala pang whistle blower dun sa balanseng 74 para mabigyang linaw kami. Kung mas magiging mas mahirap yung pag-uungkat nung balanseng 74 NGO's kung ano at paano nila nakulimbat yung pondo na dapat napupunta sana sa totoo at tamang benepisaryo sa PDAF ng mga mambabatas.

RAVELO: Ayan. With that sir, maraming-maraming salamat po. At bakit ba ganyan ang tono ninyo.

FGE: Ano? Wala.

RAVELO: Parang lumulutang ka sa kaligayahan.

FGE: Bakasyon kasi Nimfa, ikaw naman. Wala naman sesyon, medyo makakapagpahinga, linggo.

RAVELO: Ayan. Salamat po senator.

FGE: Maraming salamat din Nimfa. Sa muli sa ating mga listeners, magandang umaga po.

RAVELO: Ayan. Salamat. Magandang umaga po. Ang inlove kay Heart na si Senator Chiz Escudero.