Press Release
February 11, 2015
9:00 a.m.

GRACE POE BOMBO RADYO CEBU INTERVIEW TRANSCRIPT

Bombo Marcho Lucabon: Senadora Grace Poe, maayong buntag!

Sen. Grace Poe: Maayong buntag po, Bombo Marcho at sa lahat ng nakikinig.

Marcho: Noong Monday at Tuesday pawang maiinit na salita ang naririnig namin dito sa Cebu. Isa sa eksplosibong expose itong statement ni Alan Peter Cayetano na chinachallenge ang MILF. As chairwoman, ano sa palagay mo, dapat ba talagang magtungo ang MILF next hearing?

Poe: Dapat naman talaga, kung sila ay tapat sa kanilang negosasyon sa gobyerno ay dapat naman bigyan nila ng salaysay ang ating kababayan kung ano sa pananaw nila at nakita nila ang nangyari sa Mamasapano. Siyempre gusto natin ng kapayapaan, hindi tayo makakabuo ng tunay na kapayapaan kung may mga anomalyang gaya nito. Kailangan muna bigyan ng hustisya. Ang pwede nilang gawin ay mageksplika sa Senado tapos isoli na ang mga baril dahil sinabi nila nagagawin nila at hinihintay natin yun. Kung sino man ang nakilahok sa bakbakan ay dapat i-surrender nila. Hindi para kaagad ikulong kundi para kwestiyunin kung ano talaga ang nangyari. May mga bagay na pwede silang gawin para patunayan ang kanilang sinseridad.

Marcho: Nagbigay ba ng ultimatum ang committee, o deadline kung kelan tutungo ang MILF?

Poe: Kinausap naming ang kinatawan, sabi namin ay kailangang malaman kung kelan nila iniisip na dumalo. Ang aming pagdinig ay bukas, Thursday at isang araw pa sa susunod na linggo. Kailangan ay talagang magpakita siya. Siyempre iniingatan din natin ito. Ayaw nating mas marami pang masaktan at magkagulo. Pero kailangan din nating ipairal ang awtoridad ng Senado. Kaya kung hindi sila magpapakita, ito ang dalawang option natin: Una, ipa-subpoena. Pangalawang option is, doon sa aking committee report na isusumite, pwede naming talagang ilagay na dahil hindi nakilahok ang mga pinuno ng MILF, kami ay nagdududa sa tagumpay ng pag-uusap dito sa Bangsamoro Basic Law. Hindi naman papasa ang BBL kung hindi ipinasa sa Senado o Kongreso. Kaya talagang kailangang makipag-ugnayan din sila sa amin. Mag-eksplika ng kanilang panig para mas maintindihan natin sila. Hindi ko sinasabing ibasura na ang Bangsamoro kasi marami din tayong mga kapatid sa Mindanao na naghihirap at kailangang tulungan na magkaroon ng kapayapaan doon. Pero hindi naman tayo pwedeng balewalain ng grupong ito kahit sabihin pa nila na sila ay revolutionary government--'pag hindi natin sila binigyan ng sanction sa hindi pagsunod ng batas, ibig-sabihin inutil ang gobyerno natin. Hindi naman tayo pwedeng pumayag sa ganyan.

Marcho: Senadora, kahapon you were talking about the statement awhile ago--revolutionary government. And I quote, eto yung isa sa mga naging puna ni Sen. Marcos sa kaniyang opening statement kahapon sa committee. Sa statement ni Iqbal, ano? Sa kanyang salaysay na ipinadala na in the verge of revolution pa rin sila kung hindi ipa-pass ang BBL. Isa ito sa tanong ngayon ng taumbayan na parang ginugulat nila ang gobyerno sa statement na iyan.

Poe: Talagang nakakagulat pakinggan. Pero, yun ang katotohanan. Sila ay talagang revolutionary group. In fact, others describe them as rebel groups. Mayroon silang mga ideolohiya, mga sariling pananaw kung papaano patatakbuhin ang kanilang mga teritoryo sa Mindanao. Subalit sila ngayon ay nakikipag-usap sa gobyerno. At sa pagkakaalam ko, gusto na nilang magkaisa, parang isang pamilya. Ito ang hinihiling nila at hangga't maaari, ibibigay rin. Pero hindi naman pwedeng babastusin tayo, diba? Yung sa Senado...Kapag pinapatakbo ang hearing, hangga't maaari binibigyan natin ng paggalang ang ating mga kinumbida. At ang tinatanong lang naman namin ay tungkol sa mga paktwal na mga bagay, o kaya mga nadidinig namin na gusto lang naming klaruhin. Ito ay para marining ng ating mga kababayan kung ano ang nangyayari sa gobyerno. Kay dapat, kung sila ay tapat, magpakita rin sila doon--makiisa ba. Na parang oo, kami ay Muslim, kami ay taga-Mindanao, pero kami rin ay Pilipino.

Marcho: This is a straight question, a categorical question on your part Senadora, nakita mo ba ang sinseridad ng Moro Islamic Liberation Front?

Poe: Naiinitindihan ko yung kanilang pinagdaanan. At sinasabi din nila, nung panahon nga ng martial law, ganoon din ang karahasan sa Mindanao. Naintindihan din natin 'yun. Ang bawat mandirigma ay may pamilya din na gustong makaahon na rin at makaalis sa magulong sitwasyon diyan sa Mindanao. Kaya lang po hindi ko po pwedeng sabihin na ang kabuuan ng MILF ay sinsero sapagkat hindi pa nga sila nagpapakita. So, hintayin natin na magpakita sila, kasi alam mo Bombo Marcho, sa mga nakalipas na araw, sabi namin ni Sen. Pia, ilang araw na ang nakalipas, 16 days ba magmula ng engkwentro na yun? Hindi pa nila naisosoli maski anong kagamitan ng ating mga pulis. Yung personal effects, katulad ng mga wallet o kung ano pa man, ano namang gagawin nila doon? Para na sa mga pamilya dapat yun. Yung mga baril, hanggang ngayon wala pa ring listahan ng mga tao na, kung dapat, ay imbestigahan dun sa sagupaan.

Kaya nga po nagkaroon ng Bangsamoro Basic Law. Kaya tayo nagkakaroon ng pagdinig sa Senado para yung mga batas na maipasa natin ay maayos. Kung magkaroon ba niyan at magkaroon sila ng autonomiya, magkaroon sila ng sarili nilang parliamentary doon? Papaano na tayo ngayon. Mas lalo na tayong mahihirapang makipag-coordinate sa kanila, yun ang isang iniisip ko. Kung ngayon pa lang nahihirapan na ang mga pulis natin na magkaroon ng safe passage doon sa MILF territories, ano pa kaya kapag sila na ang namahala ng autonomiya ng kanilang mga lugar diyan sa Mindanao. Kaya pag-iingat lamang dahil wala talagang kapayapaan na makukuha kung hindi pa rin natin maaayos ang pamumuno. Meron din silang mga representatives, ito rin yung tanong, ang mga representatives ba nila sa MILF may control din ba talaga sa ground? Kasi ilang oras ang sagupaan diba? Wala silang matawagan? Walang lider na magsasabing, tumigil kayo sa paglalaban. In short, coordination is also a question. Meron ba silang control sa mga tao nila.

Marcho: Kaya natanong ko ang categorical question na yan ay isa sa mga statement siguro or mandato kahapon ni Gen. Espina, sabi niya yung mga tao niya, walang habas na pinagbababaril and they shot at a very close range at ibig sabihin parang wala na bang kalaban-laban pinatay pa rin, Senadora. Ewan ko kung nakita niyo na ang mga video na nag-leak ngayon lang, na nakita ko sa social networking site na positibo yung sinabi ni Gen. Espina. I don't know if the Senate will take on this video para mapanood niyo at you can assess this one, Senador?

Poe: Actually nakita ko na yan nung isang linggo pa, kailangan talagang ma-beripika yun. Kaya nga po dun sa mga ibang survivors tatanungin natin dahil meron pang executive session. Ang ibig sabihin po ng executive session para sa kaalaman ng nakikinig, hindi po namin ipapakita sa publiko ang pagdinig na ito, hindi dahil may mga tinatago kaming mga sikreto kundi dahil ang kaligtasan, safety, ng ating mga witness sa ground ay inaalagaan natin. Kasi, akalain mo, kung ipapakita natin ang itsura ng tao na yan, na isa siya sa sumalakay kay Marwan, baka paghigantihan siya o kaya ang pamilya niya. Pinag-iingatan lang natin yun. Pero yung pag-uusapan namin doon irereport din namin sa inyo. Alam mo mahirap nga magpakita ng video, lalo na ang battlescars, emotionally yan eh. Pero ipapakita natin hangga't maaari para maberipika kung ganito ba ang engkwentro na nakita ninyo doon. Kasi kung close range firing, sabi niyo po, walang habas na pagpatay. Aba talagang para bang hindi nila nararamdaman ang importansya ng pag-uusap ng gobyerno at MILF. Alam mo dapat kasi kapag nag-uusap ng ganyan meron din silang mga seminars na sinasama nila ang mga tao sa baba at tinuturuan na, "alam mo ito yung mga ginagawa ng lider ninyo." Kasi kung hindi mo gagawin yan, baka bigla na lang sasabihin nila na "ano pumirma, pirma kayo diyan, ayaw naman namin niyan" o kaya "ano man yun patuloy pa rin kami magrerebelde." So yun po yung aming punto dito.

Marcho: Senadora this coming Thursday, sabi niyo kahapon na babalik ang investigation diyan sa Senado, ano yung talagang maabangan ng taumbayan lalong lalo na dito sa Visayas, ang magaganap this coming Thursday?

Poe: Sa ating mga kababayan, pagdating ng Thursday, yung mga resource persons namin ay babalik pa rin. Pero si Sen. Miriam, diba may sakit nga siya, nagpapagaling, ang sabi nga niya kung pwede sa Thursday siya mag-aattend. Tapos ang mga men on the ground, ang mga survivors natin, kasi yun talaga ang susi para mapagtugma-tugma natin ang story ng military at PNP sa kung ano talaga ang nangyari.

Marcho: So sa araw ng Huwebes na yan, makikita ng taumbayan, madidinig ng taumbayan kung ano ang istorya behind the scene ng mga naka survive, Senadora Grace?

Poe: Yun po yung aming pakay. Kino-coordinate namin na maka-attend siyempre yung iba sa kanila. Kung hindi physically, ay emotionally distraught din yan, titingnan natin kung papaano natin aayusin yung kanilang presentasyon sa Senado. Para sa ating mga kababayan sa Cebu, sa Visayas, alam niyo lahat naman po ng ginagawa namin ay hindi lamang para sa kabutihan ng isang rehiyon o sa isang siyudad. Ito ay para sa ating lahat, kapag nagkaroon ng kapayapaan, mas uunlad ang bayan natin, mas marami tayong investors, mas maraming makakabiyahe kung saan saan. Ang gobyerno rin, ang ating mga gastos sa conflicts ay mas mababawasan din. Kaya lamang ang problema nga dito ay kung ayaw naman maging sinsero ng mga pumapasok sa kasunduan. Ang ating mga kababayan diyan sa Cebu, very proud of their heritage. Ang culture ninyo, mga handicrafts, your business is thriving dahil kahit papaano may kapayapaan. And even if you're proud to be Cebuanos, you're proud to be Filipinos. Yun naman talaga ang hinahanap natin sa ating mga kababayan.

Marcho: Senadora Grace Poe, maraming salamat sa oras na ibinigay mo dito sa ating himpilan ngayon umaga. Magandang umaga po.

Poe: Daghang salamat po at sa lahat maraming salamat.

News Latest News Feed