Press Release
May 27, 2015

Bam on CJ Servillon, FOI, BBL Funding
(Radio Show Status Update)

On death of JRU player CJ Servillon We send our condolences sa kanyang pamilya.

Pero ang laki ng diskusyon na lumabas. Sabi ng mga tao, kapag may mga tournament, handa ba tayo sa mga ganyang klase ng aksidente o ganyang klase ng insidente?

Dapat siguro, ang mga nag-to-tournament handang-handa, mga ambulansiya, first aid, lahat ng kailangang maitulong sa ating players, sana mayroon sila.

Actually, kahit iyong audience. Kahit sino na magkaroon ng kapansanan, kailangang handa na matulungan nila.

Si Senator Angara na head ng Committee on Sports sa Senado ay magsasagawa ng isang imbestigasyon. Nasabi niya na babantayan nila ang mangyayari dito. Tutulungan natin si senator kapag panahon na ng imbestigasyon.

We just want to make sure sa mga tournament, actually kahit sa mga liga. Noong bata kasi ako, sumasama ako sa mga liga-liga.

Dapat talaga ang mga ganyang klaseng tournament, handa talaga sa kahit anong masamang insidente na mangyayari, sa athletes, sa audience, sa coach o sa referee.

On the Filing of House FOI Committee Report Iyong FOI sa Senado matagal nang naipasa. Pasado na po iyan sa amin last year pa. Wala pong kumontra sa amin sa Senado.

Sa Kongreso, hinihintay natin ang FOI version nila. Kapag sinabi pong napasa na iyong committee report, mahalagang-mahalaga po iyan, kasi ibig pong sabihin niya, iyong pinaka-basic, iyong committee level, nakalampas na po ito.

Ang susunod niyan sa plenary na. At kung makapasa po iyan sa plenaryo, on its way na po iyan sa pagiging isang batas.

Alam ko po na isa iyan sa mga goals ni Speaker Belmonte na maipasa ang FOI bill before the end of P-Noy's term, kung hindi po ako nagkakamali.

Magandang pangitain po iyan sa FOI bill. Palagay ko po, ilang buwan lang, maipasa na ang bill.

On Passage of BBL's P37B Funding Sa Senado, hindi pa po natin ito nailalabas sa committee. Kaya medyo mahaba-haba pa po ang proseso sa Senado.

Pero ito pong P37 billion na iyan, siyempre maraming magkukuwestiyon kung saan pupunta iyan.

Again ang sabi ko naman palagi, ang perang iyan, hindi naman iyan mapupunta sa armas.

Pupunta iyan sa imprastruktuka, pupunta iyan sa mga eskuwelahan, pupunta iyan sa support services. Iyon ho ang balak.

We just need to make sure na doon nga pupunta ang perang iyan.

News Latest News Feed