Press Release
January 13, 2016

SEN. GRACE POE INTERVIEW TRANSCRIPT
Interview with Ted Failon, Failon Ngayon

Ted Failon: Good morning po, Madam Senator Grace Poe. Good morning Madam.

Sen. Grace Poe: Hello, magandang umaga po, Manong Ted, at sa lahat po ng nakikinig, magandang umaga po.

Failon: Good morning Madam, and thank you for the time. Ito lang po, I'm sure inyo pong nabalitaan o nabasa o napakinggan po sa radyo, napanood sa telebisyon, itong sinasabi po na iyon daw hong mga sira sa tren noong Biyernes last week, ay kanila po daw hinala ay sabotahe. Ang akin pong take kahapon dito.. sabi po ng MRT 3 management, pati ho ng DOTC, pananabotahe. Ang take nga po namin, mukhang nakakatakot po yun dahil baka sabotahiin ito ulit at magkaroon na ho na malagim na disgrasya. Kailan ho ba itong inyong imbestigasyon na ito Ma'am, para po maalam din iyan, malaman po ninyo kung ano itong sinasabing pananabotahe na ito, Ma'am.

Poe: Pagdating po ng resumption ng aming session sa 18, ite-take up po namin yun sa committee, sa mother committee po ng public services, kung ano ang aming susunod na gagawin. Sapagkat ganito po yun, ang dami na po naming pagdinig. Ngayon, noong nag-issue po ng statement ang DOTC na hindi na po nag-back out yung Korean firm, ang sinabi namin magbubukas kami ng separate hearing para doon sa kontrata nito ngang maintenance na kasama yung Busan sapagkat yun ay talagang kailangang busisiing mabuti. Tapos yung mga dati naming naging pagdinig ay kailangan na rin maglabas ng committee report. Ngayon, kahapon naman, or noong isang araw, naglabas naman ng statement si Secretary Abaya na sinasabi nga na sabotahe. Yung sa akin, o sige, kung sinabotahe talaga iyan, hindi ba responsibilidad din nila na ang seguridad noon ay maayos? Na binabantayan nila, kung may CCTV na yung inventory rin ng mga gamit na hindi nawawala at hindi nananakaw, at pati yung security mismo, physical security ng lugar, kailangan responsibilidad nila yun. Kaya nga po sa Lunes, kailangan talakayin na rin namin kung papano at kung gaano kabilis namin mase-set up kung magkakaroon muli ng isa pang pagdinig ukol dito. Kung hindi man, dahil nga yung pagdinig di ba, minsan ang tagal rin bago sila kumilos, baka puwede na namin silang tawagin for a meeting kaagad para lang malaman kung ano ba talaga yung ginagawa nila.

Failon: Ito ho, ma'am, na hearing na ito ay with or without Secretary Abaya? Or you will depend really on his presence?

Poe: Mas maganda po sana yung mismong namumuno ng isang ahensya ay nandoon sapagkat ang nangyayari pag wala siya doon, ay pasahan lang sila. Ang sinasabi, kasi wala dito si ganyan, o kaya ay sa susunod ay ibibigay namin ang aming kasagutan. Mismong pinuno dapat nandoon. Pero alam niyo po, Manong, e madalas po 'pag pinapatawag namin sila ay hindi po makakapunta 'yung pinuno, hindi makakapunta halimbawa 'yung engineer. Hindi po kumpleto. Kaya nga sabi namin kung mayroong peligro ay talagang kailangan meeting na mabilis na. Kasi kung sa public hearing, minsan hindi ka maka-reserve na kwarto o kaya 'yung resource person hindi available. Baka nga kailangan personal na pagtatawag sa kanila na pumunta para magpulong.

Failon: Ay nako. Ma'am, so papaano 'yan kung sabihin niyang hindi siya available, Ma'am?

Poe: E 'di kailangan ay sabihin niya na lahat ng mga katanungan, 'yung mga ibang namumuno doon sa iba't ibang departamento niya ay nandoon. E ang problema nga po sa kanila, at sinasabi ko na nga rin po, sa Senado ang dami mong gustong gawin o sa Kongreso hanggang sa pagdinig ka lang, pero 'yung talagang pwedeng mag-alis sa kanila o kaya pwedeng umaksyon ay sa ehekutibo lamang. Kami kasi pagdinig para sa batas, rekomendasyon. Kaya nga nakakainip talaga ang ganitong sitwasyon na wala kang kapangyarihan. Opo.

Failon: Nakaka-frustrate, Madame, ano? That's the word. That's the word. Nakaka-frustrate.

Poe: Nakak-frustrate pero more so doon sa mga pasahero.

Failon: Yes, Ma'am.

Poe: Dahil kami nga, sa pagdinig pa lang ay ganyan na. E sila sa araw-araw po...

Failon: Yes, Ma'am.

Poe: ... na ginawa ng Diyos ay kailangan nilang pagdaanan 'yan. At hindi lang 'yon, 'yung kanilang... 'yung peligro po niyan. Kaya nga hindi pwedeng excuse, sabotahe. Kailangan, bakit hindi ninyo natunton 'yan? Bakit ano problema ninyo?

Failon: Opo. Well, saka ho interesting nga 'no kasi inaasahan din po natin 'yung pangako nila na by this quarter ay 'yung mga bagon na in-order ay magdadatingan na. Saka kung ito ba ay match nga sa system and 'yung review nga of all of these, contracts medyo ano ho, medyo limited time na po kayo. How do you see this, you know, being summarized?

Poe: Actually, matagal na kaming nag-uumpisa mag-summarize nu'n sapagkat mayroon ngang mga deliverables sila by date e kaso lahat 'yon hindi nila nagagawa. So, partially natatapos na 'yung aming committee report. Kaya nga gusto namin mag-move on sa Busan, kasi pagdating doon, 'yun ang mas comprehensive. Hindi... kung isasama pa natin doon sa mga nakaraang pagdinig ay matatagalan pa pati 'yung mga rekomendasyon. Sabi ko nga hanggang ngayon, hinihingi pa rin namin 'yung kopya ng kontrata na 'yan at maraming nagsasabi na, 'yan ba 'yung original na contract o na-revise ba 'yan to make concessions para hindi umatras ang mga Koreano. Maganda naman na hindi sila umatras kung sila lang talaga yung may technical know-how kaya lang nga po e tingnan natin yung kontrata. Ito po ay negotiated contract and wala man lang tayong kaalam-alam kung ano ang mga probisyon ng kontrata na 'yan.

Failon: Actually nga po, may information dito, Madame, speaking of itong kontrata sa Busan. If you recall, nag-announce noon si Ginoong Abaya na mayroon silang kinuhang German firm, 53.4 million. Ito po yung last October last year para po i-upgrade yung lumang MRT 3 Signaling System.

Poe: Oo nga tapos hindi nila binabayaran. 'Di ba ito po 'yon?

Failon: Ma'am, this is different then. Yes, ma'am. Ito po'y nai-post nila sa kanilang website, actually, at sabi po it will take seven months for this German firm to upgrade the signaling system. Kaya nga po ngayon ay may bago na parang duplication. Alam niyo po, Ma'am, talagang napakaganda po nitong um-attend si Ginoong Abaya at kayo po'y kumpleto po ng facts at dokumento para isa-isahin na natin. Nakakamagkano na po ba talaga tayo dito sa maintenance na ito? Ano ba ang deriverables nito? Parang, Ma'am, kasi ang pinag-uusapan kasi dito ay - of course, nandoon na nga po tayo - yung comfort, convenience, at safety ng mga pasahero pero yung malaking pera din po ng bayan ang ginugugol dito e.

Poe: Kasi nasasayang ang oras ng maraming tao, pati kami, pati na rin pera ng gobyerno. E kaso pantapal lang lahat ng ginagawa nila e. Alam niyo po, as early as 2012 ay mayroon na po dapat 'yang aksyon. Mayroong isang kumpanya na gusto sana na yung upgrading at yung maintenance ay sila na ang magpatuloy. Ang sinasabi ay hindi daw puwede sapagkat hahaba pa daw yung kontrata ng pagmamay-ari nitong MRT. Pero kung iisipin naman ninyo kung ginawa natin 'yun noong 2012 ay kumpleto na sana yung ating mga tren, hindi na sana nagkabuhol-buhol pa yung pagpipina diyan. Parang iniisip mo talaga na hindi sila makapagpagawa ng desisyon. Masyado silang... Hindi ko naman...Mahirap na talagang magsalita e.

Failon: Opo. Well, anyway, sige po. Well, pareho nga lang tayo dito, yung ating frustration po at saka yung nagtitimpi. Sige po. So, we will wait by Monday kung kailan po itong hearing na ito.

Poe: Opo. Sa ating mga kababayan po, hinihingi din namin lahat ng mga dokumento sa kanila. Hindi po ganoon kabilis na makakuha dahil alam mo naman yung sistema natin dito ng hustisya at byurokrasya na, katulad din ng galing sa inyo pati na rin po katulad kay Ginoong Jarius, kung saan nakakakuha siya ng impormasyon. 'Yun muna ang nagiging basehan namin at nakakalungkot kaya't dapat ipasa na nga natin yung freedom of information sapagkat kalokohan itong mga naitatagong mga ganitong bagay sa atin.

Failon: Well, kung kayo nga na senador ng bayan ay nahirapan pong kumuha ng dokumento diba. Kami pa kaya sa media. Mabuti pa si Jarius Bondoc, e alam niyo ho 'yon medyo may mga manaka-nakang sources. Madame dito ho naman po sa ano no, dito ho sa Mamasapano reinvestigation, opening of the investigation.

Poe: Opo.

Failon: I asked you before kung mayron na ho kayong listahan ng iimbitahan po ninyo.

Poe: Opo.

Failon: Mayron na ho ba?

Poe: Mayron pong pinadala ang tanggapan ni Senator Enrile na listahan ng mga resource person. Isasapubliko po natin 'yan sa lalong madaling panahon, siguro sa Lunes pag kami'y nag-resume. Sapagkat ganito po, nais ko pong klaruhin ano. Sabi ko nga po, personal na tutol na buksan ito sapagkat marami na tayong naging pagdinig. Pero bilang isang senador, si Senator Enrile sabi niya, may mga hindi kayo natanong na maaaring maglabas ng ibang katotohanan ukol dito. So can you refer sa (Committee on) Rules, gusto kong linawin sa Lunes ang boto ng Rules ukol dito at kung may tututol. Sapagkat ganito, hindi nila nilagay on record kung sino sa mga komite ang may gusto nitong buksan. Kailangan naman maging maayos at transparent 'yon. Sa tingin ko, ito'y matutuloy pero kinakailangan talaga on the record lahat po 'yan, kasi wala po sa transcript namin at sinasabi ko na po. Tapos nu'ng umpisa sabi namin, kung dahil nga mabubuksan ito ay kinakailangan, ang petsa na yata na naibigay namin 25th. Pero napag-alaman namin at naisip-isip ko rin ano, marami rin namang mga personal na mga gustong gawin sa araw mismo nang nangyari 'yon. Kasi tulad ng PNP, mayron yata silang okasyon para kilalanin ang mga namayapa. So maaari nating gawin mga ilang araw pagkatapos nu'n para hindi naman po masyadong sabay.

Failon: Oho. Opo, pero madame ano ho kumbaga ito hong sabi ho ninyo, lilinawin ninyo sa committee on rules ninyo, kung ito bang gagawin niyo ay naaayon sa rules. Tama ho ba 'yon?

Poe: Kung sino sa kanila ang nag-aakala nga na ito ay talagang naaayon at dapat pang buksan kasi mahirap po. Nag-release po sila sa media ng desisyon pero 'yung sa aming tanggapan wala pa po kaming natatanggap na liham. At sa transcript, binalikan namin 'yung transcript. Nagkasundo na 'yung mga miyembro pero sila ang nag-uusap. Walang nag-manifest sa floor. Alam ko ito po'y napaka-teknikal ano. Pero nag-iingat lang po tayo na lahat ay dapat on record.

Failon: Alright. Opo.

Poe: Sabihin nila na... Opo.

Failon: Yes, go ahead ma'am.

Poe: 'Yun lang po. Hindi kasi sa namumulitika. Importante po ginagampanan natin ang ating trabaho. E mahirap na pong masisi na sasabihin, e ikaw lang ang gustong magpabukas niyan. Hindi po. Ito po'y proseso natin

Failon: On record, sino ba ang may gusto nito at kung maaari nga po, pwede ba on record din, pagbotohan natin ito?

Poe: Doon po sa rules, kung ano po yung manifestation nila, opo.

Failon: Yes, mam. Hindi po ba. Opo.

Poe: Dapat ganun.

Failon: Opo, because, mam, ako po, your Honor, my take here is really, kung maaari, diba ang akin pong tanong sa inyo, mayroon ba kayong impormasyon kung anong impormasyon ang hawak nila? Kung ito ba ay bago talaga? Kasi kung wala naman, bakit pa natin bubuksan ito sa panahon ng kampanya at definitley mababahiran po ito ng kwestyon ng pamumulitika. Nandoon po at nandoon iyan, it is really so, if you try to tread, kung ikaw ay tatawid diyan. Mahirap manulay diyan mam.

Poe: Totoo, tama kayo diyan. Ako nga mismo hindi nga sang-ayon, kaya nga gusto ko, at hindi mo naman mapipilit din, halimbawa si Senator Enrile, na ilabas na bago yung hearing yung ebidensya. Ang sinasabi niya, dahil daw kulang ang pagtatanong ay hindi daw nasiwalat kung ano talaga yung mga nangyari sa ibang, hindi daw nasagot ang mga dapat sagutin kaya may lalabas daw na bago. Mahirap po iyon kaya gusto kong linawin sa plenaryo na ganyan. Ngayon sa ating mga kababayan naman na nagsasabi na pulitika at ano, ito po ay trabaho namin. Ngayon kayo naman po ang huhusga sa aming pagtatanong at sa aking pagpe-preside kung ito ba ay ginawang grandstanding o kung ano pa man. Ang ayaw ko talaga, manong, ay ang sabihing inuurungan ang isang responsibilidad o laban. Ito po ay inalagaan natin para maging patas ang report at pagdinig. Hindi ko pwedeng basta-basta ihabilin, lalong-lalo na siyempre dahil nga kami ang tumutok dito, kami na po ang nag-review at lahat. Kung ihahabilin mo sa iba, e biglang maguumpisa nanaman sila sa pagrereview doon sa pinaka-umpisa.

Failon: Yes mam, that's the danger there, ano po, ngayon pa lang po, madam, kasi po marami pong mga miyembro ng Kongreso, either House ano po, ugaling-ugali yung late dumating sa session, sa hearing, yung natanong na po ng ibang nauna, uulitin.

Poe: Iyon na nga e.

Failon: Kapag iyong sinita, sasabihin sa iyo, wala ba akong karapatan magtanong? Alam niyo po, may ganun e. Hindi po ba, dumating ka ng maaga, nag-aral ka ng mga issues, nagtanong ka ng maayos, may dumating na late, uulitin lang yung tanong, tapos sasabihin mo natanong na iyan, bakit wala ba akong karapatan magtanong? Alam niyo ho iyon, ito ang iniiwasan ng mga chairman na magkabanggaan sila but dito po, in this case, unang-una makapal ang transcript nito, may committee report na po ito, ang atin lamang ay magsisimula ba kayo ng katanungan from the very beginning?

Poe: Alam niyo po sa aking binabalak, kung ito nga ay ating gagawin, yung mga bagay na klaro nang natanong at wala namang premise doon sa mga sinasabi ni Senator Enrile, pwede ba 'wag na ho nating ituloy pang umpisahan 'yan. Sapagkat madedelay lang talaga tayo. E, kung pwede ngang tapusin na lamang natin sa isang araw ang pagdinig, pero alam naman natin si Senator Enrile ay isang batikan na abogado. Hindi natin alam kung saan hahantong kaya nga talagang nag-iingat rin ako dahil kailangan yung pag-preside nito ay may paggalang sa ating kapwa senador. Pero higit sa lahat ay may paggalang din sa mga naging pagdinig na rin natin at mga naging findings nito o yung mga nadiskubre na nating bagay. Kung ibang committe chairman ang gagawa nito, sa aking pananaw, maaring maiba pa ang report. Sapagkat kung ako ay, halimbawa, mag-inhibit ay maiiba pa rin pati ang konklusyon nito at hindi na ako pwedeng makialam. Okay lang 'yon na maiba yung konklusyon basta talagang matibay ang ebidensiya laban sa mga nasabi na noon. Sinasabi ko rin sa mga dadalo na kapag nalaman namin na hindi ninyo sinabi sa amin ang mga impormasyon na 'yan noon na tinatanong namin sa inyo, meron din kayong pananagutan sa batas. Sapagkat, noon pa man na nag-executive session na kami, hindi ninyo pinagtapat 'yan. E, bakit ngayon lang? Ayun po ang ating sasabihin.

Failon: Good luck. Kami po ay talagang manonood po't makikinig dyan dito po sa manner ng inyong pag-preside sa hearing na ito. Last, Ma'am, may panukala si Sen. Trillanes. Yung transcript, yung laman po ng usapan ninyo during the executive session with General Napeñas, para daw ho ma-ano na yan, para daw ho malantad na kasi sabi n'ya, ito pong mangyayaring hearing na ito, s'ya din po ay hindi po sang-ayon. At baka lang po magkaroon ng... Alam n'yo po yun, iba ang sinabi sa executive session. At hindi n'yo ho s'ya ma-confront kasi nga executive session po yan. Ano tingin n'yo po dyan?

Poe: Ako kasi ho, dun sa aming mga naging executive session, wala naman akong nakitang dapat pang itago. Kung meron man, magpapatunay nga... May isa kaming resource person na hindi naging tapat sa maraming mga pananalita n'ya. Para sa akin, yan ay pwedeng ilabas basta pagbotohan ng mga miyembro ng Senado. Dahil kung ako po, Manong, ang maglalabas n'yan mag-isa, ako po ay may pananagutan. Sapagkat executive session, kailangan merong kumpirmasyon ng mga ibang miyembro.

Failon: Sige po. Again, we will be watching po, and good luck Madame.

Poe: Maraming salamat po sa inyong panalangin, sa ating mga kababayan. Basta ang maipapangako ko sa inyo, interes lang ninyo. At kahit ako man ay kandidato, trabaho pa rin ang aking ginagawa. At kayo po ang huhusga kung naging maayos o hindi ang kung ano pa man ang pagdinig. Maraming salamat po.

Failon: Thank you, Sen. Grace Poe.

News Latest News Feed