Press Release
August 15, 2017

Transcript of Grace Poe's DZMM interview Dos Por Dos with Anthony Taberna and Gerry Baja

TABERNA: Magandang gabi po sa inyo.

POE: Magandang gabi, Ka Tunying, Gerry at sa mga nakikinig.

TABERNA: Si Senator Grace Poe po ang chairman ng Senate Committee on Public Services. Una, ano po ang naging reaksyon ninyo bilang kayo ay nagrereferee dito sa isyu na ito, noong ibinagsak ng LTFRB ang kanilang desisyon in suspending the accreditation of Uber for one month po, senator?

POE: Siyempre iyong una kong reaksyon dito nagalit ako sapagkat, sa aming pagdinig ang akala kong mali ng--(line cut)

TABERNA: Babalikan po natin si Senator Grace Poe.

***

TABERNA: Senator may binabanggit po kayo tungkol doon sa pagkagalit ninyo?

BAJA: Pagdedesisyunan?...

POE: ...Wala nang patumpik-tumpik pa, sasabihin ko sa inyo. Naghearing kami noong August 3, doon sa hearing namin, inamin naman ng Uber na meron silang pagkakamali. Ngayon, ito namang LTFRB, sabi tatanggapin naman namin iyong, kung meron kayong motion for reconsideration para magkaroon nga ng mas amicable set-up tungkol nga dito.

Ang problema wala namang, wala man lang kahit papaano (inaudible) hindi naman kailangan na i-stop bigla e, sapagkat napakarami nga ng dependent dito. Hindi ko sinasabi na walang kasalanan ang Uber. Alam mo sa totoo lang may pagka-swapang din kasi iyong nangyayari dahil tanggap sila nang tanggap ng aplikasyon.

So ito namang LTFRB, napakabagal rin ng kanilang pagdedesisyon. Ano ba ang ibig sabihin ng ride-sharing? Hindi naman tayo papayag na mayroong ibang konsiderasyon, halimbawa mas mabigat ang requirement sa taxi. Pero ito namang Uber, mas madali nga ang aplikasyon nila, pero huwag naman tayong papayag na ang isang tao ay merong (madaming) sasakyan. Hindi na ride-sharing iyon. Kaya nga ang sabi na lang namin, dapat sa LTFRB, iyong regulasyon ninyo, ano ba talaga iyong inyong requirements, ilabas na ninyo. Ilang taon na rin iyan. Bagama't hindi naman kayo yung dating nakaupo diyan, pero nadatnan na ninyo yan, hindi pa ninyo makita yung original na application form.

Ano bang klaseng, parang incompetent nga yung nakikita namin. Tapos ito, mali ang Uber, meron silang pagkakamali. Pero sa parusang ibibigay sa kanila, pwede naman kasing multang napakabigat, na ang multa na yun, mag-aaray talaga ang Uber, pero hindi maaantala ang mga pasahero, meron pa ring matitira.

Pwede naman yung mga hindi nakarehistrong sasakyan, 'yun lamang ang isususpinde muna habang nagdedesisyon sila, pero bilisan din nila ang pagdedesisyon dyan kung ano ba talaga. At isa pa, 8 taon na nilang pinagdedesisyunan--ng LTFRB--ang flag-down rates ng mga taxi.

Kaya naman ang serbisyo ay masama, ayaw nilang magpasakay ng pasahero, kasi napakaliit ng kanilang flag-down rate hanggang ngayon. So siguro naman para makapagkompetensya sila, bigyan ng konting allowance naman. Tapos hanggang ngayon, wala pang desisyon yun. Kaya nga sa driver ng taxi, siyempre nakakainis din naman na hindi patas yung batas.

TABERNA: So Senator, para lang ho mas klaro ang ibig nyong sabihin, okay lang parusahan ang Uber dahil swapang ito? Dahil sa kanilang ginawang pagtanggap pa ng bagong application despite the order, yung specific instructions ng LTFRB na tumigil na. Dapat silang parusahan dahil sa swapang ito, kaya lang hindi dapat sinuspinde dahil pati driver apektado. Ang gusto ninyo ay multahan sila nang malaking malaki? Yung iindahin nila?

POE: Oo, multahan yung Uber. Kasi hindi ba parang, hindi ko alam yung sharing, parang 20% napupunta naman sa kanila, hindi ba? So pwede naman siguro na parang aaray sila para mag-iingat na sila ulit.

BAJA: Mga ilang daang milyon ho kaya senator (laughs)?

POE: Alam mo, may meeting tayo bukas. Ayun nga, tama ang sinabi ninyo. Hindi ba, referee ang trabaho ko ngayon. Okay lang naman kasi oversight talaga ang trabaho ng Senado. Ayaw ko ng napakahabang hearing. Kung maayos naman natin ito na, 'o ano ang gagawin ninyo?' Alam ninyo, doon sa ibang mga Uber driver, marami din kasi mga senior citizen o kaya mga OFW.

TABERNA: Anong oras po iyung meeting ma'am? Aabangan po namin...

BAJA: Hindi ba pwede ang media coverage?

POE: Hindi muna, tapatan muna sila. Tapos magbibigay tayo ng breather. 10:30 a.m. (ang meeting), so they can be more candid. Pero hindi din naman kasi pwede na wala ring regulasyon eh, kaya titingnan na lang natin. So ayun lang.

TABERNA: Aabangan po natin iyan. Senator Grace Poe, maraming salamat po sa inyo.

BAJA: Salamat po.

POE: Walang anuman. Salamat.

News Latest News Feed