Press Release
February 12, 2019

TRANSCRIPT OF GRACE POE'S AMBUSH INTERVIEW
School Feeding Program in Payatas, Quezon City
Feb. 12, 2019

Question: Ma'am bakit dito sa Payatas, sa mga bata?

Sen. Grace Poe: Oo nga mga bata--hindi botante--pero sila naman talaga ang sa umpisa pa lang, alam naman ninyo na 'yun talaga ang ipinaglaban ko sa Senado: na ang pinakamahihirap at nangangailangan ay dapat na unahin. Mga bata talaga 'yun. Akalain ninyo kung lahat ng public schools, mabibigyan ng mainit na pananghalian ang mga bata, malaking tulong 'yan sa pamilya. At saka sa ngayon, ang batas na isinulong natin ay pasado na so magkakaroon ng malaking pondo para sa feeding program ng mga bata.

Q: Ma'am since 2016, parang first time niyo po ulit naka ganyang outfit na papasok sa kampanya, what makes this campaign, aside from the obvious reasons, very different from the one when you ran last 2016.

Poe: Alam mo sa panahon ngayon talagang inaalay ko lang ang sarili ko. Parang, kung tatanggapin ako ng ating mga kababayan natin muli, marami talagang salamat, kasi napansin ko, hindi lamang batas ang dapat itinutulak, dapat ang implementasyon din, na may sapat na pondo para mabigyan ng buhay ang mga proyekto na makakatulong sa mga bata, sa ating mga kababayan. Saka patuloy yung pangarap ng aking tatay na ang pinakamahihirap at naaapi ay hindi dapat makalimutan. Para sa akin ang 2016 ay isang karanasan na hindi ko makakalimutan. Pero sana ito'y makatulong sa akin ngayon para alam ko talaga kung anong magagawa ko sa ating mga kababayan.

Q: May lessons learned kayo Ma'am from that campaign?

Poe: Oo siyempre ang natutunan ko talaga, unang-una dapat respetuhin natin kung ano man ang kagustuhan ng ating mga kababayan. Pero pangalawa, natutunan ko rin sa pag-iikot ko, marami talaga tayo puwedeng gawin para makatulong maibsan ang kahirapan... Hindi ko sinasabi na ako lamang ang may sagot nito pero sana 'yung 12 na makakasama ko lahat kami makatulong para mas maging maayos naman ang kalagayan ng ating mga kababayan at isang halimbawa dito itong mga batang nakita ninyo. Sila talaga ang simbolo ng pag-asa, kaya gusto ko dito mag-umpisa kasi masaya...nagpapaalala sa akin kung bakit ako tumakbo sa unang pagkakataon at bumabalik ako doon.

Q: Independent candidate po kayo ngayon, paano po ito as compared to before in 2013 when you ran for senator?

Poe: Oo siyempre noon kaalyado natin ang administrasyon, ngayon tayo ay tumatakbo ng independent pero ang maganda naman nito ay kahit wala kang pinipiling grupo, lahat naman kung sino ang gusto nating tulungan o gusto tayong tulungan, e 'di maraming salamat.

Q: On running her campaign as an independent

Poe: Sa tingin ko naman ay sapat naman para matugunan natin ang pangangailangan ng kampanya, may mga kaibigan naman tayong tumutulong, ang aking nanay ay tumutulong rin pero higit sa lahat katulad nito, itong pagpunta rito, hindi naman ito napakalaking bagay na dapat i-organisa. Ang mga bata kailangan naman talaga ng pagkain. Tapos bukas pupunta naman kami sa Tondo kung saan marami naman talaga doon ang nagmahal at sumuporta sa aking ama, sa tingin ko naman ay mainit rin siguro ang pagtanggap sa atin.

...

Q: You've been a consistent frontrunner sa mga surveys Ma'am, how important is that to you? Does it matter or sa inyo po, let the survey speak

Poe: Unang-una siyempre, nakakataba ng puso 'yan 'di ba...pero 'yan ay malaking hamon sa kahit na sinong kandidato kasi alam naman natin na kapag nangunguna ka, malaki ang expectation sayo. Ako naman, ang natutunan ko sa 2016, sa 2013, basta kung ano lang ang sa tingin ko na magagawa kong tulong, wala nang kaplastikan ito; ako, ito ang gusto kong gawin para sa ating mga kababayan, very basic, pagkain nila, mabigyan sila ng pagkakataong labanan ang korapsyon, 'yun ang inaalay ko, sana maging katanggap-tanggap sa kanila.

...

Q: Are you endorsing anyone among the other senatoriables, considering na ikaw ang may bigat, being number one?

Poe: Lahat kami sana i-endorse ang isa't isa, basta for sure 'yung re-electionist senators halimbawa si Senator Angara, Villar, JV Ejercito, Aquino, Nancy Binay, lahat 'yun at saka si Senator Serge kasi tinulungan naman niya tayo, ayoko naman kasi baka magtampo ang iba, pero nabanggit ko lang si Senator Serge sa labas ng re-electionists kasi iba naman 'yun.

...

Poe: On Feb. 22, sa Las Piñas naman kami si Senator Cynthia naman ang nag-iimbita sa amin, tapos si Senator Serge kasama so sana lahat kami magtulungan lalung-lalo na si Senator Nancy pareho kaming walang partido.

...

Q: Noong 2016, parang nagsimula na 'yung so-called fake news at disinformation, coming into this campaign, ano po 'yung strategy natin in terms of dealing with that kind of problem that you'll be facing definitely over the next few weeks.

Poe: Alam mo, kung mayroon man tayong natutunan noong 2016, 'yan ay ang paglaganap ng mga fake news. Ako, malaki na ang tiwala sa ating mga kababayan ngayon na medyo nag-iingat na rin sila sa mga balita na nakikita nila. Sa tingin ko malaki ang magiging role ng mainstream media para ayusin o magbigay ng tamang istorya. Pero ako, ang balak ko ganito, kung mayroong mga kuwento sa akin na hindi totoo, kahit online sasagutin ko ito para mas madaling makuha ng ating mga kababayan kaagad ang tamang impormasyon.

Q: Ma'am in 2013, na-deliver niyo naman a significant part of your platforms, mga legislative agenda ninyo...ano 'yung mga gusto ninyong ma-prioritize?

Poe: So in 2013, ang mga ipinangako ko, pati ang libreng pananghalian, pasado na. 'Yung tulong sa mga nanay at baby, 'yan mayroon ding malaking pondo 'yan, ang mga daycare centers. Pero hindi lang 'yon, pati ang validity ng driver's license niyo, 5 to 10 years na, supposedly 3. Tapos ang mga first-time jobseekers, 'pag nag-apply sila, mga NBI clearance nila, mga check-up nila, libre na 'yon. Free wi-fi, binabantayan natin ang internet para mas mabilis. Okay, ngayon ano ang gusto ko gawin? Freedom of Information, importante 'yan dahil 'yan ang paraan para mabantayan natin ang pondo ng bayan. Pangalawa, gusto kong siguraduhin na ang budget ay mapunta talaga sa mga ganitong uri ng tulong ng gobyerno. Tataasan natin ang tulong pagdating sa cash transfer, pagdating sa edukasyon, pagdating sa pagkain; at 'yung coco levy funds na hanggang ngayon ay hindi pa rin nadi-disburse 'di ba, so tututukan natin 'yan na mapupunta talaga sa mga magsasaka natin; mga drayber natin, mga pasahero natin, lahat 'yan patuloy nating gagawin. Pinangako ko 'yan at ang mga pangako ko sinisikap kong hindi mapako.

News Latest News Feed