Transcript of Senator Nancy Binay's interview on
Politiko's BALITAAN AT KUMUSTAHAN (hosted by Jon Ibañez)
29 March 2021

Jon Ibañez (Q): Magandang tanghali po.

Senator Nancy Binay-Angeles (SNBA): Magandang tanghali, Jon, at magandang tanghali sa nanonood at nakikinig ng iyong programa.

Q: Kumusta po kayo, Madam Senator? Hoping na nasa mabuti kayong kalagayan.

SNBA: Mabuti naman, pero alam mo yung feeling Jon na parang may nerbiyos at may kaba kasi nga parang pagbukas ko pa lang ng cellphone ngayon ang nakikita ko na mga messages, either sa Viber group or pag binasa mo sa Twitter ay yung mga may kakilala tayo na either nag-positive or nasa hospital. So talagang nakaka-nerbiyos kasi hindi mo alam kung sa susunod it is somebody very close to you, yun na ang tatamaan ng Covid na ito.

Q: Nafi-feel ko po kayo, at nafi-feel ko ang buong sambayanan at buong mundo dahil mai-share ko na lamang po, Senator, mismong kuya ko naka-confine po ngayon because positive, at saka ang buong pamilya, ang wife niya at saka mga anak niya medyo mild lang, pero ang talagang na-solid kuya ko. So, ilang araw na siyang confined sa ER ng isang hospital. Good thing na lang po nagawan ng paraan na ma-confine siya. So prayers po.

SNBA: Prayers for his healing.

Q: Opo, pang-buong mundo, Senator. Talagang hindi biru-biro. Kaya lang sabi nga nila the show must go on. Pasensiya na rin po kayo kung sa dinami-dami ng pinagkakaabalahan ninyo ay itinuloy pa rin natin itong broadcast. At kung naninibago po kayo ma'am sa mga nakikinood sa ating broadcast, medyo bago po, work-from-home po kami dahil nga isinailalim na tayo sa ECQ. So kayo po, ma'am, kumusta po? Nasa bahay lang po ba kayo o medyo lumayo-layo na kayo sa Metro Manila para mas maganda ang simoy ng hangin?

SNBA: Ah, hindi. Nandito lang ako sa Makati at I think more than 1 year na akong naka-work from home. As much as possible hindi talaga tayo lumalabas ng bahay. Siguro naka-attend lang ako sa session namin siguro mga 3 or 4 times pa lamang during the past year.

Q: Speaking of Senate, ma'am, natapos ang inyong session. Actually last week pa yata natapos and then break na, nahabol nyo po bang tapusin ang mga dapat tapusin na aktibidad o trabaho nyo sa Senate, ma'am?

SNBA: Yes, Jon, halos lahat ng kailangan--lalong lalo na dito sa laban natin against Covid naipasa na namin way before pa kami nagbakasyon. Kung matatandaan mo, hindi ko alam kung 2 or 3 weeks ago napasa na namin ang vaccination law na kinailangan dahil nakasaad doon ang indemnification na nire-require para matuloy ang donasyon doon sa Covax facility. Kahit naman naka-break kami patuloy pa rin ang mga committee hearings namin sa Senado. In fact, I think pagdating yata ng April 6 may naka-schedule kaming Committee of the Whole patukoy naman doon sa issue ng pagtaas ng MAV para doon sa baboy.

Q: Speaking of session break, 'ika nga'y hindi rin maiiwasan nagtatrabaho pa rin kayo kahit naka-break, and at the same time, bilang patunay kumbaga na hindi lamang tuwing may session naka-online, 'ika nga, ang mga mambabatas natin.

SNBA: Yes. Lalong lalo na ngayon na may pinagdadaanan tayong matinding pagsubok ay kailangan sama-sama tayong nagtatrabaho.

Q: Nagdaos ng kaarawan ang Pangulong Rodrigo Duterte kahapon. Binati nyo na ba?

SNBA: Hindi pa. Pero, happy birthday. Siguro naging abala din tayo, Jon, kasi nagkaroon din tayo ng Covid scare dito sa bahay so parang pina-test ko lahat ng staff dito. Ano kasi, ang bahay ko at bahay ng mga magulang ko magkatabi lang so syempre worried din ako sa kanila dahil alam naman natin senior citizens na sila at hindi sila talaga pwedeng tamaan ng Covid. Kaya parang na-busy tayo for personal issues kahapon. But iyon na nga, at the end of the day, maligayang kaarawan kay Presidente.

Q: If ever ma'am na mayroon kayong birthday wish, ano po yun?

SNBA: Birthday wish siguro lakas para talagang malabanan itong laban natin sa Covid. And siguro iyong tamang pagiisip para ang mga desisyon na gagawin niya ay talagang makakatulong para sa ating lahat.

Q: And speaking of decision, ma'am, pinangangalandakan ni Chief Presidential Legal Counsel Sal Panelo na lahat naman daw ng decision ng Pangulo with regard sa pandemya are all science-based. Ano pong reaksyon nyo dun?

SNBA: Hindi ko kasi alam sa level ni Presidente. But sa level ng IATF, for me it's very obvious na maraming polisiya na nilabas ng IATF na hindi science-based. Hindi kasi ako familiar doon sa hierarchy sa Malacañang eh. Kasi I would assume na ang IATF siya ang nagbibigay ng rekomendasyon kay Presidente. Kung on that level sinala na nila ang science, sa malamang baka hindi nga nakakarating nang tama kay Presidente ang tamang advice. I don't know, 'no. Kung ganun ang decision process. I am not familiar if si Presidente may sariling pool of consultants separate from the IATF pagdating doon sa decision niya. Siguro babalikan ko na lang ang mga hindi science-based policy na nilabas ng IATF. In fact, I made an issue dito. 'Di ba nag-announce sila na dapat pwede nang buksan ang sinehan at saka arcade. Pagkatapos nila i-announce yan, ang mga from the medical field, lahat sila parang pumalag, na bakit nyo bubuksan yan eh ang environment doon ay super-spreader sa virus. Can you just imagine kung natuloy at nabuksan nga talaga ang sinehan, baka ang sitwasyon natin ay mas malala pa. So dun pa lang makikita mo na na either hindi napapakinggan or walang from the field of medicine sa pool ng IATF policy-makers.

Q: Parang ang nangyayari tuloy baka itong sinasabi mong sobrang sala, pag nakarating kay Pangulo, based na lang, wala nang scientific.

SNBA: Baka nga.

Q: Nasa ECQ na po tayo. Do you agree sa hakbang na ito?

SNBA: Yes, I agree na I guess we need this timeout kasi nga, I know for a fact na talagang kumbaga punong-puno na ang ating mga ospital. At actually, Jon, nakita ko na ito way before this happened, eh.

Q: Parang nauulit lang na mas malala, 'no? Sad to say.

SNBA: Oo nga eh. Kasi nakikita mo na ang red flag, 'di ba? Nagbukas tayo ng ekonomiya, nag-open up tayo, binawasan natin ang health protocols na kailangan pero at the same time, napasok na tayo ng bagong strain. Kaya for me, mali na sinisisi nila itong bagong strain, eh. Hindi lang yun ang dahilan. Alam nyo na nga na may bagong strain, pero anong ginawa nyo? Hindi nyo na ni-require ang testing. 'Di ba? Parang binabaan na ang standard na kailangan natin gawin. And apparently ang contact tracing halos wala, malaki pa rin ang problema. A year ago, noong nag-hearing kami sa Senado ng February, lumutang na na parang wala pala tayong nangyayaring contact tracing. And then a year after, it's still the same problem. Tapos nagbukas pa ang ekonomiya natin na hindi pa pala secure ang mga kailangan.

Q: Ma'am, (unintelligible) gano katagal ang gusto ninyong pagpapatupad nitong ECQ na to at iba pang hakbang ng gobyerno para sa sinasabi nilang mahadlangan yung tuloy-tuloy na pagtaas ng Covid cases natin?

SNBA: Ok na rin na subukan natin ang isang linggo, but kung based dun sa pag-aaral ng ating mga scientist, yung mga nagko-compute dun sa mga numero, and kung mukhang kulang pa din... hindi ko alam, kasi naiintindihan ko din Jon, yung mga kababayan nating mawawalan ng pagkakakitaan. Napakahirap balansehin ng health saka ng economy at this point, siguro, baka pwede granular na lang, depende kung saan talaga yung hotbed nung virus. Baka pwede after this week, dun na lang muna magsara, unless merong ayuda na kayang ipamigay.

Q: Yan ang problema po.

SNBA: Yun nga kasi ang problema, kung wala tayong ayuda e hindi tayo pwedeng magsara dahil magugutom naman ang ating mga kababayan. Paulit-ulit na sinasabi, may supply tayo ng pagkain, safe, there's enough supply, e ang problema, kulang yung supply ng pambili dun sa pagkain.

Q: Panic ang karamihan sa atin ma'am no, puro panic na lang...

SNBA: ...wala ng buying.

Q: Ma'am, kung bibigyan nyo ng grade ang ating gobyerno in handling the pandemic, hanggang ngayon, ano pong grado ang ibibigay nyo?

SNBA: Anong grado?

Q: Excellent daw ma'am.

SNBA: Parang at this point, siguro, "F" (Fail). Kasi...

Q: F?

SNBA: Matindi ba? (laughs)

Q: Ma'am, pakibuo nyo naman, baka kung ano isipin (unintelligible)

SNBA: Masyado bang grabe yung 'Failure'? (laughs) Kasi, hindi katanggap-tanggap na parang bumalik tayo dun sa pinanggalingan natin. Pero may mga nagsasabi pa nga na we are worse off where we were a year ago. Pano tayo umabot sa ganitong punto kung naging tama naman yung ginawa nila. And dagdag ko lang, kasi lagi nilang sinasabi na parang other countries are also facing a surge. Pero hindi nating pwedeng ikumpara kasi sila talaga namang bukas na sila e. E tayo? Tayo yung sinasabi paulit-ulit na we had the strictest, hardest, longest lockdown.

Q: Longest lockdown.

SNBA: And then, in spite of that, yung numero pa rin natin yung hindi pa rin maganda. We have never flattened the curve. Unlike dun sa ibang bansa, at some point, naging back to normal na e yung pamumuhay nila.

Q: Alright, ma'am hindi naman kayo nag-usap ni tatay ninyo? Kasi ang binigay sakin ni tatay ninyo is 70--"F" din.

SNBA: 70? (laughs)

Q: Opo. (laughs)

SNBA: Di ba pasado yung 70? (laughs)

Q: Hindi po. 75 ang passing grade e.

SNBA: 75 ba? (laughs)

Q: Opo, kapag nagbibiruan kami nung panahon namin nung ako nag-aaral, pag 77 ang grade ko, fiesta opisyal na sa buong bahay namin sa hirap ng grades na binibigay samin. Anyway, so hindi ka tinext ni tatay ha, hindi sinabi sayo...

SNBA: Hindi. Walang copying. (laughs)

Q: Ma'am, kung may mungkahi ka, ano pa ang gusto mong imungkahi? Is it okay with you na i-reshuffle, i-abolish ang IATF? (unintelligible) si Secretary Duque? Or iatang ni Sec. Duque sa iba, sa mga usec nya yung mga responsibilidad nya na hindi nagagawa, para makatutok sya sa pandemya?

SNBA: Sa akin, baka dapat pagdating dun sa IATF, instead of abolishing it, baka dapat dagdagan natin yung mga coming from the medical profession. Para there's more science dun sa composition nung IATF. Baka isa yun sa mga pwedeng gawin. And siguro Jon, nakikita ko din na isang pagkukulang, hindi ko naman lahat sinisisi sa pamahalaan kung bakit tayo umabot sa punto na ito, but syempre, lahat tayo may dapat gawin. Dapat sama-sama tayo in our efforts, but kulang din for me dun sa messaging e. Yung delivery ng kung anong dapat gawin, and number one, consistency in the policy when it comes dun sa messaging. Hindi pwede yung maglalabas ng ganitong polisiya, tapos the next day babawiin. Yung mga kababayan natin, syempre, malilito sila. 'Ano na ba talaga ngayon?' Kasi yung huling rinig ko, pwede, tapos mga two days after, ay hindi na pala pwede. Or hindi pwede then gagawing pwede na pala. Dapat may consistency dun sa messaging. Dapat at this point habang nakasara tayo, tuwing magbubukas tayo ng ekonomiya natin, habang unti-unti nating binubuksan ang ekonomiya natin, dapat tinuturuan na natin yung mga kababayan natin what will be the new normal with Covid-19. I don't think the virus will go away at any moment. Kailangan nating matuto mamuhay kasama nitong virus na ito. So kung magiging ganun na yung environment natin, ano yung mga alituntunin na dapat nating sundin? And then dun papasok yung national government to teach the people, to tell the people kung ano na ba talaga ang magiging sistema. For example, pag nagkaroon na tayo ng face-to-face classes, it will not be the same face-to-face classes na sa isang kwarto, kwarenta di ba? So ano yung magiging new normal para sa ating mga estudyante? Habang nagbubukas yung mga negosyo, ano yung magiging new normal para sa kanila? Hindi natin na-institutionalized kung ano yung magiging policy. For example Jon, nagtatrabaho, kunyari, sa opisina nyo. May na set up na bang mekanismo, na kung saan meron kayong empleyado na nagkaroon ng symptoms, or hindi, nagsymptoms nga lang e. Ano yung reporting mechanism? Pupunta ba sya kay HR, and then si HR ba may tatawagan na government facility na pwedeng i-test yung empleyado? Pag nag-positive, sino yung tatawag para sunduin or san dalhin yung empleyado na yun para masimulan na yung contact tracing. I don't know if that was in place or may ganoong step by step. Kaya sabi ko nga baka dapat maglabas ng manual kung ano yung mga dapat nating sundin.

Q: Pero may nakikitang mga exempted?

SNBA: The best example, the best group of people to teach is kaming mga na mga halal ng bayan. We should lead by example. I guess na maganda rin pakiusapan ang mga celebrities natin na maraming followers na baka puwedeng habang hindi pa talaga normal, gamitin nila yung platform nila para turuan ang ating mga kababayan what will be the new normal. Hindi normal yung nakikita silang nagpupunta sa beach na parang wala.

Q: May kasamang dolphin ba yan?

SNBA: Life is not one big vacation at the moment. Kaya nga sa senate I am the chairman of the committee on tourism but I at this point I am very much torn on how to move forward with the tourism industry. Naiintindihan ko na marami tayong mga kababayan na nadisplace na nagtatrabaho sa turismo pero dapat din natin paghandaan kung ano ang dapat alternative sa kanila dahil mukhang mahihirapan at this point na i-promote na mamasyal at magbakasyon ang ating mga kababayan.

Q: Parang sintonado ano ma'am?

SNBA: Yes. Sintonado talaga. Ginawa kong issue na ang mga bata puwedeng pumunta sa Boracay pero hindi puwedeng pumasok. So parang may laging hindi in sync ang messaging sa dapat nating gawin habang nilalabanan natin ang covid.

Q: Sa pag-ayaw mo sa alok ng 1Sambayan, sino o ano ang puwede magpabago sa desisyon niyo? At kung si Daddy niyo po ang alukin at kaya ng pangangatawan niya would you support him?

SNBA: I will always support my father kung ano man ang magiging desisyon niya. Pero yung sa akin wala talagang makakakumbinsi sa akin to run for higher office.

Q: Final decision?

SNBA: Yes. Final answer.

Q: Paano po pag may gumawa ng tarpaulin, 'Run Nancy Run'?

SNBA: Wala pa rin. Unang una Jon para sa akin, I will still be a senator til 2025. Andito pa rin ako para magsilbi sa ating mga kababayan. Parang at this point mas iniisip ko yung pagdadaanan ng pamilya ko more than aspiring for higher office.

Q: Pero sa tagal niyo sa pulitika hindi pa ba sanay ang family niyo?

SNBA: Siguro kaming magkakapatid sanay. pero yung mga anak namin, mga pamangkin ko, yung pinagdaanan nila sa 2016 campaign, hindi namin napagdaanan yung ganoong klase. Di ba kasi local lang ang mommy at daddy ko so iba. Then yung mga anak ko iba din ang situation nila. Nasa age of social media, it's different. Iba yung pressure sa kanila at iba yung pinagdaanan nnila na hindi sana nila dapat pinagdaanan pero siyempre nadamay na sila kaya parang hindi na.

Q: Ilang taon na po mga anak ninyo?

SNBA: Panganay ko 20 na; yung pangalawa 18; tapos may kambal ako na 11 years old.

Q: Wala bang nagpaparamdam? Nagpapahiwatig na susunod?

SNBA: Parang wala.

Q: Pag may gusto pipigilan niyo ba?

SNBA: At the end of the day desisyon nila yun pero if makakahanap sila ng paraan to do public service without running for office, mas gugustuhin ko sana iyon. Kasi iba yung pagdadaanan mo if you are an elected official doing public service.

Q: Nasa inyo po ang pagkakataon, ano po mensahe niyo sa mga kababayan natin.

SNBA: Unang una, salamat muli sa pagkakataon na mapakinggan at mapanood ng ating mga kababayan. Ngayon hong Holy Week sana gamitin natin ang panahon para pagnilaynilayan natin ang mga dapat nating gawin para talagang malabanan natin ang problema natin sa COVID. Tandaan po natin yung apat dapat na kailangan nating gawin. Sabi nila madali lang pero kung madali lang sana hindi tayo nasa ganitong sitwasyon. Padagdag lang sa mga decision makers natin na this is the time for them to reflect kung kaya pa ba nila yung trabaho na binigay sa kanila.

Q: Wala naman masama kung ipasa nila sa iba kung hindi na talaga kaya.

SNBA: Oo kasi kung burnt out na din sila dahil mabigat din naman ang pinagdaanan nila in a year. Baka umabot na sa punto na hindi na nila kaya pero hindi sila makalabas sa responsibilidad na binigay sa kanila. This is the best time to do some soul searching if they are still the best group of people to solve our problems.