Press Release
November 11, 2022

Sen. Raffy welcomes Pres. Marcos' call for aggressive action on PH energy problem

Senator Idol Raffy Tulfo welcomed President Ferdinand "Bongbong" Marcos Jr's call for aggressive action to address the country's short-term and long-term energy requirements.

Tulfo thanked Marcos for promptly responding to the pressing issue on energy, saying that concerted efforts from the Legislative and Executive branches of the government could help prevent a looming energy crisis.

"Taos puso ang pasasalamat ko kay Pangulong Bongbong Marcos para sa kaniyang agarang pag-tugon sa nagbabadyang energy crisis. Maraming bansa ang kasalukuyan nang kinakaharap ito. Mabuti at maaga pa ay naghahanda na tayo," he said.

"Sa pagtutulungan ng Senado at ng Ehekutibo, mapipigilan natin ang energy crisis o kung hindi man, maaalalayan naman natin ang ating mga kababayan sa mga epekto nito," he added.

Marcos Jr. recently met with officials of the DOE and other related agencies to brainstorm what steps to take to guarantee energy supply.

Following said meeting, the President reportedly said the government should be aggressive in addressing the country's energy problems, underscoring the need to find ways to ensure that the country has enough power at least in the short term.

As Chairman of the Energy Committee, Tulfo already started looking for short-term solutions to the country's energy problem by investigating the root causes of high electricity cost in various on-grid and off-grid areas.

First off, Tulfo looked into the mismanagement of electric cooperatives that are possibly resulting to the increase in electricity cost.

"Mula sa aming imbestigasyon, napag-alaman namin na dapat magkaroon ng batas upang ma-regulate nang mas mahigpit ng National Electrification Administration (NEA) ang mga board members ng mga electric cooperatives upang matigil na ang pagwawaldas nila ng pera ng mga miyembro ng kooperatiba," he said.

"Sa ganitong pamamaraan, ang kinikita ng mga electric cooperatives mula sa kanilang serbisyo ay mapupunta sa imprastruktura at hindi sa bulsa. Kaakibat nito, inilalathala na din namin ang ilang mga batas na makakatulong sa mabilisang interconnection na isinasagawa ng NGCP sapagkat malaking hadlang sa kanila ang mga kaso ng expropriation kung saan hindi sila nabibigyan ng "right of way" upang mapatayo ang mga transmission lines, towers, at transformers," he added.

The Senator from Isabela and Davao likewise said they will continue discussing the issue on the sudden increase of the price of diesel, considering that small power utility groups rely on it to run their powerplants.

"Sisiguraduhin ko na proportionate ang pag-akyat ng presyo ng diesel at ng fuel products abroad sa pag-akyat ng presyo dito sa ating bansa. Sa estado ng fuel market ngayon, makikita na may iilang tao na ginagamit na lamang ang kakaunting pag-angat ng presyo sa world market upang maging dahilan maningil ng napakalaki para lamang kumita ng mas madaming pera," he said.

To solve the long-term energy crisis, meanwhile, Tulfo said he will closely coordinate with the DOE to study the necessary laws needed to implement the off-shore wind farms proposed by President Marcos Jr.

It can be recalled the Tulfo earlier filed Proposed Senate Resolution (PSR) No. 107 seeking to find an immediate solution to an impending energy crisis and adopt necessary legislative measures that will provide long-term energy security, sufficiency and stability to all Filipinos.

Tulfo ended his statement with a promise to support the President's directions with regard to the energy crisis saying, "Aking ipapangako kay Pangulong Marcos na gagawin ko ang lahat ng aking makakaya bilang Chairman ng Committee on Energy sa Senado para suportahan ang kanyang mga polisiya upang maagapan ang energy crisis sa bansa."


Sen. Raffy, pinasalamatan si PBBM sa agarang pagtugon sa nagbabadyang energy crisis

Suportado ni Senator Idol Raffy Tulfo ang panawagan ni Pangulong Ferdinand "Bongbong" Marcos Jr. para sa agresibong aksyon upang matugunan ang panandalian at pangmatagalang pangangailangan sa enerhiya ng bansa.

Ani Tulfo, ang pagtutulungan ng Senado at Ehekutibo ay maaaring maging paraan para maiwasan ang nagbabadyang krisis sa enerhiya.

"Taos puso ang pasasalamat ko kay Pangulong Bongbong Marcos para sa kaniyang agarang pag-tugon sa nagbabadyang energy crisis. Maraming bansa ang kasalukuyan nang kinakaharap ito. Mabuti at maaga pa ay naghahanda na tayo," saad ng mambabatas.

"Sa pagtutulungan ng Senado at ng Ehekutibo, mapipigilan natin ang energy crisis o kung hindi man, maaalalayan naman natin ang ating mga kababayan sa mga epekto nito," dagdag niya.

Kamakailan lamang ay nakipagpulong si Marcos Jr. sa mga opisyal ng Department of Energy (DOE) at iba pang kaugnay na ahensya upang mag-brainstorm ng mga hakbang na dapat gawin para matiyak ang sapat na supply ng enerhiya.

Kasunod ng nasabing pagpupulong, sinabi ng Pangulo na dapat maging agresibo ang gobyerno sa pagtugon sa mga problema sa enerhiya ng bansa.

Bilang Chairman ng Energy Committee, nagsimula na si Tulfo na maghanap ng mga panandaliang solusyon sa problema sa enerhiya ng bansa sa pamamagitan ng pagiimbestiga sa totoong dahilan ng mataas na halaga ng kuryente sa iba't ibang on-grid at off-grid na lugar.

Una nilang tinalakay ang epekto ng maling pamamalakad ng ilang electric cooperatives sa presyo ng kuryente ng kanilang consumers.

"Mula sa aming imbestigasyon, napag-alaman namin na dapat magkaroon ng batas upang ma-regulate nang mas mahigpit ng National Electrification Administration (NEA) ang mga board members ng mga electric cooperatives upang matigil na ang pagwawaldas nila ng pera ng mga miyembro ng kooperatiba," ani Tulfo.

"Sa ganitong pamamaraan, ang kinikita ng mga electric cooperatives mula sa kanilang serbisyo ay mapupunta sa imprastruktura at hindi sa bulsa. Kaakibat nito, inilalathala na din namin ang ilang mga batas na makakatulong sa mabilisang interconnection na isinasagawa ng NGCP sapagkat malaking hadlang sa kanila ang mga kaso ng expropriation kung saan hindi sila nabibigyan ng "right of way" upang mapatayo ang mga transmission lines, towers, at transformers," dagdag niya.

Sinabi rin ng Senador mula sa Isabela at Davao na patuloy nilang tatalakayin ang isyu sa biglaang pagtaas ng presyo ng diesel dahil dito umaasa ang small power utilities groups upang magpatakbo ng kanilang powerplants

"Sisiguraduhin ko na proportionate ang pag-akyat ng presyo ng diesel at ng fuel products abroad sa pag-akyat ng presyo dito sa ating bansa. Sa estado ng fuel market ngayon, makikita na may ilang tao na ginagamit na lamang ang kakaunting pag-angat ng presyo sa world market upang maging dahilan ng napakalaki para lamang kumita ng mas madaming pera," sabi niya.

Samantala, sinabi ni Tulfo na patuloy silang makikipag-ugnayan sa DOE upang maipasa ang mga panukala para maipatupad ang off-shore wind farms na minungkahi ni Pangulong Marcos bilang isa sa mga long-term solution sa energy crisis.

Matatandaang naunang naghain ng Proposed Senate Resolution (PSR) No. 107 si Tulfo na naglalayong makahanap ng agarang solusyon sa napipintong krisis sa enerhiya.

Tinapos ni Tulfo ang kanyang pahayag sa isang pangakong susuportahan ang mga direksyon ng Pangulo patungkol sa aksyon para matugunan ang nagbabadyang krisis sa enerhiya.

"Aking ipapangako kay Pangulong Marcos na gagawin ko ang lahat ng aking makakaya bilang Chairman ng Committee on Energy sa Senado para suportahan ang kanyang mga polisiya upang maagapan ang energy crisis sa bansa," ani Tulfo.

__________________

Access copy of Full Statement, here:

https://facebook.com/story.php?story_fbid=pfbid0RPKRJNZ8ugVT3LrsHNFDBBisYVX3MBo9XvmAQMGHJM9RJiSUv97Q4oKK8mHENmizl&id=100072484966925

News Latest News Feed