TRANSCRIPT OF SENATOR RISA HONTIVEROS PRESS CONFERENCE
March 11 2024

Q: The camp of Quiboloy is bound to question the legality of the arrest warrant before the Supreme Court. Your answer. Senator Risa Hontiveros

(SRH): Nabalitaan ko lang po yan. Sa inyo rin, sa media, ngayong umaga ba or kahapon lamang? So, tingnan po natin kung anong ground ang ma-ireraise nila sa Korte Suprema.

Q: Senator Robin said if he failed to gather enough signatures, he will ask the committee to stop or terminate the hearing against Quiboloy and he will explain the basis of his motion to stop the hearing.

SRH: Well, mabuti kung ipaliliwanag nila ang magiging basis nila. Kasi, wala akong maisip na basis at bilang taga-pangulo ng komiting iyon, ang masasabi ko lamang ay didinigin ng komite ang resolusyon hanggang matapos ang aming trabaho dyan. Not a day later, not a day earlier either.

Q: So, parang mayroon pa na pagsayang ng oras, suntok sa buwan, yung efforts ni Sen. Robin Padilla.

SRH: Never kong tatawagin ang anumang trabaho ng kapwa-senador na pagsayang ng oras o suntok sa buwan. At higit pa doon, masisigurado ko po sa inyo na ang trabaho ng komite, alang-alang sa mga babae at menor de edad na biktima at victim survivors ni Pastor Quiboloy, yan ang lalong hindi pagsayang ng oras. Yan ang lalong hindi pagsuntok sa buwan. At may napatunayan na ang Senado, ang iba't-ibang komite namin sa ganyang aspeto, na sa simula, parang napakahirap makapagsalita ng victim survivors. Parang napakahirap makakuha sila ng hustisya.

Ngunit, sa kasaysayan ng Senado, ilang beses nang napatunayan na oo, ang aming mga investigasyon in aid of legislation, ay naging, naging daan para dyan sa mismong katotohanan at katarungan. At naging daan din para pa lalong pagandahin at palakasin ang ating mga batas.

Q: Pero is there any chance na magbago ang oposisyon niyo dahil sabi ni Senador Robin, para pagsayang daw ng resources ng gobyerno yung Senate hearings?

SRH: May mga precedents sa, sa ating, sa ating korte at kahit dito sa Senado, na kahit mayroon nang umaandar na kaso o nahain na mga kaso, ang executive sa judiciary ay nagpatuloy pa rin ang mga pagdinig dito sa Senado. At ito po ay nagsalita rin tungkol dito ang Korte Suprema dahil importante ang mga kaso sa judiciary at kasing importante ang mga investigation in aid of legislation dito sa Senado. Ni isa ay mas importante sa isa. At kung interesado kayo ay pwede ko rin ibahagi sa inyo yung mga precedents no, tungkol po dito. Sa Korte Suprema, sa iba't ibang mga komite dito sa Senado, kabilang na ang Blue Ribbon Committee.

Q: Mag two o before na nandun sa, sinasabi nila wala daw silang nakikita na kailangan itong investigation na ito in aid of legislation. Nabanggit na anyway may criminal case naman, let the court decide and not the Senate.

SRH: Una, hindi naman papel ng komite ng Senado, desisyunan ang pagkainosente o pagkaguilty ni Pastor Quiboloy sa mga reklamo laban sa kanya. Yan ay larangan ng Korte. Pero, papel ng Senado at responsibilidad namin, tignan. Kung dahil sa mga krimen na mapapatunayang nangyari o offense na napatunayang natanggap ng mga victim survivors, eh may mga gaps sa ating mga batas na kailangan naming gamutin. Iwasto kung may mali, punuin kung may gaps. At tungkol dito, kung papansinin ang aking mga kasama dito sa Senado, may at least tatlo nang lumilitaw na areas for additional legislation na bibigyang daan nitong imbestigasyon Sinama ko po sa opening statement ko, sa nakaraang hearing, at ulitin ko po ulit sa inyo ngayon.

Una, sexual abuse within secretive religious organizations and issue of consent in faith-based dynamic. Kapag po ang isang tao, halimbawa isang babae o isang menor de edad ay pinaniwalaan na itong tao ay isang di lamang mataas na religious leader, kundi embodiment pa ng Diyos. At ang pagsilbi sa kanya ay nangangailangan ng kahit anong sakripisyo, pati sakripisyo ng sariling kalayaan at katawan. Yan ba ay tama? O yan ba ay isang aspeto na dapat i-regulate ng ating mga batas? Dahil posibleng nalalabag ang karapatan at kagalingan ng isang mamamayan, kabaro man, or lalo na menor de edad, sa konteksto ng isang makasikretong religious organization.

So anong mga amyenda sa ating batas ang kakailanganin para bantayan yung freedom of choice talaga ng tao at yung pag-exercise ng consent o di pagbigay ng consent kahit sa loob ng ganyang mga mahihigpit na religious organizations.

Pangalawa, inability of our labor laws to sufficiently address voluntary labor arrangements. Paano kung walang employee-employer relationship, yung isang miyembro ng isang religious organization, na halimbawa, pinatrabaho pa sa isang media institution na sakop ng religious organization na iyan. Wala bang magagawa dapat ang ating batas kung meron namang malilinaw na paglabag sa labor standards o sa occupational safety and health standards?

Napakalinaw po ng isang halimbawang lumabas na sa aming mga pagdinig, yung kaso ni Alyas Rene, yung manggagawa o empleyado sa SMNI, na hanggang ngayon, hindi makategoriya ng DOLE ni ng SSS sa kung anong kategoriya ng manggagawa o empleyado o mamamayan na may karapatan sa social protection siya nakalagay. Dahil sa ngayon, parang bulag pa yung batas natin doon.

At pangatlo, last and not the least, interaction of our anti-trafficking laws with the constitutional principle of religious freedom. Kapag ang isang tao po, miyembro ng isang religious organization ay lumakbay sa ibang bansa or kahit mula sa probinsya niya, lumakbay sa ibang probinsya o syudad dito sa ating bansa o kung pinalakbay siya tapos pinagawa siya ng kung ano-ano mga gawain, paglilimos, pagkukunwari na siya ay taong may kapansanan, pagkukunwari na siya ay estudyante para maka-solicit, para makapaglimos ng pera. Ito ba ay masasakop ng exercise of religious freedom?

Magagamit ba, masa-cite ba yung kalayaang iyan lalo na nung religious leader para pagtakpan yung mga posibleng paglabag, para pagtakpan ang posibleng pagtatraffic doon sa mga taong iyon. So ngayon pa lamang, kung mamarapatin lang pansinin ng aking mga kasama at least tatlo na at seryoso ang mga batas at posibleng gaps sa ating batas na nako-cover na sa mga lumalabas na findings namin tungkol kay Pastor Quiboloy.

Q: Ma'am sa gitna ng kontrobersyang ito, a few days ago lumabas na yung pangalan ni dating Pangulo Rodrigo Duterte who is now the administrator of the Kingdom of Jesus Christ. Ano ang nakikita niyong mensaheng nais iparating nito amidst the controversy sa inyo?

SRH: Ewan ko kung gusto nilang iparating pero yung mensaheng nakakarating sa publiko eh lalong dumadami ang mga issue. Lalong lumilinaw kung ganong ka-intertwine ang mga interes, maging ang mga economic interest ni Duterte at ni Pastor Quiboloy. Dahil usually po ang nag-aatas ng isang administrator sa kanyang properties ay isang tao na hindi kayang siya ang mangasiwa sa mga properties niya.

So ganon kataas, kalaki ang pagtitiwala at pagsasakamay ni Quiboloy kay Duterte sa kanyang mga ari-arian. May kasabihan pa nga diba, tell me who your friends are and I'll tell you who you are.

Isa pa. Dahil ginawa niya iyon, pinasakamay niya kay Duterte yung kanyang pagmamay-ari, lalong kumakalat yung haka-haka na naghahanda siya, si Quiboloy, na tumakas dito sa Pilipinas. Kaya inuulit ko po ang aking panawagan sa Bureau of Immigration na siguruhin na sa lahat ng borders ng ating bansa, sa lahat ng mga ports of exit ay hindi makatakas si Quiboloy.

Q: Can you mention some of the 17 conditions?

SRH: Nakita ko lang po sa social media nila eh. Wala pa namang official na communication sila tungkol sa mga iyon or ilan or isa sa mga iyon. Sana nga hindi totoo eh. Kaya lang pinamumudmod talaga nila.

So halimbawa, ang pamagat ng 17 ay sets of conditions for Pastor Apollo Quiboloy to attend Risa Hontiveros' Senate hearing.

Number one, unmask and show the full faces of your witnesses. No mask, no dark eyeglasses, no caps, bonnets, or head covering of any kind.

Mga ganon. At marami pang iba, labing-anim pa.

Q: Ano po doon ang pinaka-absurd?

SRH: Well, yung buong set ng 17 o kung ilan man siya naging ano, kasi yun na nga, sabi ko kanina, ngayon lang ako nakarinig, nakaranas na mayroong inimbita, dalawang beses sinubpoena na ng Senado, tapos ang sagot ay paunlakan ko, pero ito ang mga kondisyon ko. May kondisyon. Tapos labing-pito. Sabi ko nga, dinaig pa yung sampung utos ng Diyos.

Isa pa ito, halimbawa, ang kanyang number eight na condition, I retain the right to personally cross-examine your witnesses. That includes you, Madam Chair. No time limit. Eh, yung mga resource persons nga sa hearing ay hindi pinapayagang i-interpellate ang isa't isa. Ang mga miyembro lang ng Senado ang nagtatanong sa resource persons. At lalong walang resource person na nagtatanong o nagkocross-examine sa chair.

At madalas, in the interest of time, kami mismo mga kapwa senador ay nag-o-observe ng time limit ayon sa facilitation ng chair. Ito sila, no time limit. So, talaga, out of this world. Out of this world.

O, huling halimbawa, number fourteen. All expenses incurred from this trip, yung kanya raw pagpunta rito na ang dami-daming kasama, malaki yung kanyang entourage. All expenses incurred from this trip, including private jet flight back and forth with parking in NAIA, food according to my dietary requirements and fees for accommodation in a five-star hotel for me and my party, must be shouldered by your office.

So, wow! Kukulangin pa talaga yung ipinalimos niya sa mga tao niya para sa jet fuel. Ito ngayon ay mayroong all expenses for that private jet flight. Merong pang food requirements. At hindi lang four-star, three-star, two-star, one-star, five-star hotel. Magastos po ang resource person natin.

Q: So Ma'am naniniwala kayo na nandito pa rin siya.

SRH: Posibleng nandito pa rin siya sa mga inaasta niyang ganyan. So, lalong, walang dahilan na hindi siya magpresentan ng sarili niya dito sa Senado.

Q: So four pa lang po yung pumirma, so medyo mas meron tayong talagang fighting chance na eventually makahingi ng arrest order kay SP. Kung tomorrow hindi po talaga mameet yung required eight signatures, paano po yung magiging takbo?

SRH: Bukas ay ikapitong araw na meron ang aking kasama dito sa Senado mula nung una nilang minanifest ang kanilang objection na makabuo ng majority ng komite o walo para mag-object ng sama-sama. Kung bukas ay hindi umusad mula sa apat ngayon papunta dun sa walong kailangan, ibig sabihin magsastand yung pag-cite ko in contempt kay Quiboloy. Ifofollow up ko kay SP na ipaaresto na siya para dalhin dito para sa wakas, sa wakas humarap na sa Senado, sumagot na sa mga tanong tungkol sa kanya.

Q: Ma'am yung direction ng House, dito din, ipaaresto din.

SRH: Walang coordination, at wala rin coordination ang kailangan o maaaring dapat dahil ang House ay may sarili nilang proseso in fact sa ibang subject ng kanilang imbestigasyon. At dito rin, ang aming imbestigasyon naman dito ay nakatutok dun sa mga reklamo ng mga babae at minor de edad na victim survivors. So, magpapatuloy din lamang kami anuman ang mangyari at di mangyari sa House.

Q: Kung sakaling mauna ang House at maaresto nila si Quiboloy, ang komite ninyo na siya ay papuntahin at patestiguhin sa Senado?

SRH: Possible po yun. In the interest of makasagot din siya sa mga tanong ng Senate Committee on Women tulad sa mga maaring sasagot siya sa mga tanong ng House Committee on Franchises yata, possible, hihilingin namin sa House na padaluhin din siya dito para sumagot sa amin din.

Q: May nagsasabi na naging political na ang direction ng imbestigasyon at parang kinukuyog si Quiboloy. At pangalawa, nararamdaman niyo po ba na nandun yung attempt ng ibang legislators to protect Quiboloy?

SRH: It would seem na dahil sa sarili nilang appreciation sa sa issue, gusto nilang ma-protect si Quiboloy. Pero I would only reassure kung may magtanong na ang komite mismo ay sumusunod sa mga rules ng Senado sa mga imbestigasyon in aid of legislation, tulad ng pagprotekta din namin sa karapatan ng mga victim survivors magsalita ng walang harassment sa kanila, ganoon din.

At walang pagkuyog mula sa simula. Simpleng dalawang imbestigasyon ang ipinadala namin kay Quiboloy. Siya ang nag-dedma doon. Nag-issue kami ng subpoena ang Senado signed by the SP nung hindi niya pinansin yung imbitasyong iyon. At ngayon, dahil may pagkasayit ko sa kanya in contempt, may miyembro ng komitee ko na nag-object, binigyang daan ko. Isang buong linggo, ayon sa rules namin, para makabuo sila ng majority na miyembro ng komite. So walang pagkuyog na nangyayari.

Kung political yung pagdinig sa isang resolusyon dahil sa dumadaming reklamo ng mga babae at minor de edad na inabuso ni Quiboloy, hindi ko na alam ano ang political. That is, in a way, the least political.

Pero dahil may kinalaman din yan sa pag-empower sa kababaihan at minor de edad to speak their truth, ng walang takot, pag-suporta sa mga babae at mga minor de edad na humingi ng hustisya sa ating gobyerno sa lahat ng tamang paraan, tingin ko, yan ang tamang dapat gawin. Yung mga nagsasabing political ito, sila po ang magpaliwanag.

Q: How do you feel about that? Some of your colleagues are lawyering for Quiboloy on the basis of friendship, yung personal na relasyon. Effectively, disregarding yung personal experiences ng mga victims ni Quiboloy.

SRH: Well, I wouldn't call it lawyering, pero precisely, kaya nung pagkatapos nag-object yung kasama ko sa hearing, nanawagan na ako sa lahat ng mga kasama ko, lalagay na ako sa mga kasama ko, lalong-lalo na sa Komite at sa Senado: Panoorin lang, basahin lang, yung testimonies ng ating mga victim survivors, yung mga babae, yung mga dating menor de edad, na ngayon, after many years, talagang nagbuo ng lakas ng loob, magsalita.

At sana, sana, bilang Senado nila, lalo na ngayong buwan ng kababaihan, manindigan po tayo kasama nila. Hindi ko po tinatanggal kahit kanino man na maging kaibigan o tumanaw ng kabaitan niya sa pamilya, pero kahit kaibigan natin, kahit naging mabait sa pamilya natin, kapag ang akusasyon sa kanya ay panggagahasa, pang-aabuso pa sa bata, panlilinlang, at kung ano-ano pa, hindi ba ang tamang dapat natin gawin bilang Senado ay paharapin yung taong yun sa komite? Sa tingin ko ang sagot po doon ay oo.

Q: Are you not disappointed po sa action ng ilan ninyong kasama?

SRH: I can't say I'm disappointed, kasi sa iba't ibang issue, madalas magkakaiba rin naman kami sa mga opinion, at least sa simula, pero patuloy akong nananawagan na sana, bago matapos itong pagdinig, manaig pa rin, manaig yung ating paninindigan, kasama ng mga kabaro at mga menor de edad, manaig yung ating paniniwala na walang taong mas mataas sa batas, ang dami ng mga opisyal ng gobyerno, pati ng simbahan ay humarap sa mga imbestigasyon ng Senado - bakit maiiba si Quiboloy?

At lalong-lalo na sa panahong ito na nagkakaisa ang buong Senado, bar none, na, itaguyod ang sistema ng checks and balances laban sa pekeng People's Initiative, at tangkang lusawin at buwagin ang Senado, magkaisa din po tayo, bar none,na yung mga rules ng Senado ay dapat mapatupad, na ang kapangyarihan ng Senado, para singilin ang accountability ng mga nang-abuso ng kanilang kapangyarihan, ay kailanman huwag na huwag nababawasan.

Q: May binanggit po si former Sen. Trillanes na dapat magkaroon ng anti-money laundering investigation doon sa mga properties ni Quiboloy and it would seem na although hindi niya pinanggit yung pangalan ni dating President Duterte, pero mukhang intertwined yung kanilang mga economic interests.

SRH: Well, salamat sa paalala ni former Sen. Sonny. In fact, lumabas na nga sa nakaraang hearing na sa susunod na hearing, imbitahin po namin ang Anti-Money Laundering Council dahil lumabas sa isa sa mga bagong testimonya na posibleng may money laundering na ginagawa si Quiboloy dahil sa sinalaysay na paggamit ng mga account ng mga totoong tao ha, pero para magpadaan ang pera ng iba para makarating kay Quiboloy doon sa Davao.

Q: Given Duterte's appointment as property administrator of KOJC properties, will the committee look into Quiboloy's property here and abroad?

SRH: Siguro, only as far as binabanggit sila sa mga testimonya, dahil ang subject ng resolusyon ay yung pang-aabuso sa mga kabaro at mga menor de edad. Pero tulad nung binanggit ni Ms. Reinita, yung pag-misuse ng mga bank accounts ng mga miyembro doon sa Singapore, kaya nabuksan yung pagpapaimbita sa Anti-Money Laundering Council para tignan ang posibleng economic abuse na ginagawa ni Quiboloy.

Q: Don't you think na nagkakaroon ng double standard yung ibang senators dealing with yung kay Quiboloy? Kasi yung kay Senyor, isang beses lang meron agad warrant and there's been ito.

SRH: Tingin ko nga dapat matutunan namin at magamit yung mga leksyon na natutunan namin nung imbestigasyon ng Senate Committee on Public Order at joint with the Senate Committee on Women doon sa imbestigasyon kay Senyor Aguila.

Doon magandang naipakita ng Senado, isang kapulungan ng isang sangay ng gobyerno,

na kahit pa mga nagsasabing sila yung mga religious leaders ay subject din sa batas ng Republika. Hindi pwedeng napalampas yung mga panga-abuso nila sa mga bata at iba pang miyembro ng Socorro doon sa investigasyong iyon.

At yun na nga, tulad nung pagharap ng ibang mga religious leaders dati sa mga Senate investigation ay obligado, tulad nung nangyari doon sa Socorro investigation, obligado rin si Quiboloy na humarap dito sa aming komite. Maganda kung nagiging consistent kami over time, investigation to investigation.

Q: Do you think your colleagues are not listening to the cries of the victims?

SRH: I think wala akong kasamang senador na numb o manhid. I think lahat po kami ay nakakarinig. At nakakakita. Kaya patuloy akong nananawagan at patuloy akong umaasa na pagdating ng bukas ay mananatiling nakatayo yung pag-cite ko kay Quiboloy in contempt. Dahil lahat, o kung hindi man lahat, karamihan ng mga miyembro ng komite ko ay maninindigan kasama nung mga victim survivors na iyon.

Q: Paano pag ininvoke nila yung separation of Church and State?

SRH: Oo. Walang macicite na paglabag sa separation of Church and State o paglabag sa religious freedom, lalo na kung may kinalaman sa paglabag ng mga batas ng Republika. Mga sekular na batas na bawat mamamayan, anuman ang kanyang institution, anuman ang kanyang vocation sa buhay ay accountable.

Sa separation of Church and State, nabanggit ko na yung mga dahilan na hindi ako nababahala dyan, hindi po yan applicable dito sa kasalukuyang pagdinig ng aming komite.

Q: Yung development ng last week, yung mag-unseal sa US nung mga arrest warrant laban kay Quiboloy. Paano nito napapalakas yung inyong pagdinig?

SRH: Well, una, masaya po ako sa ganyang development. Tingin ko, dapat talaga singilin ang accountability at kalaunan, madala sa hustisya si Quiboloy, sa kahit alinmang jurisdiction.

At masaya po ako sa pagpapa-unseal ng warrant na iyan para sa hindi kukulang na kalahating dosenang mga charges.To enumerate conspiracy, to engage in sex trafficking, fraud, coercion, sex trafficking of children, conspiracy, and cash smuggling.

At magandang development din yung posibleng maisama si Quiboloy sa red list ng Interpol.

Ibig sabihin, hindi na lamang yung law enforcement partners ng US Federal Bureau of Investigation. Hindi na lamang ang Philippine National Police o ang OSAA mismo kung umabot sa pagi-issue ng Senado ng warrant.

Kung manatiling nakatayo yung citing ko of in contempt ni Quiboloy. Pero baka sa ibang mga jurisdictions din, mga member nations ng Interpol, ay mahirapan siyang forever na tumanggi na humarap sa mga seryosong issue nito.

Q: Ma'am mai-initiate daw nito ang US extradition process.

SRH: Nung huling pagdinig, sabi po ng Department of Foreign Affairs ay wala pang extradition request ang Estados Unidos sa ating gobyerno. Pero at least, satisfied naman ako na batid nila ito. In fact, mula pa sa halos unang pagdinig, nabanggit at naitanong na ito.

At alam naman nila, alam naman ng mga responsible agencies sa executive, paano nila iha-handle if and when dumating na ang extradition request na iyan. Whether umaandar na o hindi pa ang mga kaso dito naman sa atin.

Q: Yung kung saan in-unseal yung warrant para kay Quiboloy, almost the same sa iniimbestigahan ninyo: Child trafficking, conspiracy to engage in sex trafficking, what does it say ma'am na almost same yung abuses na kinommit niya?

SRH: Iyan na nga eh. So, lalong posibleng isipin na pareho ang modus operandi dito at sa bansang iyon, or maaaring sa iba pang mga bansa, ng mga pang-aabuso sa karapatan at kagalingan ng mga kababaihan at mga menor de edad

So, dagdag lang. Dagdag ko lang na yung parallel investigations ng Senado at saka ng DOJ ay parehong nakakatulong sa isa't isa. At in fact, sa ano pa mang ibang mga investigation.

Katulad ng naranasan namin nung nakaraang mga imbestigasyon. Halimbawa, ah, sa Pharmally, no? Na nag-simultaneous investigation at corrective action ang Bureau of Immigration mismo, ang Office of the Ombudsman, at iba pang investigative and law enforcement agencies.

Q: Sa composition of the Committee on Women, nakikita nyo ba na makukuha o hindi yung kailangan eight signatures para ma-overturn o ma-reverse yung pagpapaaresto niyo kay Pastor Quiboloy?

SRH: Well, malalaman natin for sure, finally, bukas. Kasi bukas pa po yung ikapitong araw na meron yung kasama ko sa komite para makabuo ng majority. Ang masasabi ko lang for sure ay ngayon, six days after nung manifestation ng objection, apat pa rin lang sila. So, kalahati pa lamang sa kailangang bilang.

Q: So, hindi nyo kinakausap yung ibang members ng committee?

SRH: Gaya ng nabanggit ko dati yung ating parang ambush interview pagkatapos ng huling hearing. Siyempre, araw-araw, nagkikita kami. Halos maghapon, nagba-bump into each other at napag-uusapan ang iba't ibang bagay, pati yung aming mga trabaho. So, siyempre alam kasi nila yung mga developments sa komite. And, of course, kinakausap ko silang malaya kung bakit cinite ko in contempt si Quiboloy at kung bakit umaasa akong mananatiling standing ito alang-alang sa mga victim-survivors.

Q: So, meaning confident kayo na hindi mare-reverse ang inyong ruling?

SRH: Umaasa ako na bukas, lahat, o kung hindi man lahat, karamihan ng mga kasama ko sa komite ay maninindigan kasama ng mga victim-survivors. At ayon na ayon sa rules of the Senate at sa mandato at kapangyarihan ng Senado.

Q: And then ma'am, sabi niyo po kanina, titingnan lang yung properties ni Pastor Quiboloy as the need arises or depende po kung lalabas doon sa hearing ninyo? But kung hindi man ma-bring up yung properties niya, would you recommend or urge the Department of Justice or Anti-Money Laundering Council yung possible angle nga ng money laundering po?

SRH: Halos sigurado akong may findings kaming maisasama tungkol dun sa money laundering aspect. Dahil nga, iimbitahin namin ng Anti-Money Laundering Council sa susunod na pagdinig.

Kung magre-rekomenda rin kami na mas tignan pa ng relevant agencies ng executive yung kabuan ng pagmamayari ni Quiboloy, posible, posibleng pumasok iyon. Depende sa kung ano ang lumabas, paano tumakbo yung mga susunod pang pagdinig.

Q: Ma'am mare-reinforce ba yung pagtingin sa money laundering aspect yung pag-assign kay President Duterte na administrator ng kanyang properties?

SRH: Posible. Titimbangin namin yun. Pero sigurado ang masasabi ko sa ngayon na siya ay in-appoint na administrator, eh, lumalabas talagang magkasosyo sila sa pagmamay-ari kung hindi man sa pagnenegosyo. Kasi hindi naman siguro ia-appoint ni Quiboloy bilang administrator ng kanyang hindi kakaunting pagmamayari ang isang taong walang-walang kinalaman sa mga pagmamay-aring yun.

Q: So ibig sabihin, malaki talaga yung properties niya ma'am for him to appoint a former president as administrator?

SRH: Posible. Maraming sabi-sabi sa dami at laki ng mga pagmamay-ari niya. Siguradong hindi siya mahirap katulad ng maraming biniktima na niya.

Q: 'Di ba parang tomorrow yung deadline, if mare-reverse yung contempt order, what if of course, hindi sila maging successful, like, hindi mag-(inaudible). So, what's going to happen? Can you walk us through? Kasi, di ba, para, what if, like, ah, Pastor Apollo Quiboloy still won't show up?

SRH: So, yung bukas ay hindi naman deadline, pero siya po yung palugit na ibinibigay talaga sa kahit sino mga miyembro ng komite na gustong mag-object sa isang ruling ng chair. In this case, yung ruling ko citing Quiboloy in contempt. So, ayon sa rules namin, obligado akong bigyan sila ng pitong araw para makabuo ng majority ng mga miyembro ng komite.

Kung hindi man nila magawa-yon, by tomorrow, so standing nga po yung aking citing in contempt kay Quiboloy, at ipafollow-up ko na po si SP na ipaaresto na siya para paharapin siya sa komite dito sa Senado.

Q: Last na hearing na po ba yung mangyayari?

SRH: I'm not sure exactly pero for sure Kapag humarap na si Quiboloy malamang yan na yung last o isa sa mga last kasi siya lang naman ang hinihintay mula pa sa simula, eh hard to get siya

Q: On Quiboloy being allowed to testify via online appearance

SRH: Of course hindi na pandemic ngayon pero magpakita muna si Quiboloy ng intensyon i-honor yung subpoena ng komite ng Senado bago siya humingi ng kung anong ibang mode ng pagharap magpakita muna siya ng intensyon Hindi muna kayo open? Yun po ang laman ng dalawang imbitasyon yan po ang laman ng subpoena In fact yung lengguahe ng subpoena ay to the effect na on pain of law, fail not to appear. At, lalong kapag pinaabot pa niya sa kailangan pa siyang arestuhin para lang humarap sa hearing, ayun wala na talaga siyang option humingi ng kahit ano.

Pero kung may balak siyang humingi pa ng ibang mode ng pagharap, first things first, sabihin muna niya na balak niyang i-honor yung subpoena at mayroon po tayong precedent, ano po, just to think ahead, one step ahead, nung pagdinig po tungkol kay Teves, yung krimen ng pagpatay kay dating gobernador ng Negros Oriental.

Hindi po pinayagan si Rep. Teves na mag-virtual kasi pag magsinungaling siya o sumagot siya evasively o umiwas siyang sumagot 'pag virtual o paano ang remedy. So kumbaga, siguro nakita nung komite na dumidinig noon tungkol sa kaso ni Teves na mababawasan, hihina ang kapangyarihan ng Senado kung papayagan nilang mag-appear yang isang pinaka-importanteng resource person nila na virtual lamang. So baka ito yung maging precedent ko rin.

Q: On the need for the ROTC bill given the heightened tensions in the West Philippine Sea

SRH: Actually, sine-schedule na nga yata for interpellation. So naghahanda kaming maigi ni Senate Minority Leader Koko Pimentel para mag-argue laban doon. Tingin ko habang umiinit sa West Philippine Sea, ang pinakatamang course of action namin bilang Senado ay ipagpatuloy at judiciously dagdagan ang suporta sa military modernization, lalo na sa Philippine Navy at pagsasaayos ng iba't iba pang aspeto ng national defense at hindi po gawing excuse yan, ang isang tingin ko hindi tamang policy direction na gawing mandatory ang ROTC kahit sa mga mamamayan natin na hindi naman yun ang paraan nila para magsilbi kay inang bayan.

Q: Kung hindi po gagawin yung ROTC bill, saan po pwedeng kunin ang reservists?

SRH: Well willing ako na magkonsulta pa rin sa mga eksperto tungkol diyan. Paano palusugin yung ating reserve force. Dahil ang reserve naman ay hindi rin conscripted eh sila ay mga kusang nagvo-volunteer. In fact yung mga matataas na ranggo colonel, general, pataas ay dumadaan nga sa Commission on Appointments. So sila ay mga volunteer.

At palagay ko mas maigi para sa ating national defense, territorial integrity at national sovereignty kahit sa West Philippine Sea, lalo na sa bisa ng bagong pasa naming Maritime Zones Law, ang kahit mas maliit pero mas mahusay, mas mabisang Armed Forces. Kesa malaki pero dahil marami dun ay pinilit lamang eh ano naman maluwag lamang na Armed Forces na may malaking bahagi na minandatory lamang ang pagsilbi.

Q: Last presscon po ni SP, sabi niya it's a big challenge na makuha yung 18 votes (on Charter change) ... Did he try to convince you?

SRH: Tama po yun yung impormasyon na iyon. Batay sa sense namin sa minority na hindi lamang kaming dalawa ang magno-no sa ChaCha. Kahit yung Resolution of Both Houses 6 dito sa Senado, mula sa halos simula ng pag-uusap namin ni SP, alam na nila na no talaga ang posisyon ko kahit sa sinasabin economic only provisions amendments na nakapaloob sa RBH 6.

Tingin ko tama yung sense nila na hindi sila makakabuo. Hindi talaga accurate yung unang sinabi nilang meron na silang 18. Kaya definitely lalong malakas ang loob ko na may fighting chance talaga kami makabuo ng at least seven na kailangan namin para i-put down yung RBH 6.

And as for yung pekeng people's initiative nananatiling nagkakaisa ang buong Senado laban diyan.

Q: Sino pa po ang ibang senators laban sa ChaCha?

SRH: Dahil fluid pa ang lahat, pero ang masasabi ko sa inyo ma-assure ko kayo na malakas ang pag-asa ko na makakabuo kami ng at least seven para i-defeat, ipagkait sa RBH 6 ang 18 votes na kailangan para ma-aprubahan.