GRACE POE's TRANSCRIPT
Committee of the Whole hearing

ON PHILHEALTH CARDS

Poe: Okay, thank you Mr. President. Mr. Adre, nabanggit po ninyo, parang may binanggit ka na Plan five million, tama ba 'yung pagkarinig ko?

Adre: Tama po, your honor.

Poe: Mr. Adre, kelan po kayo nag-umpisa sa PhilHealth?

Adre: Nag-start po ako PhilHealth 1998 your honor.

Poe: So 'yung Plan five million kelan po 'yun at ano 'yun, paki-esplika po.

Adre: 'Yun pong Plan five million ni-launch ni former President and CEO Duque noong eleksyon 2004. Noon pong may survey na the late FPJ ay nangunguna ng five million votes sa survey, kaya po five million din ang cards na ipinamigay ng PhilHealth na libre. Kami pong mga regional vice-president ay ipinatawag sa isang pulong sa central office kung saan ini-explain kung papaano po ang distribution. At sa maalala ko po, kaya kami rin nagkaroon ng konting hidwaan dahil nilinaw ko po kung bakit si dating Mayor Duterte na noo'y Mayor po ng Davao ay hindi niya pinabibigyan ng cards, ng PhilHealth cards. At ang tugon po niya, actually nagalit po siya dahil bakit daw isinulat ko at incriminating daw po 'yun. Ang tugon ko po naman if there is nothing criminal with what we are doing, there is nothing incriminating about it. In fact, 'yun po ang unang dahilan ng pagkalugi ng PhilHealth. 'Yun po ang unang dahilan kung bakit natalo po ang PhilHealth for the unpaid premiums which the CSO was supposed to pay. And that was the first time that the financial statement of PhilHealth had been window dressed. In fact your honor, in one of the meetings in Malacanang recently, no less than former Senior Vice-President for Finance Greg Rulloda admitted that during that meeting that financial statements are indeed being window dressed for the past several years. But it started during 2004 because they had to make up for the losses that were incurred for non-payment of premiums during Plan five million.

Poe: Salamat po sa paglilinaw niyan. Alam ninyo hindi lamang ito dahil konektado ito sa akin. Alam ito ni Senate President Sotto 'yung napagdaanan noong 2004 pero 'yun nga, ginagamit ang isang institusyon ng gobyerno para sa sariling layunin, hindi naman yata tama 'yun. Lalung-lalo na eleksyon noon, baka ulit-ulitin 'yan kahit hindi naman pinagplanuhan basta na lang nagbigay ng card na ganun para lang masabi na, para makalamang sila, parang binibili mo na rin ang boto sa ganung klaseng paraan, hindi po ba?